Тайёрлов гуруҳлари: Финалда “Бунёдкор” - "Насаф"
Қарши шаҳрида бўлиб ўтаётган 1996-1997 йилларда туғилган футболчилардан иборат олий ва биринчи лига клубларининг тайёрлов гуруҳлари ўртасидаги мусобақанинг республика биринчилиги қизғин паллага кирган.
Бугун турнирнинг ярим финал учрашувлари бўлиб ўтди. Даставвал майдонга Тошкентнинг “Бунёдкор” ҳамда Наманганнинг “Навбаҳор” футбол мактаби тарбияланувчилари чиқиб келишди. Учрашувда катта ташаббусга эга бўлган Равиль Бекчинтаев ва Мухиддин Ортиқов бошқарувидаги “Бунёдкор” футболчилари йирик – 5:2 ҳисобида ғалаба қозондилар.
Иккинчи ярим финалда эса мезбонлар – “Насаф” ҳамда пойтахтнинг “Пахтакор” ўсмирлари куч синашишди. Учрашувнинг асосий вақтида дуранг қайд этилди – 1:1. Шундан сўнг ғолиб пенальтилар сериясида аниқланди. Лотореялар баҳсида “Насаф” футболчиларининг омади чопиб, финалга йўлланма олишди.
Демак, 1996-1997 йилларда туғилган футболчилар ўртасидаги республика биринчилиги финалида “Бунёдкор” ҳамда “Насаф” тарбияланувчилари куч синашишади. Финал баҳси 18 ноябрь, якшанба куни бўлиб ўтади.
Дарвоқе, бу икки жамоа гуруҳ босқичи доирасида ҳам бир-бирлари билан рўбарў келишган ва ўшанда 1:1 ҳисобидаги дуранг натижа қайд этилганди.
Манба: www.fcbunyodkor.com
Киритилди: 19:27, 16.11.2012. Ўқилди: 3659 марта. Фикрлар: 2 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар