"Бугун бўлиб ўтадиган "Бунёдкор" ва "Ульсан" клублари ўртасидаги ОЧЛ ярим финал жавоб учрашувида юртдошларимизнинг имкониятларини қандай баҳолайсиз?" деган саволга журналистлардан жавоблар гулдастасини эътиборингизга ҳавола қиламиз:
Олимхўжа Бўронов (stadion.uz):
“Бунёдкор”нинг финалга чиқиш имкониятини баҳолашдан аввал Тошкентдаги ўйинда мағлубият сабабларини таҳлил қилсак, кўп нарсага ойдинлик киритиб оламиз.
Руҳий тайёргарлик.
Футболни ярим куч билан ўйнаб бўлмайди, буни биласиз. Руҳий “настрой” бизнинг менталитет ва жамоаларимиз учун катта аҳамиятга эга! “Бунёдкор” футболчилари “Ульсан”га қарши ўйинда руҳан тайёргарлик кўрмадилар, деб айта олмайман. Бу ерда менталитет билан боғлиқ бошқа ҳолат бор.
Маълумки, ўзбек клублари ОЧЛнинг ярим финалига сўнгги марта бундан 4 йил олдин чиқишганди ва сўнгги йилларда ҳаттоки чорак финалга ҳам етиб бора олишмаётганди. Шунинг учун бўлса керак, “Аделаида”га қарши чорак финал ўйинида Қосимов шогирдлари жуда катта иштиёқ билан тўп суришди. Ҳаттоки ҳар иккала ўйинда “қалдирғочлар” бир неча маротаба ҳисобда ортда бораётиб ҳам якунда ғалабани ўз томонларига оғдира олишди. Тан олиш керак, ўша ўйинларда футболчилар ва мухлислар чексиз адреналинга эга бўлишди. Қайсидир маънода футболчилар ғалаба сурурига “тўйиб” қолишди, “чанқоқлик” йўқолди, ўз ўйинидан, натижадан қониқиш ҳисси пайдо бўлиб қолди.
Миржалол Қосимов футболчиларни тактик жиҳатдан “Ульсан”га қарши ўйинга тайёрлаган бўлса-да, футболчиларнинг ўзидаги иштиёқ максимал даражада бўлмади. Биз ҳали ярим финални ўзимиз учун қониқарсиз деб ҳисоблайдиган даражага етмапмиз. Чемпионликдан бошқасини муваффақиятсиз деб биладиган Бразилия бўла олмадик ҳали. Кореяликларнинг биринчи урган голини эсланг. Ли Кеун Хо ўнг қанотдан майдон маркази чизиғи ёнидан эгаллаб олиб, то жарима майдончамизга югуриб борди ва ҳаттоки уни қулай тарзда Рафиньяга ҳам узатди. Агар Жавлон Иброҳимовнинг қалбида спортча жаҳл бўлганида, ё тўпни майдон ташқарисига чиқариб юборарди, ё Ли Кеун Хони тепиб қулатарди, ёки уни кийимини йиртиб юборадиган даражада тортган бўларди. Нима қилса қилардики, ярим ҳимоячини ўтказиб юбормасди. Бу гап Саҳоб Жўраевга ҳам, Акмал Шораҳмедовга ҳам, ва умуман, бутун жамоага тегишли.
Биринчи ўйин омили
“Бунёдкор” ОЧЛ доирасида сафардаги ўйинларда нисбатан яхшироқ иштирок этди. Бунинг боиси шундаки, меҳмонлардаги ўйинларда жамоа иккинчи рақам остида ҳаракат қилади ва ўйинни ташкил қилиш нисбатан осонроқ, шунингдек, концентрация ҳам юқори даражада бўлади. Шунинг учун бўлса керак, вакилларимиз бир ўйиндан иборат нимчорак финални ўз фойдаларига ҳал қила олдилар. “Аделаида”га қарши ўйинда 0:2 ҳисобида ортда бораётиб, ўзларини йўқотиб қўймадилар. Билардиларки, биринчи ўйиндаги кичик ҳисобдаги мағлубият ёки дуранг дуранг жавоб ўйинида жамоага фойда келтиради. Демак, сафардаги ўйинда стратегия ва мақсад аниқ.
Ана энди биринчи ўйинда уйда бўлганида эса “Бунёдкор” аниқ стратегияга эга бўла олмади. Миржалол Қосимов “Жар”даги ўйинда жамоани қандай стратегия остида тайёрлаганини аниқ билмадиму, аммо ҳисоб тенглашганидан кейин вакилларимиз довдираб қолишди. Улар ҳужум қилишни ҳам, ҳимояланишни ҳам билмай қолишди. Ҳисоб 1:3га етганидан кейин футболчиларнинг ўзлари барча масала ҳал бўлганини тушуниб етишди ва жавоб ўйинида рақиб дарвозасига 3та гол уриш кераклиги уларнинг хаёлларида чарх ура бошлади. Натижада улар ўйинни қутқариб қолиш учун жипслашган муштга айлана олишмади. Ўз ўйин стратегиясини йўқотиб қўйган жамоа ҳатто пенальтидан ҳам гол ура олмаслигини кўрдик.
Кореяликлар эса ўйиндан олдиноқ финал масаласини Тошкентда ҳал қилиб қўйишни ўз олдиларига мақсад қилиб қўйишди ва ушбу мақсад йўлида оғишмай ҳаракат қилишди.
Мана шу омилларнинг барчаси Тошкентда хунук ҳисоб қайд этилишига сабаб бўлди. Мен “Бунёдкор” футболчиларида йиғилиб қолган чарчоқ, вазиятлардан фойдалана олмаслик, йўл қўйилган техник хатолар ҳақида тўхталиб ўтирмадим. Бунақа ҳолат ва вазиятлар ҳар бир ўйинда, ҳар бир жамоада бўлади. Дастлабки ўйиндаги мағлубиятимизни юқорида 2та сабаб билан изоҳлаган бўлардим.
Бугунги ўйинда мақсад аниқ — иложи бўлса, 3:0, 4:2 ҳисобларида ғалаба қозониш ёки 3:1 ҳисобида енгиб, ўйинни қўшимча бўлимга ўтказиш. Бир нарса хавотирга солади — Қосимов футболчиларнинг кўнглидаги “шундай ҳисобда енга олармиканмиз?”, деган хавотирни чиқариб юбора олдимикан? Мана шу нарсага кўп нарса аниқ.
Бугунги ўйинда “Бунёдкор”дан ғалаба кутяпман, қандай ҳисобда бўлишидан қатъий назар. Бу ғалаба финалга чиқиш учун етарли бўладими ёки йўқми, буни бир ярим соатдан кейин бошланадиган ўйиндан сўнг билиб оламиз.
Валентин Шумилин ("Зенит" ФК журналисти, Санкт-Петербург):
Перед тем как говорить о предстоящем матче "Бунедкора" с "Ульсаном", я хотел бы вернутся к первой игре в Ташкенте, в которой Бунедкор проиграл дома 1-3. Это поражение я считаю случайностью, даже скорее это была недооценка соперника. Забив быстро первый гол, "ласточки" расслабились, а корейцы наоборот разозлились и воспользовались своими моментами. Вселяет надежду то, что после трех пропущенных мячей, игроки "ласточек" создавали моменты и пытались забить и даже заработали пенальти. Жалко только, что Хасанов не смог его реализовать. Что касается предстоящего матча, я считаю, что все возможно. И думаю, что "Бунедкор" может ответить за обидное поражение и пройти в финал. Игроки "ласточек" могут "раздавить" своего соперника и я им желаю удачи в этом непростом деле.
Шуҳрат Шокиржонов (stadion.uz) :
Менимча, "Бунёдкор" бугунги учрашувда ғалаба қозонади. Лекин бу ғалаба ўзи учун керакли ҳисобда бўлишига ишонмайроқ турибман. Шу сабабли ОЧЛ-2012нинг финали "Пахтакор"да эмас, мана шу стадионда ўтиш эҳтимоли жуда катта деб ҳисоблайман.
Ренат Эрназаров (voha.uz):
Бугунги жавоб учрашувида "Бунёдкор"ни галабасини чин юракдан хохлардим, чунки энди ушбу ягона клуб ОЧЛда юртимиз шарафини химоя килаяпти. Аммо "Бунёдкор"нинг имконияти жуда кам. Футболда кутилмаган вокеалар куп содир булиб туради, бугун ана шундай ижобий кутилмаган вокеагина Бунёдкор учун финалга йул очиб бериши мумкин.Бунинг учун жамоадан рухий ва жисмоний катта куч талаб этилади.
Наврўз Шодмонқулов (stadion.uz):
Финалга чиқиш учун, дастлабки ўйиндаги мағлубиятига қарамай, амалдаги мамлакатимиз чемпионида имконият бор. Бугуниги баҳсда "Бунёдкор" ўлим груҳидан бекорга чиқмай, ярим финалга қадар етиб келганини исботлаб бериши керак. Футбол шундай спорт турики, олдиндан ким ғалаба қозонишини айтиб бўлмайди. Шундай экан, "Бунёдкор" олдида 90 дақиқа вақт бор. Ўйлайманки, 90 дақиқа вақт "қалдирғочлар"га етарли. Кўп нарса жамоа яримҳимоясига боғлиқ, Лутфулла Тўраев ва Жасур Ҳасановлар ўйин тизгини ўз қўларига олишлари керак. Очиғи "Бунёдкор" дан ғалаба кутмоқдаман.
Бегали Азимов (burgutlar.com) :
Бугун қизиқарли ўйин бўлади ва Бунёдкор 2-4 ҳисобида ғалаба қозониб, финалга йўлланма олади. Ўйинни бошиданоқ корейслар хужумкорлик кўрсатишса керак, аммо бу сафар омад "қалдирғочлар"га кулиб боққан холда ижобий натижа кўрсатишади деб умид қиламан.
Рустам Сулаймонов (stadion.uz):
Менинг жавобим "Бунёдкор" бош мураббийи Миржалол Қосимовнинг фикрига ўхшашроқ: Имконият бор экан - охиригача томоша киламан. "Арсенал"нинг кечаги натижаси мени янада оптимистик ўй-хаёлларга берилишимга сабаб бўлмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
