Жессик Нганкам - иккинчи Бундеслигага тушиб кетган "Герта"нинг энг қимматли активларидан бири. Ҳужумчида келаси мавсумда Чемпионлар лигасида ўйнайдиган клубга ўтиш имконияти бор эди, аммо Жессик бу вариантни рад этди.
"Герта" футболчиси "Унион"ни рад этди. Булар дербидаги рақиблар
Нганкам Берлин дербисидаги рақиб клубига ўтишни истамади.
Мана унинг изоҳи: “Мен "Унион" қизиқишларини анчадан бери билардим, лекин бунга аҳамият бермадим. Агентим клуб мени ўз сафига қўшиб олмоқчи эканлигини айтганида, уч-тўрт дақиқа ўйладим. “Ҳозир бундай бўлиши мумкин эмас” деган ўйлар эди. Шундан сўнг агентга “Унион”га бормаслигимни айтдим, чунки мен “Герта”данман ва бу клубни яхши кўраман. Лекин шунча йиллик машаққатли меҳнатимдан сўнг Чемпионлар лигасида ўйнайдиган клуб менга қизиқиш билдираётганини билишдан мамнунман.
Нганкам "Герта"ни тарк этиши деярлик аниқ, фақат унинг кейинги манзили "Унион" бўлмайди
Нганкам Германияда туғилган. Ота-онаси эса камерунлик. "Герта" тарбияланувчиси бўлган Жессик клуб тизимига 2006 йилда, 6 ёшида кирган эди.
У 2020 йил охирида катталар сафида дебют қилди - шундан бери у 37 та ўйин ўтказиб, 6 та гол урди ва 3 та голли узатмани амалга оширди. 2021/22 йилги мавсумда у "Гройтер Фюрт"га ижарага ўтди ва у ерда олтита ўйинда 2+1 натижани қайд этди (жарохати туфайли у кам ўйин ўтказди). Кейинги жамоа Бундеслигадан тушиб кетди, Нганкам эса "Герта"га қайтди.
Яқинда у Германия билан Ёшлар Евросига борди- у ерда жамоа муваффақиятсизликка учради, Англия, Исроил ва Чехия билан гуруҳда сўнгги ўринни эгаллади, Нганкам ва Мукоко эса исроилликлар билан ўйинда пенальтидан фойдалана олмагани учун ирқчилик ҳақоратларига учради.
Жессик "Унион"дан воз кечиши муҳим, аммо унинг "Герта"да қолиши даргумон. Футболчига "Айнтрахт" қизиқиш билдирмоқда, пойтахт клуби эса олий дивизиондан тушиб кетганидан кейин пулга муҳтож.
"Герта" ва "Унион" ўртасида трансферлар деярли йўқ
Transfermarkt маълумотларига кўра, 1989/90 йилги мавсумдан буён 39 та шундай трансфер амалга оширилган, бироқ уларнинг деярли барчаси ўсмирлар ва ёшлар даражасида амалга оширилган. Бу мантиқан тўғри, чунки ўсмирлик даврида битта шаҳардан жамоаларни алмаштириш осон.
Фақат тўртта ҳолатда катталар даражасида трансфер бор эди. Энг сўнгги мисол - 2019 йилда ярим ҳимоячи Юлиус Каде. У эркин агент сифатида "Герта"дан (асосий таркибда 1та ўйин) "Унион"га (бирорта ўйинда иштирок этмаган) кетган.
Берлин дербиси одатда қизғин ўтади. 2019 йилда “Герта” мухлислари Берлиндаги қўшниларига мағлуб бўлгач, трибунадаги тартибсизликларни уч баравар оширишди – улар “Унион” футболкаларини ёқиб юборишди ва рақиб трибуналарига пиротехника воситаларини отишди.
Тўғри, бу жамоалар ўртасидаги ўйинлар унчалик кўп эмас, бор-йўғи 12та: "Унион" 6 марта, "Герта" 3 марта ғалаба қозонган ва уч марта дуранг ўйнаган. Бу "Унион" узоқ вақт қуйи лигаларда юргани билан изоҳланади. 2023/24 йилги мавсум эса барчаси тескари бўлади: "Унион" Бундеслигада, "Герта" эса иккинчи Бундеслигада иштирок этади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
