Суперлиганинг 15-туридан ўрин олган “Металлург” – “Навбаҳор” (1:1) ўйинидан кейинги матбуот анжуманининг биринчи қисмида меҳмонлар бош мураббийи Самвел Бабаян иштирок этиб, ОАВ ходимларининг саволларига жавоб берди.
Самвел Вячеславович одатдагидек, ўз сўзини учрашув ҳақидаги фикрлари билан бошлади.
— Сўнгги ўйинлар жуда қизиқарли ва кескин курашлар остида ўтмоқда. Барча шу жумладан, мезбонлар ҳам юқоридаги кайфиятда. “Металлург” турнир жадвалининг иккинчи қисмида бормоқда ва мезбонларга очко жуда муҳим. Шу сабабли, ушбу баҳснинг қийин кечишини билгандик. Умуман олганда, жамоамиз режа асосида ўйнаётганди. Гол урдик, бундан ташқари, яхши вазиятларимиз ҳам бўлди.
Учрашувнинг иккинчи бўлимида ҳам гол уришимиз ва ўйинни мантиқан якунлашимиз керак эди. Бироқ бунинг уддасидан чиқа олмадик. Бекободликларга тан бериш керак, улар охиригача курашишди. Афсуски, қўпол хатолар боис, баҳс якунида ўз дарвозамиздан тўп ўтказиб юбордик.
Бу футбол, бунақаси бўлиб туради. Менимча, айбни ўзимиздан қидиришимиз ва тахлил қилишимиз керак. Қизил олган футболчимиз ўйинни кучайтириш учун майдонга туширилганди, аммо, афсуски, барчамизни қийнаб, майдонни эрта тарк этди. Умуман олганда, йигитларга эътирозим йўқ. Барчада босим бор. Олдинга интилишда давом этамиз. Хатоларни тўғрилаш учун ишлаймиз ва ҳар томонлама изланамиз.
— “Навбаҳор” охирги баҳсларда кам гол уриб, кичик ҳисобларда ғалаба қозонмоқда. Бу сизни хавотирга солмаяптими?
— Йигитларга кам гол уринглар, деб айтмаяпмиз. Шунчаки вазиятлардан фойдалана олмаяпмиз. Муаммо мана шунда. Албатта, ўйинларни яққол устунлик билан якунлашни истаймиз. Бугун ҳам иккинчи ва учинчи голларни уришимиз мумкин эди. Афсуски, таркибда сифатли футболчиларимиз кўп бўлса-да, ҳужумларни якунлашда катта муаммоларимиз бор.
— Иккинчи бўлимда “Навбаҳор” футболчиларининг вақт чўзишлари сабаби, натижани ушлаб қолишмиди ёки бу жароҳатларга боғлиқми?
— Йигитлар ҳеч қачон вақт чўзишмайди. Бунинг барчаси жароҳат билан боғлиқ. Буларни тиббий штабимиз билан кўриб чиқишимиз керак.
“Навбаҳор” ПФК матбуот хизмати.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
