Ҳар бир ёзги трансфер ойнасида Альваро Мората ҳақидаги янгиликлар тугамайди. ОАВ ҳар доим испанияликни янги жамоага жўнатади ва тез-тез нишонга олиб туради. Тўққиз йил ичида Альваро олти марта клубини ўзгартирди: у икки марта "Ювентус"га ўтди, "Реал" ва "Атлетико"га қайтди, шунингдек, "Челси"га 66 миллион евро эвазига ўтди (жами испаниялик учун 189 миллион тўланган!).
Ҳужумчи бутун фаолиятини ҳар хил совринлар учун курашадиган ва энг яхши футболчиларни сотиб олишга қурби етадиган топ-клубларда ўтказди. Хўш, нега улар ҳеч қачон элита тоифасига кирмаган ва бир мавсумда 20та голдан ўта олмаган Моратани доим афзал кўришади?
Мората бутун фаолияти давомида қийинчиликларга дуч келди. У ҳатто футболни ҳам тугатмоқчи эди. Унинг катталар футболида юқори ўрин топиб кетишида Жозе Моуриньонинг ҳиссаси катта. Бу 2010 йилларга тўғри келади: Жозе ўзининг энг юқори чўққисига чиққанди, у эндигина "Интер" билан Чемпионлар лигасида ғалаба қозонган ва 17 ёшли иқтидорли ҳужумчини пайқаганди. Моур Моратани Америка гастролига олиб борди, унга Мадридда дебютини ўтказишга рухсат берди, кейин унинг шуғулланиши учун Кастильяга қайтди.
"У менга Мадрид клуби билан биринчи йирик шартномамни берди ва "Агар ҳамма нарсани тўғри қилсангиз, бу ҳаётда бошқа ишлашингизга тўғри келмайди. Мен теннисга ўтиш ҳақида ўйладим, чунки мен уни вақти-вақти билан ўйнардим. Ўйлайманки, мен у ерда футболдан кўпроқ завқланаман. Бироқ, теннис учун мен етарлича сабрли ва прагматик эмасдим", деди испаниялик. Аммо асосий синовлар олдинда эди. Моуриньо ёш Альварода салоҳиятни кўрди, лекин уни асосий таркибга олиб киришни истамади. Мисол учун, Жозе “Леванте”га қарши жавоб ўйинида ҳам Моратага имкон бермади (гарчи “Реал” биринчи ўйинда 8:0 ҳисобида ғалаба қозонган бўлса ҳам), унга “Кастилья”даги статистикани тўғрилаб қўйса, катталар жамоасига ўтишга ваъда берди. Мората эплади, аммо мураббий уни барибир захирада қолдирди. Мората 2013 йилда Карло Анчелотти қўл остида катталар футболига кирди. Альваро Ла Лигада 500 дақиқадан кўпроқ вақт ичида 8 та гол урди, Чемпионлар Лигаси плей-оффида "Шальке" дарвозасини ишғол қилди ва "Атлетико"га қарши финалда 40 дақиқа майдонда ҳаракат қилди. Мавсум якунида Анчелотти испанияликни истеъдод бўйича Роналду ва Бензема билан солиштириш мумкинлигини айтди.
Аммо орадан бир-икки ой ўтгач, Карло ҳужумчини 20 миллион евро эвазига "Ювентус"га қўйиб юборди: Альваро бир зумда янги жамоага мослашди ва доимий равишда Скудеттони қўлга киритиб, Чемпионлар лигасининг ҳал қилувчи босқичларида қатнашадиган енгилмас жамоанинг бир қисмига айланди. Икки мавсумда Мората 27 та гол урди, "Реал"га қайтди ва захира ўйинчиси сифатида ҳар мавсумда 20 та гол уриш бўйича рекордни янгилади (индивидуал рекорд). Бироқ муаммолар "Челси"га ўтгандан кейин бошланди. Жадвалдаги рақобат кучайганлиги ва чемпионатнинг ўзига хос хусусиятлари туфайли Мората ўзини хотиржам ҳис қилмади. Агар Турин ва Мадридда таниш чеҳралар, ишонч ва устун ўйин бўлса, Лондонда ҳаммаси бошқача эди. Бу статистик маълумотларда ўз аксини топди: 20 XG билан Альваро 16 марта гол урди, бироқ идеал ҳолатда, юқори савияли ҳужумчилар кутилган голлардан кўпроқ гол уриши керак. Натижада, Мората бир ярим йилдан сўнг "Челси"ни тарк этди (у бундан ҳам эртароқ буни хоҳлаган эди, лекин Сарри уни қолишга кўндирган) ва унинг 60 миллион еврога трансфери муваффақиятсиз деб топди. Альваронинг омадсизлигининг бир қанча сабаблари бор, аммо барчаси ҳужумчининг руҳий муаммоларига боғлиқ. Очиғи, "Челси" мухлислари Моратанинг Дрогба ва Диего Коста даражасида жамоасига таъсир ўтказишини кутишганди. Трансфер нархи ҳам бунга таъсир қилди - испаниялик клуб тарихидаги энг қиммат харид бўлди. Мората юқори истеъдод соҳиби эди, лекин у ҳеч нарса қила олмасди. У омадсиз ўйинларга эмоционал муносабатда бўлди, алмаштирилгандан сўнг бутилкаларни тепиб юборарди.
"Менга психологик жиҳатдан қийин бўлди ва бу ҳақда ҳеч кимга айтмоқчи эмас эдим ва ҳеч кимни тинглашни хоҳламадим. Фақат уйда ўтиргим келарди. Бу, эҳтимол, тушкунлик эмасди. "Челси"да менинг жуда кўп умидларим бор эди - жуда катта босим бор эди", деди ҳужумчи мавсум якунида. Барча муаммоларга унинг яқин дўстининг автоҳалокатдан вафот этиши ва хотинининг ҳомиладорлиги қўшилди. "Бизнинг одатдаги тонгимизни тасаввур қилинг: хотиним касал, дўстим эса ётоқдан туролмайди", деб эслайди Альваро. Янги мавсум бошланишидан олдин Моратани психолог Хоакин Вальдезга тавсия қилишди. Аввалига испаниялик буни ҳақоратли ҳазил деб ҳисоблади, аммо тез орада унинг ҳузурига боришга қарор қилди. Ўшандан бери нафақат клубда, балки терма жамоада ҳам ишлар осонлашди. 2018 йилги жаҳон чемпионатини ўтказиб юборган футболчини Луис Энрике яна қайтарди ва у билан бирга психолог Вальдезни штаб-квартирага таклиф қилган. Хоакиннинг қўллаб-қувватлаши, айниқса, Евро-2020 пайтида иш берди, Альваро ёмон ўйин кўрсатгани учун ижтимоий тармоқларда оиласига таҳдидлар ҳам бўлди. Бироқ психологнинг ёрдами шунақа пайтлар иш берди.
Мората ўзини ҳеч қачон юлдуз деб ҳисобламаган, шунинг учун у ҳар қандай ўйин услуби ва талабларга осонгина мослашади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
