Саудия Арабистони про лигаси ривожланиб боргани сари бу лига фаолиятини якунлаш арафасида турган ўйинчилар учун янада жозибадор бўлиб бормоқда. Бироқ АПЛдек кучли лигада тўп тепа туриб ҳам Яқин Шарққа йўл олаётганлар ҳам топилмоқда. Саудия клублари бундай футболчиларга катта маош таклиф қилишлари мумкин ва Премьер-лиганинг қайси юлдузига тез орада бундай катта таклиф тушиши мумкинлиги ҳақида ўйлаш қизиқ.
Вильфрид Заха
Заха ҳозирда эркин агент ҳисобланади, чунки унинг "Кристал Пэлас" билан шартномаси якунига етди. Бир қанча жамоалар Кот-д'Ивуарликнинг вакиллари билан суҳбатлашди, жумладан Франция чемпиони "Пари Сен-Жермен", Скудетто соҳиби "Наполи", шунингдек, "Лацио" ва "Галатасарой" клублари ҳам бу рўйхатда бор эди.
Улардан ташқари “Ан-Наср” ва “Ал-Иттифоқ” ҳам Захага қизиқиш билдирмоқда. Вильфрид Захада Неймар каби қобилият борлигини ҳисобга олсак, у бемалол янги жамоасига қўшимча куч қўша олади. Бироқ Саудия варианти ҳозирча уни иккилантирмоқда.
Обамеянг
"Челси" фаол равишда Пьер-Эмерикни Саудия Арабистонига сотишга ҳаракат қилмоқда, улар 34 ёшли футболчини ҳозирча муаммоли бўлиб турган маош тизимидан чиқариб ташлашга қарор қилди. Саудия Арабистонига ўтиш "Челси" учун ҳам, Обамеянгнинг ўзи учун ҳам биринчи галда ўйин вақтини ҳисобга олган ҳолда энг яхши вариант бўлиши мумкин.
Филиппе Коутиньо
/i.s3.glbimg.com/v1/AUTH_da025474c0c44edd99332dddb09cabe8/internal_photos/bs/2023/V/0/1zeiqtTRq9i37LHh5VQg/323114980-175585478495613-7222379648781168308-n.jpg)
Хабар қилинишича, Коутиньо бу ёзда Жеррарднинг қизиқиш доирасида бўлган. Бразилиялик футболчи собиқ жамоадоши ва мураббийи билан яна бирлашиш учун "Ал-Иттифоқ"га ўтишдан манфаатдор.
Жеррард 2022 йил октябрь ойида истеъфога чиқарилганидан бери Коутиньо учун "Вилла"да ўйин вақтига эга бўлиш қийин бўлди. 2022/23 йилги мавсумда у Премьер-лигада атиги еттита бошланғич ўйинда майдонга тушди. "Бешиктош" Филиппе Коутиньо учун 8 миллион евро таклиф қилди.
Ҳаким Зиеш
Зиешнинг Саудия Арабистонида ўйнашини тушунса бўлади, у "Ан-Наср"га ўтишга деярли тайёр эди, аммо келишув амалга ошмай қолди. Тиббий кўрик унинг тиззаси ва сонида муаммолар борлигини аниқлади, натижада дастлабки таклиф қайта кўриб чиқилди ва шартлар 40% га қисқартирилди. Зиеш бу таклифни рад этди, аммо унга бошқа клуб қизиқмоқда. "Ал-Аҳли" Риёд Маҳрезни қўлга киритишга ҳаракат қилмоқда, аммо муваффақиятсизликка учраса, Зиеш вариантига ўтилади.
Жесси Лингард
Жесси Лингард учун Саудия лигасига ўтиш энг яхши вариант бўлиши мумкин, чунки собиқ "МЮ" юлдузи ҳозирда катта клублардан ташқарида ва ҳатто "Ноттингем Форест" у билан битимни янгиламасликка қарор қилган.
Уго Льорис
Франциялик футболчи 11 йиллик фаолиятидан сўнг шимолий Лондон жамоасини тарк этишни истаётганини аллақачон маълум қилган. Льорис узоқ вақт клубсиз қолмайди. У аллақачон Саудия Арабистонидан фойдали таклиф олган. Унинг энг яхши йиллари ортда қолганига қарамай, ўзини исботлаш учун ҳали вақт бор - айниқса у Саудия чемпионатининг энг яхши дарвозабони бўлиши аниқ.
Жейми Варди
Вардининг "Лестер" билан шартномаси тугашига 12 ойдан кам вақт қолган ва унинг ёши 36 да. Саудия Арабистонига кўчиб ўтиш унинг учун ажойиб вариант бўлиши мумкин. Ҳатто бир қанча клублар, жумладан "Халеж" ҳам инглиз футболчисини сотиб олишга қизиқиш билдирган.
Бироқ, Варди бу таклифларни рад этди, чунки бу мамлакат ўзи ва унинг оиласи учун мос эмаслигини ҳис қилди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
