Аввал Германия чемпионатининг порлаши кутилаётган иқтидорлари ҳақида маълум қилгандик. Энди эса Ла Лиганинг мана шундай вундеркиндларини бирма-бир кашф этамиз.
Арнау Тенас (дарвозабон, 22 ёш, "Барселона")
Бу ёзда 21 ёшгача бўлган футболчилар ўртасида финалчига айланган дарвозабон эркин агентга айланиши мумкин. Бунгача у "Барселона"нинг ўринбосарлари сафида мунтазам ўйнаган ва ўтган мавсумда 26 та ўйиндан 15 тасида дарвозаси даҳлсизлигини сақлаб қолган. "Ла Масия" тарбияланувчиси дарвозабон учун керак бўлган кўпгина ҳислатлар эгаси. У қайси клубда ўйнамасин жамоасининг асосий футболчисига айлана олади.
Хуан Миранда (ҳимоячи, 23 ёш, "Бетис", 7 миллион евро)
Миранда 2021 йилнинг ёзида "Барселона"дан "Бетис"га ўтди ва мазкур клубда ўзини кўрсата олди. У янги жамоасида ҳимоянинг марказида барқарор ўйинлари билан ҳаммани ўзига қаратди ва Евро U21 да ҳам терма жамоасига анча фойда келтирди. Мазкур ҳимоячи стандард вазиятлар пайтида иккинчи қаватда устунлик қила олади.
Йон Пачеко (ҳимоячи, 22 ёш, "Реал Сосьедад", 6 миллион евро)
Ҳозирги вақтда ўйини назорат қиладиган ҳимоячига талаб катта. Пачекони эски мактаб футболчиларига ўхшатиш мумкин. Иккинчи қаватда ва рақиблар билан елкама-елка кураша оладиган жисмонан кучли ҳимоячи."Реал Сосьедад" катта футболга мана шундай футболчини етиштириб чиқарди. Шунингдек у, Евро U21 да Испания таркибида ўзини етарлича кўрсата олди.
Арнау Мартинес (ҳимоячи, 20 ёш, "Жирона", 15 миллион евро)
Мартинес ҳам марказий, ҳам ўнг қанот ҳимоячиси сифатида ўйнашга қодир. У "Жирона" билан якунига етган мавсумни ажойиб ўтказди. Ҳар қандай ҳужумчи у билан тўқнашишга ҳайиқади. Мартинесда ажойиб техника ва дриблинг бор, бу унинг позициясидаги футболчилар учун хос эмас. Арнау орқа чизиқдан ҳужумларни ташкил қила олади.
Иван Фраснеда (ҳимоячи, 18 ёш, "Вальядолид", 15 миллион евро)
Фраснеда Ла Лигадаги дебют мавсумида ўзини унчалик кўрсата олмагандир. Лекин у рақибларига етарлича қаршилик кўрсата олади. Унга "Барселона", "Арсенал" ва "Боруссия Дортмунд" клублари қизиқиш билдиришди.
Аймар Орос (ярим ҳимоячи, 21 ёш, "Осасуна", 15 милллион евро)
"Осасуна" ярим ҳимоячиси якунига етган мавсумни яхши ўтказди ва жамоасининг Конференциялар лигаси йўлланмасига эга чиқиши учун ўзининг катта ҳиссасини қўшди. Ороснинг вазифаси асосан, ҳужум ва ҳимояни боғлаб бериш. Аймар ўтган мавсумда 3 та гол ва 6 та ассист қайд этди.
Родри (ярим ҳимоячи, 23 ёш, "Бетис" 8 миллион евро)
"Бетис" ярим ҳимоячи етиштиришда яхшигина тажрибага эга. Фабиан Руис, Дани Себальос ва Санчес кабилар мисол сифтида келтирилади. Родри креатив ўйин намойиш этишни хуш кўрадиган, ҳужумларнинг асосий бошловчиси, мукаммал техникага эга.
Самуель Кошта (ярим ҳимоячи, 22 ёш, "Альмерия", 5 миллион евро)
Ушбу рўйхатда испаниялик бўлмаган иккита футболчи бор, улардан бири португалиялик Кошта. У якунига етган мавсумда "Альмерия" таркибида порлади. Самуель ҳужумкор ярим ҳимоячи, лекин ҳимояга ҳам бемалол ёрдам бера олади. майдонни кўролади. Ҳужумлар асосан у орқали ташкил қилинади.
Алекс Баэна (ҳужумчи, 21 йил, "Вильярреал", 20 миллион евро)
Мазкур футболчи қолган шерикларига қараганда анча умидли ва келажаги порлоқ бўлиши кутилмоқда. У якунига етга мавсумда "Вильярреал" таркибида Ла Лигада 35 та ўйинда майдонга тушиб, 6 та гол уришга муваффақ бўлди. Баэна асосан, қанот ҳужумчиси вазифасини бажаради. Алекс майдонда ақлли ўйнашга ва вазиятлардан максимал фойдаланишга ҳаракат қилади.
Гонсало Плата (ҳужумчи, 22 ёш, "Вальядолид", 5 миллион евро)
Плата бу рўйхатда иккинчи испаниялик бўлмаган футболчи, у Эквадор термаси аъзоси. Гонсало юқори тезлик ва мукаммал кўникмага эга бўлган вингерсифат ҳужумчи. Шунингдек, у ностандарт қарорлар қабул қилиб ҳаммани лол қолдиради. Платага айни вақтда Европанинг бир қанча клубларидан қизиқишлар бор.
/cloudfront-us-east-1.images.arcpublishing.com/eluniverso/X2WOL7QLXRC2RHGUBI6MFHYNTU.jpg)
Серхио Камельо (ҳужумчи, 22 ёш, "Атлетико", 10 миллион евро)
"Матрасчилар" якунига етган мавсумда Камельони "Райо Вальекано"га ижарага берганди. У ерда ёш форвард ҳужумчи сифатида ажойиб амалиётга эга бўлди. Серхио барча мусобақаларда 7 та гол урди. Айтишингиз мумкинки, айни вақтда 22 ёшли бошқа футболчилар ўзини бунданда ортиқ кўрсатяпти деб, мисол сифатида Мбаппени кўрастган ҳолда. Шуни унутмаслик керакки, ёш юлдузларнинг аксарияти ўзини кейинроқ намойиш этади. Ҳужумчи ўз позициясида рақиб ҳимоячиларига етарлича муаммо туғдира олади. Шерикларини ҳам тўп билан таъминлаб, жамоасига анча фойдаси тегадиган форвард. Серхио қайси клубда ўйнамасин ўзини имкон қадар кўрасата олади.
Ла Лигада бундан ташқари ҳам порлаши кутилаётган иқтидорлар анчагина кўп. Бу рўйхат хамир учидан патир холос.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
