Avval Germaniya chempionatining porlashi kutilayotgan iqtidorlari haqida ma’lum qilgandik. Endi esa La Liganing mana shunday vunderkindlarini birma-bir kashf etamiz.
Arnau Tenas (darvozabon, 22 yosh, "Barselona")
Bu yozda 21 yoshgacha bo‘lgan futbolchilar o‘rtasida finalchiga aylangan darvozabon erkin agentga aylanishi mumkin. Bungacha u "Barselona"ning o‘rinbosarlari safida muntazam o‘ynagan va o‘tgan mavsumda 26 ta o‘yindan 15 tasida darvozasi dahlsizligini saqlab qolgan. "La Masiya" tarbiyalanuvchisi darvozabon uchun kerak bo‘lgan ko‘pgina hislatlar egasi. U qaysi klubda o‘ynamasin jamoasining asosiy futbolchisiga aylana oladi.
Xuan Miranda (himoyachi, 23 yosh, "Betis", 7 million yevro)
Miranda 2021 yilning yozida "Barselona"dan "Betis"ga o‘tdi va mazkur klubda o‘zini ko‘rsata oldi. U yangi jamoasida himoyaning markazida barqaror o‘yinlari bilan hammani o‘ziga qaratdi va Yevro U21 da ham terma jamoasiga ancha foyda keltirdi. Mazkur himoyachi standard vaziyatlar paytida ikkinchi qavatda ustunlik qila oladi.
Yon Pacheko (himoyachi, 22 yosh, "Real Sosyedad", 6 million yevro)
Hozirgi vaqtda o‘yini nazorat qiladigan himoyachiga talab katta. Pachekoni eski maktab futbolchilariga o‘xshatish mumkin. Ikkinchi qavatda va raqiblar bilan yelkama-elka kurasha oladigan jismonan kuchli himoyachi."Real Sosyedad" katta futbolga mana shunday futbolchini yetishtirib chiqardi. Shuningdek u, Yevro U21 da Ispaniya tarkibida o‘zini yetarlicha ko‘rsata oldi.
Arnau Martines (himoyachi, 20 yosh, "Jirona", 15 million yevro)
Martines ham markaziy, ham o‘ng qanot himoyachisi sifatida o‘ynashga qodir. U "Jirona" bilan yakuniga yetgan mavsumni ajoyib o‘tkazdi. Har qanday hujumchi u bilan to‘qnashishga hayiqadi. Martinesda ajoyib texnika va dribling bor, bu uning pozisiyasidagi futbolchilar uchun xos emas. Arnau orqa chiziqdan hujumlarni tashkil qila oladi.
Ivan Frasneda (himoyachi, 18 yosh, "Valyadolid", 15 million yevro)
Frasneda La Ligadagi debyut mavsumida o‘zini unchalik ko‘rsata olmagandir. Lekin u raqiblariga yetarlicha qarshilik ko‘rsata oladi. Unga "Barselona", "Arsenal" va "Borussiya Dortmund" klublari qiziqish bildirishdi.
Aymar Oros (yarim himoyachi, 21 yosh, "Osasuna", 15 milllion yevro)
"Osasuna" yarim himoyachisi yakuniga yetgan mavsumni yaxshi o‘tkazdi va jamoasining Konferensiyalar ligasi yo‘llanmasiga ega chiqishi uchun o‘zining katta hissasini qo‘shdi. Orosning vazifasi asosan, hujum va himoyani bog‘lab berish. Aymar o‘tgan mavsumda 3 ta gol va 6 ta assist qayd etdi.
Rodri (yarim himoyachi, 23 yosh, "Betis" 8 million yevro)
"Betis" yarim himoyachi yetishtirishda yaxshigina tajribaga ega. Fabian Ruis, Dani Sebalyos va Sanches kabilar misol siftida keltiriladi. Rodri kreativ o‘yin namoyish etishni xush ko‘radigan, hujumlarning asosiy boshlovchisi, mukammal texnikaga ega.
Samuyel Koshta (yarim himoyachi, 22 yosh, "Almeriya", 5 million yevro)
Ushbu ro‘yxatda ispaniyalik bo‘lmagan ikkita futbolchi bor, ulardan biri portugaliyalik Koshta. U yakuniga yetgan mavsumda "Almeriya" tarkibida porladi. Samuyel hujumkor yarim himoyachi, lekin himoyaga ham bemalol yordam bera oladi. maydonni ko‘roladi. Hujumlar asosan u orqali tashkil qilinadi.
Aleks Baena (hujumchi, 21 yil, "Vilyarreal", 20 million yevro)
Mazkur futbolchi qolgan sheriklariga qaraganda ancha umidli va kelajagi porloq bo‘lishi kutilmoqda. U yakuniga yetga mavsumda "Vilyarreal" tarkibida La Ligada 35 ta o‘yinda maydonga tushib, 6 ta gol urishga muvaffaq bo‘ldi. Baena asosan, qanot hujumchisi vazifasini bajaradi. Aleks maydonda aqlli o‘ynashga va vaziyatlardan maksimal foydalanishga harakat qiladi.
Gonsalo Plata (hujumchi, 22 yosh, "Valyadolid", 5 million yevro)
Plata bu ro‘yxatda ikkinchi ispaniyalik bo‘lmagan futbolchi, u Ekvador termasi a’zosi. Gonsalo yuqori tezlik va mukammal ko‘nikmaga ega bo‘lgan vingersifat hujumchi. Shuningdek, u nostandart qarorlar qabul qilib hammani lol qoldiradi. Plataga ayni vaqtda Yevropaning bir qancha klublaridan qiziqishlar bor.
/cloudfront-us-east-1.images.arcpublishing.com/eluniverso/X2WOL7QLXRC2RHGUBI6MFHYNTU.jpg)
Serxio Kamelyo (hujumchi, 22 yosh, "Atletiko", 10 million yevro)
"Matraschilar" yakuniga yetgan mavsumda Kamelyoni "Rayo Valyekano"ga ijaraga bergandi. U yerda yosh forvard hujumchi sifatida ajoyib amaliyotga ega bo‘ldi. Serxio barcha musobaqalarda 7 ta gol urdi. Aytishingiz mumkinki, ayni vaqtda 22 yoshli boshqa futbolchilar o‘zini bundanda ortiq ko‘rsatyapti deb, misol sifatida Mbappeni ko‘rastgan holda. Shuni unutmaslik kerakki, yosh yulduzlarning aksariyati o‘zini keyinroq namoyish etadi. Hujumchi o‘z pozisiyasida raqib himoyachilariga yetarlicha muammo tug‘dira oladi. Sheriklarini ham to‘p bilan ta’minlab, jamoasiga ancha foydasi tegadigan forvard. Serxio qaysi klubda o‘ynamasin o‘zini imkon qadar ko‘rasata oladi.
La Ligada bundan tashqari ham porlashi kutilayotgan iqtidorlar anchagina ko‘p. Bu ro‘yxat xamir uchidan patir xolos.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
