Кеча Рас ал-Хайма шаҳрида ёшлар ўртасидаги Осиё чемпионатининг чорак финалчи-жамоалари бош мураббийлари иштирокидаги матбуот анжумани ўтказилди. Ўзбекистон ва Сурия терма жамоалари бош мураббийларининг ўйиндан олдинги фикрлари билан танишдингиз. Бошқа жамоалар мураббийларининг фикрлари билан таништириб ўтамиз.
ЭРОН - ЖАНУБИЙ КОРЕЯ. 18:00.
Ли Кван Чжонг (Жанубий Корея ёшлар терма жамоаси бош мураббийи):
— Эрон ушбу мусобақа ғолиблигига даъвогар жамоалардан бири. Улар ҳужумда жуда яхши ҳаракат қилишади. Ўз навбатида, бизнинг фалсафамиз ҳам шундай. Биз ҳам ўз омадимизни ҳужумдан излаймиз. Шунинг учун эртага мухлислар яхши ўйин гувоҳига айланишади. Бу жамоа ҳам бизнинг олимпия терма жамоамиз каби ривожланиб боради. Бунинг учун эса биз эртага ғолиб чиқиб, жаҳон чемпионати йўлланмасини йўлга киритишимиз лозим. Шунда жамоа кўплаб халқаро ўйинларга эга бўлади. Ўсмирларларимиз (U16) қитъа чемпионатининг чорак финалида ютқазиб қўйиб, жаҳон чемпионатига чиқа олмагани аламли бўлди. Биз бундай хатони такрорламоқчи эмасмиз.
Акбар Арги (Эрон ёшлар терма жамоаси бош мураббийи):
— Очиғини айтаман, бизнинг мусобақадаги юришимиз эртага бошланади. Гуруҳ босқичидаги рақибларимизнинг кучини инобатга олган ҳолда, гуруҳдан чиқишимизга ишончим комил эди. Чорак финалга чиққан барча 8 жамоа мусобақада ғолиб чиқишга қодир. Корея Осиёда жарангдор номлардан бири. Улар ушбу ёш тоифасидаги мусобақада 11 марта ғолиб чиқиб, ўзига хос рекорд ўрнатишган. Шунинг учун биз уларни ҳурмат қиламиз. Мен ўз кучимизга ва футболчиларимга ишонаман. Бу жуда кучли ўйин бўлади. Ҳар иккала жамоа ғалаба учун бор имкониятларини ишга солади. Шунинг учун мухлислар Осиёнинг икки кучли жамоаси ўртасидаги баҳсдан лаззат олишлари мумкин.
ИОРДАНИЯ - АВСТРАЛИЯ. 20:00
Жамол Абу Обид (Иордания ёшлар терма жамоаси бош мураббийи):
— Чорак финал жуфтликларига назар ташласак, уларда ҳеч бир жамоа фаворит эмас ва жамоаларнинг имкониятлари тенг. Австралия Осиёнинг муҳим футбол мамлакатларидан бири. Улар кучли. Умид қиламанки, эртага биз уларнинг жисмоний имкониятларини чеклаш учун яхши ишни амалга оширамиз. Бу ернинг иқлими Иорданияникига ўхшаш. Сўнгги ўйиндан кейин футболчилар дам олишга улгуришмагани ягона муаммо бўлиши мумкин. Лекин бундай муаммо Австралияда ҳам бор.
По Окон (Австралиля ёшлар терма жамоаси бош мураббийи):
— "D" гуруҳини ғолиб сифатида якунлаганимиз яхши бўлди. Боиси, чорак финал ўйинини бироз кечроқ, соат 19:00да ўтказиш имкониятига эга бўлдик. Боиси, футболчиларим иссиқ шароитда ўйнашга ўрганишмаган. Лекин эртага қандай натижа қайд этилмасин, бу баҳона бўлмайди. Чорак финалга чиққан 8 жамоанинг ҳар бири етарлича кучли. Биз Иорданиянинг ўйинларини кўриб чиқдик, улар кучли жамоа. Уларнинг иштиёқ билан тўп суриб, Вьетнам дарвозасига бешта гол урган ўйинини кўриб чиқдик. Ярим финалга чиқишни истасак, гуруҳ босқичида кўрсатган ўйинимиздан ҳам яхшироқ ҳаракат қилишимиз лозим.
ИРОҚ - ЯПОНИЯ. 22:00
Ҳаким Шокир (Ироқ ёшлар терма жамоаси бош мураббийи):
— Ушбу ўйинда ғалаба қозонган жамоа мусобақа ғолиблигини ҳам кўлга киритади, деб ўйлайман. Япония маҳорат жиҳатидан кучли ҳисобланади, шунинг учун унга қарши тўп сурадиган ҳар қандай жамоа яхши мотивацияга эга бўлади. Мусобақада олдимизга 3та вазифа қўйганмиз. Биринчидан, биз бу мусобақада тажриба тўплаяпмиз. Иккинчидан, жаҳон чемпионатига чиқишни истаймиз. Учинчидан, кейинчалик олимпия терма жамоасига айланадиган ушбу жамоанинг имкониятларини синовдан ўтказяпмиз.
Ясуши Йошида (Япония ёшлар терма жамоаси бош мураббийи):
— Япония ёшлар терма жамоаси 2008 ва 2010 йилга мусобақанинг чорак финалида ўта олишмаганди. Осиёда футбол ривожланиб бормоқда ва бундан кейин ҳам бу ишни аамлга ошириш қийин бўлади. Шунинг учун биз ўз стандартларимизни кўтаришимиз керак. Гуруҳ босқичида атиги битта гол урдик. Боиси биз қийин гуруҳда эдик. Лекин чорак финалда барчаси ўзгаришига ишонаман ва эртага шогирдларим голлар уришади. Ироқ футболчилари жисмоний жиҳатдан бақувват, улар ҳимояда яхши ҳаракат қилишади. Шунинг учун биз аввало ўз ўйинимиз ҳақида ўйлашимиз лозим.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
