Пеле бир пайтлар, ўз фаолиятини тугатишидан олдинроқ Америкада футбол ўйнашни "ҳаётимда қилган энг яхши ишларимдан бири" дея таърифлаган эди. Ойлаб кечган музокаралар ва матбуотни зир титратган кўплаб миш-мишлардан кейин, ваниҳоят Лионель Месси МЛСга келди. У ўз тақдирини бразилиялик афсона сингари Америка билан боғлади. Бу воқеа МЛС юлдузларининг "Арсенал"га қарши кечадиган ўртоқлик ўйини олдидан рўй берди. Қатардаги мундиал ғолиби, албатта АҚШдаги энг машҳур инсон ва МЛС юлдузлари таркибида эътироф этилишга лойиқ. Мессининг "Интер Майами" келишни исташи аввалдан маълум эди. Аммо клуб расман, уни 38 кундан кейин таништирди. Бу воқеага эндигина 3 кун бўлмоқда. Хўш, шундай қисқа вақт ичида Месси "Арсенал"га қарши баҳсда қатнашадими?
Афсуски, мухлисларни бундай кутилмалари амалга ошмйади. Бахтга қарши, Месси "Ди-Си Юнайтед"нинг стадионида бўлмайди. МЛСнинг расмий сайтида 19 июль куни бўлиб ўтадиган ўйин учун таркиб чиқди. Ундан Месси ўрин олмаган. Шундай экан, ушбу ўртоқлик ўйини Мессисиз ўтади.
Лионель Месси Пеледан кейинги Америкада пайдо бўлган илк йирик номдир. Йирик ном дейишимизга сабаб, айнан унинг МЛСда экани, дунёни АҚШ футболига бўлган қизиқишини кескин оширади. Гарчанд МЛС юлдузлари ва "Арсенал" ўртасидаги ўйинниннг натижаси унчалик ҳам муҳим бўлмасада, ундаги Мессининг иштироки кўп нарсани ўзгартирарди. Хусусан, футболчининг ўзи учун бу, севимли рақибларидан бири билан қайта тўқнашиш демакдир.
Ўтмишда Месси "Барселона" сафида "Арсенал"га қарши жами 6 та ўйин ўтказиб, 9 та голга муаллифлик қилади. 2014 йилда "Арсенал"нинг афсонавий мураббийи Арсен Венгер Лионель Мессини Лондонга олиб келишга жуда яқин келганини гапириб берганди. У Сеск Фабрегас билан қўшиб, Мессини ҳам "Барселона" академиясидан олиб кетмоқчи бўлади:
"Биз академиядан Месси, Фабрегас ва Пикени танлаб олгандик. Афсуски, фақатгина Фабрегас бизга насиб этди. Албатта, агарда Месси ўшанда Месси ҳам "Арсенал"га ўтганида, кўп нарса бошқача бўлиши мумкин эди.
Энди яна ўртоқлик ўйинига қайтсак. Ижтимоий сўровнома натижалари, МЛС бош раиси Дон Гарбер ҳамда жамоага бошчилик қилувчи Уэйн Руни фикри асосида "Арсенал"га қарши чиқадиган 28 та футболчи танлаб олинди. Таркиб 7 июлда, Месси келишидан бир ҳафта илгари тасдиқланган. Бу омил ҳам Мессининг қатнашмаслигига сабаблардан биттаси саналади. Аргентиналикнинг янги жамоаси, "Интер Майами"дан бирорта ҳам футболчи МЛСнинг юлдузли терма жамоаси сафига кира олмаган.
Эслатиб ўтамиз, "MLS All-Star" ва "Арсенал" ўртасидаги учрашув Ўзбекистон вақти билан эртага, тонгги 5:30 да старт олиши белгиланган.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
