Ўзбекистон терма жамоаси ЖЧ-2014 саралашининг сафардаги бирорта ўйинида ҳам ҳали мағлубиятга учрамади. Эрон терма жамоаси футболчиси Жавод Некуномнинг фикрича, форслар Ўзбекистонга сафар ўйинида илк мағлубиятни тан олишга мажбур қилишаркан.
"Ҳали ҳеч бир жамоа Ўзбекистонни ўз майдонида мағлуб эта олмаган. Ўзбекистон Теҳронга очко умидида ташриф буюради, аммо биз уларни мағлуб этиб, ЖЧ-2014 йўлланмасини кафолатлашимиз керак", дейди Ж.Корея дарвозасини ишғол қилган футболчи.
Футболчининг фикрича, Эрон терма жамоаси ҳозир жисмонан яхши формада. Худди Корея билан ўйинда бўлгани каби Ўзбекистонга қарши ўйинда ҳам мухлисларга қўллаб-қувватлашга чақирди.
— Ўзбекистон терма жамоаси Тошкентдаги мағлубият ўрнини тўлдириш учун керак келади. Улар ҳам Эронни мағлуб этиб, Жаҳон чемпионатига бориш ҳақида ўйлашмоқда. Ўзбекистоннинг Эронга нисбатан бундай муносабати сизни хавотирга солмаяптими?
— Йўқ, уларнинг бундай муносабати бизни хавотирга солмайди. Осиёнинг ҳар қандай жамоаси учун Теҳронда ўйнаш осон бўлмайди, жумладан, Ўзбекистон учун ҳам. Рақибимиз кучли ва муносиб. Бу ўйинда ҳар иккала жамоа фақат 3 очко ҳақида ўйламоқда. Агар Ўзбекистонни мағлуб эта олмасак, биз бундан асло хурсанд бўлмаймиз.
— Миллий терма жамоа Ўзбекистон ва Жанубий Корея устидан ғалаба қозонди. Жамоамиз ҳақиқатан ҳам бу жамоалардан кучлими?
— Ҳозирча бу жамоаларни кичик ҳисобларда мағлуб этдик. Саралаш босқичи якунида, жамоаларнинг кучига баҳо беришимиз мумкин. Тошкентда 3 очкони қўлга киритганимиз бизга ҳозирча устунлик бериб турибди. Эртага бўладиган жавоб ўйини ҳам кўп нарсани ҳал қилади. Бундан ташқари, ҳали Кореяга қарши Сеулдаги ўйин бизни кутиб турибди. Корея эса Тошкентда Ўзбекистонни юта олмади. Биз сафарда Ўзбекистондан 3 очко олганимиздан фахрланишимиз керак. Ҳозир бизда кучли таркиб мавжуд. Чоршанба кунги ўйин ҳар иккала жамоа учун осон бўлмайди.
— Сиз 2006 йили Германияда бўлиб ўтган ЖЧда иштирок этгансиз. Ўша пайтдаги жамоа асосий эътиборни натижага қаратарди. Кўпчиликнинг фикрича, ҳозирги жамоа ҳам яхши ўйнамаяпти, фақат натижа учун курашяпти...
— Ҳозирги жамоани ўша жамоа каби фақат натижа учун ўйнаяпти деб айтмаган бўлардим. Ўйинда бир лаҳзага эътиборни йўқотсангиз, якунда мағлубиятга учрайсиз. Ҳар доим яхши ўйин кўрсатиб, ғалаба қозонадиган жамоалар кам. Мен ҳар қандай ўйин билан ҳам жаҳон чемпионатига боришни истайман. Жаҳон чемпионати Эрон учун муҳим аҳамиятга эга. Фақатгина гранд жамоалар учун биринчи навбатда чиройли ўйин туриши мумкин.
— Ўзбекистонга қарши ўйин олдидан жисмоний ҳолатингиз қандай?
— Жуда яхши формадаман. Жамоада бирдамлик ҳукм сурмоқда. Афсуски, бу ўйинда икки нафар футболчимиз иштирок эта олмайди, лекин уларнинг ўрнини тўлдира оладиган футболчилар бор. Ўзбекистон ЖЧ-2014 саралаш босқичида сафарда мағлубиятга учрамаган ягона жамоа ҳисобланади. Шунинг учун бу жамоага нисбатан тўлиқ куч билан ҳаракат қиламиз.
— Тошкентдаги ўйинда Ўзбекистоннинг 4-5 нафар асосий таркиб футболчиси майдонга туша олмаган эди. Улар асосий таркибга қайтганидан кейин Ўзбекистон янада кучайдими?
— Кўрамиз, бу футболчилар билан Ўзбекистон қандай ҳаракат қилар экан.
— Жанубий Кореяга қарши ўйиндан кейин терма жамоа аъзоларининг кайфияти кўтарилганди. Ҳозир вазият қандай?
— Ўзбекистонга қарши ўйин олдидан футболчилар масъулияти ҳис қилиб туришибди. Мухлисларнинг қўллаб-қувватлашига умид қиляпмиз ва бор эътиборни ғалабага қаратамиз. Ўзбекистонни ютсак, Жаҳон чемпионатига чиқишимиз деярли аниқ бўлиб қолади.
— Кейин ихтиёримизда 3та ўйин қолади. Ўзбекистонни мағлубиятга учратсак, қолган 3та ўйинда керакли натижаларни қўлга киритишга ва натижада ЖЧга боришимизга ишонасизми?
— Ўзбекистонга ютқазиб қўйсак, курашишда давом этамиз. Ўзбекистон бизнинг бевосита рақибимиз ҳисобланади ва уни мағлуб этсак, жаҳон чемпионатига чиқишимизга ишонамиз. Жамоатчилик, ОАВ ва раҳбарларимиз ғалаба қозонишимизни исташмоқда. Ўйин куни стадиони тўлишига ишончим комил. Кореяга қарши ўйинда мухлислар ва матбуотнинг қўллаб-қувватлаши, ўйинчиларга ижобий таъсир кўрсатди. Кореяни ютганимиздан халқимиз қанчалик хурсанд бўлган бўлса, ЖЧга боришимиздан яна шунчалик қувонади.
Ёшлар терма жамоамиз мағлубиятга учраганидан кейин миллий терма жамоага бўлган босим ошди. Барчанинг нигоҳи бизга қаратилди. Шунинг учун Ўзбекистонни мағлуб этиб, халқимизни хурсанд этишимиз керак.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
