Сиз катта муваффақиятларга эришади деб кутган футболчи яхши кўрган клубингиз томонидан сотиб юборилса, бу жуда оғир ботади. Бу нарса "Реал" мисолида яққол сезилади. Ушбу жамоа сотган ҳар бир футболчи, гўёки вақт берилса, катта фойда келтирадигандек туюлади. Шунингдек, кетаётган футболчига ҳам осон бўлмайди. Негаки, "Реал" дунёнинг энг яхши клубларидан бири ва ундан кетиш юқорига эмас, балки пастга тушиш билан баробар бўлади. Айтиш керакки, "Реал" деярли ҳеч қачон олди-сотдилардан фойда кўрмаган. Жамоадан кетган футболчиларнинг айримлари эса борган клубида муҳим фигурага айланган. Қуйида "Реал"нинг афсуслари ҳақида сўз боради.
Месут Ўзил
Кетиши: 2013
Сотилган: "Арсенал"
Ўзилнинг фаолияти ўзига хос. У табиатан ўта истеъдодли футболчи эди. Бироқ германиялик кўпроғига лойиқ эди ва эришиши мумкин эди деган қарашлар ҳам бор. Унинг "Арсенал"даги сўнгги йиллар осон кечмайди. Айрим манбаларда Модричнинг келиши Ўзилнинг АПЛга йўл олишига сабабчи бўлган деган маълумотлар учрайди. Аммо бу ҳақиқат эмас. Ўзил "Реал" билан сўнгги мавсумини Ла-лигада энг кўп ассист билан якунлайди. У уч йил давомида тинимсиз ассистлар борасида тенгсиз деб топилган. 2013 йилнинг сентябрида у учун келган 42.5 миллион фунтлик таклиф қабул қилинади. Ўзил "Арсенал" билан 184 та ўйинда 33 та гол ва 59 та ассист қайд этган эди.
Анхел Ди Мария
Кетиши: 2014
Сотилган: "МЮ"
Ди Мария билан ҳам Ўзилга ўхшаш ҳолат юз берган. Бутун дунё аргентиналик ҳужумчи сотилаётганини эшитиб лол қолганди. Балки "Реал" Гарет Бэйл учун жой бўшатиш учун шундай қилгандир. Нима бўлган тақдирда ҳам Ди Мария 60 миллион фунт эвазига "Манчестер Юнайтед"га сотин юборилади. Афсуски, жароҳатлар ва Луи ван Галнинг ғалати қарорлари Ди Мариянинг ўсишига тўсиқ бўлди. Бир йилдан кейин, 2015 йилда Ди Мария "ПСЖ"га кетади. Футболчи у ерда нималарга қодир эканини кўрсатиб қўйганди. Аргентина терма жамоаси аъзоси Париж клуби билан 93 та гол ва 119 та ассист қайд этган.
Кларенс Зeeдорф
Кетиши: 1999
Сотилган: "Интер"
23 ёшли футболчидан ҳеч ким буни кутмайди. Аммо Зeeдорф ХХ аср охирида шундай қилган. У 1996 йилда "Сампдория"дан харид қилинади ва "Реал" билан Ла-лига, ЕЧЛ ва Испания кубогини қўлга киритади. Афсуски, ўша пайтдаги бош мураббий, Жон Тошак билан келишмовчилик Зeeдорфни "Интер"га сотилиши билан якунланади. Футболчининг сотувидан 24 миллион евро ишлаб олинади. "Интер" эса ундан фойдалана олмади. "Милан"га ўтгач, Зеедорфнинг даражаси қайта тикланди. У 2 бор А серияни, 2 марта ЕЧЛ ва Италия кубогини қўлга киритди. "Реал" эса бир четда афсусланиб турарди.
Арьен Роббен
Кетиши: 2009
Сотилган: "Бавария"
Роббен энди футбол ўйнайдиган пайтларини "Реал"да ўтказиб, омадсизликка учрайди. "Челси"дан олиб келинган вингер, 2 мавсум давомида Мадридда бўлди. Аммо яна ўз даражасига чиқа олмади. Бу даврда Роббен 65 та ўйинда 13 та гол ва 15 та ассист қайд этди холос. "Реал"га Перес президент этиб сайланади. У жамоага Роналду ва Какаларни олиб келди. Роббенга эса ортиқ имкон беришмади. Нидерландиялик афсона 25 миллион евро эвазига "Бавария"га сотилади. Германияда Роббен 17 та титул ютди. Уларнинг ичида ЕЧЛ соврини ҳам бор эди. "Бавария"да жами 309 та баҳсда майдонга тушган футболчи 144 та гол ва 101 та ассист қайд этди. "Реал" эса бу сафар ҳам қилган ишидан ич-ичидан пушаймон бўлаётганди.
Эстебан Камбьяссо
Кетиши: 2004 йил
Сотилган: "Интер" (текинга)
Камбьяссо текинга бериб юборилади. У аслида жамоа академиясидан чиққанди. Ҳимоячи 1996 йилда "Архентинос Хуниорс"дан олиб келинган. "Реал"га бир қанча совринлар ютишда ёрдам бергач, футболчи "Интер"га кетади. Камбьяссо Милан шаҳрида ҳақиқий уйини топди. Бир декада давомида у жами 15 та титулни қўлга киритади. Улар ичида 5 та Италия чемпионлиги ва ЕЧЛ бош соврини бор эди.
Клод Макелеле
Кетиши: 2003
Сотилган: "Челси"
Макелеленинг "Реал"дан кетиши жуда оғриқли бўлган. Флоринтино Перес футболчи ҳақида 2003 йилда шундай дейди: "Биз Макелелени соғинмаймиз. Унинг техникаси ўртача, тезлиги паст ва тўпни сақлаб туриш даражаси етишмайди. Унинг узатадиган тўпларининг 90 фоизи ортга ёки ён томонга берилади. Биз Макелеленинг ўрнига ёшроқ футболчиларни олиб келамиз".
Футболчи жамоада қолишни истаган эди. Бироқ, "Реал" унга янги битим таклиф этмайди. Француз футболчиси "Челси"га, 16.8 миллион фунт эвазига сотилади. Макелеле АПЛда ўз жамоасини топ-клубга айлантиришда ёрдам берди. Макелеле 2 марта АПЛ, Англия кубоги, лига кубоги ва Англия суперкубогини қўлга киритган футболчи сифатида, "Челси" тарихида қолди.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
