Ёшлар жамоалари ўртасидаги турнирларнинг ёзги мавсуми якунига етди. Италия ёшлар ўртасидаги жаҳон чемпионати финалида мағлуб бўлди, аммо барибир кубоксиз қолмади улар Евро U-19 ни олдилар.
Ушбу турнирда бор-йўғи саккизта жамоа иштирок этди, Испания, Португалия ва Италия юқори ўринлардан жой олди. Бу жамоалар таркибида энг умидли ўйинчилар келган, аммо унчалик машҳур бўлмаган жамоаларда ҳам очилишлар мавжуд.
Уго Феликс - 19 ёш, вингер, Португалия терма жамоаси
Жоаунинг укаси терма жамоа сардори ва етакчиси. У учта гол урди ва иккита голли узатмани амалга оширди - гол+пас бўйича биринчи ўринни Рибейро ва Барбера билан бўлишди. У ҳужумнинг иккала қанотида ҳаракат қилиб, вақти-вақти билан Карлос Борхес билан позициясини ўзгартириб турди. У ҳар доим ҳам тўп билан хайрлашишга шошилмайди. Икки оёқ билан ўйнаш қобилияти уни олдиндан айтиб бўлмайдиган ўйинчига айлантиради.
Родриго Рибейро - 18 ёш, қанот ҳужумчиси, Португалия терма жамоаси
Родриго гуруҳ босқичида Италияга қарши ўйинда 1+1 натижани қайт этди, аммо финалда бу кўрсаткич такрорлана олмади. Ҳужумчининг кўп қирралилиги унга ўйиннинг турли сценарийларига мослашиш имконини беради. Рибейро ҳар доим ҳам дарҳол ўйинга тушавермайди, лекин у тушганда бир зумда Португалиянинг ҳужумдаги асосий қуролига айланади. Норвегия билан ўйинда ҳам шундай бўлди: дастлабки 20 дақиқа кўринмади, кейинроқ дубл қайд этиб, голли узатмани амалга оширди.
Самуэл Вигнато - 19 ёш, вингер, Италия терма жамоаси
Самуел чап қанотда Луис Хаса билан ажойиб жуфтлик ҳосил қилди. Айнан улар Италияни чемпионликка олиб келишди. Вигнато турнирда иккита гол урди ва битта голли узатмани амалга оширди. Қанот ҳужумчиси йўқ жойдан имкониятлар яратади.
Луис Хаса - 19 ёш, яримҳимоячи, Италия терма жамоаси
“Ювентус” тарбияланувчиси италияликлар таркибида гол+пас бўйича энг яхши бўлди – 1+4. Луи - жамоанинг асосий двигатели: у ташаббусни ўз қўлига олади, тўпни олдинга еткади. Ҳужумга эътибор қаратиш ва доимо ўйинни кучайтириш учун имконият излайди. Италиялик футболчи тўпни ажойиб назорат қилади, шу туфайли у жамоанинг ҳимоядан чиқиб кетишига ёрдам беради.
Иван Фреснеда - 18 ёш, Испания терма жамоаси
Ушбу турнирда энг кўп эътибор қозонган футболчи. Фреснеда Евро U-19нинг энг қиммат футболчиси: Transfermarkt ҳимоячини 15 млн еврога баҳоламоқда.
Иван ўзини йўқотмади. Ҳимояда ишончли ўйнади, позицион ҳужумларда ёрдам берди. Топ-клублар испаниялик футболчини қишдан бери ўз сафига қўшиб олмоқчи. Ўшанда "Арсенал" ва "Боруссия Д" трансферга энг яқин бўлган бўлса, энди "Барселона" ва "Милан". “Валядолид” билан шартномада товон пули 20 миллион еврони ташкил этади, аммо клублар бу суммани камайтиришга ҳаракат қилмоқда.
Турнирнинг асосий кашфиётлари
Жарек Гасеровски - 18 ёш, марказий ҳимоячи, Испания терма жамоаси
Жарек ярим финалда испанларни йирик мағлубиятдан қутқариб қолди ва бутун турнирни ишончли ўтказди. "Валенсия" тарбияланувчиси биринчи пасни аъло даражада ўтказди ва шерикларини ҳимоя қилди. Италия билан ўйинда бир неча бор хавфли зарбаларга олиб келиши мумкин вазиятлар жамоани қутқарди.
Стефанос Цимас - 17 ёш, ҳужумчи, Греция терма жамоаси
Стефанос Норвегия билан ўйинда иккита гол урди, аммо Греция барибир мағлуб бўлди - 4:5. Цимас кучли ва ҳаракатчан ҳужумчи эканлигини кўрсатди. Италия матбуоти "Милан" ва “Салернитана” грециялик билан шартнома имзолаш учун курашаётганини ёзмоқда.
Кимлар топ-клубларга ўтиб улгурди?
Турнир давомида 18 ёшли италиялик яримҳимоячи Чер Ндур “ПСЖ”га йўл олди. Футболчи “Бенфика”нинг асосий жамоасида имкониятни кутмай, эркин агент сифатида кетди.
Роберт Левандовскининг вориси деб аталган Виктор Барбера "Барселона"ни тарк этиб, "Брюгге" клубига ўтди. Виктор 4та гол билан Евро У-19 турнирининг энг яхши тўпурари бўлди. У ўзи учун вазият ярата олади, тўпсиз яхши ўйнайди.
“Барселона” “Вильярреал”га ўтган Илёс Ахомашни йўқотди. Унинг учун “Лидс”, “Арсенал” ва “Милан” узоқ вақт курашди, испаниялик бу клубларнинг биринчисига ўтишга ҳам яқин қолганди, бироқ жамоанинг Чемпионшипга тушиб кетиши ҳаммасига халал берди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
