“Бунёдкор” – “Қизилқум” учрашувидан кейинги матбуот анжуманида биринчи бўлиб зарафшонликлар устози иштирок этди.
- Жаҳон чемпионати саралаш учрашуви ва Осиё Чемпионлар лигаси турнири муносабати билан юзага келган танаффус чоғида ўртоқлик учрашувлари ўтказиб, “Бунёдкор”га қарши ўйинга жуда яхши тайёргарлик олиб боргандик. Очиғини айтганда, бугунги ўйин тақдирини “Бунёдкор”нинг маҳоратли ўйинчилари ҳал этиб қўйишди. Биз осонликча таслим бўлишни истамасдик ва шунга яраша тактик режаларни ишлаб чиққандик. Бироқ тезкор гол футболчиларимиз руҳиятини тушириб юборди. Аксинча, “Бунёдкор” аъзолари эса голдан сўнг янада очилишди. Иккинчи гол ҳам тезкор равишда амалга оширилди. Икки тезкор гол режаларимизни барбод қилиб юборди. Футболчиларимиз Виктор Карпенкога у қадар эътибор қаратишмади. Лекин унинг бой тажрибаси ўйинни буткул ўзгартириб юборди. Ҳар учала голда ҳам Карпенко иштирок этди, - деди Равшан Акмалович.
- Ўз даврида миллий терма жамоамизга ҳам мураббийлик қилгансиз. Айтингчи, ўша пайтдаги терма жамоа билан хозиргиси ўртасида қандай фарқ бор?
- Аввало, савия ўсган. Шунингдек, футболган бўлган эътибор ва муносабат ҳам ўзгарган. Энг асосийси, футболчиларимиз етилиб пишишди. Мен мураббий бўлганимда қўл остимда ўйнашган – Сервер Жепаров, Тимур Кападзе, Улугбек Бақоев сингари ўйинчилар маҳорат бобида ўсиб етилишди. Айни пайтда қайд этилаётган натижадан жудаям хурсандман. Ҳар томонлама терма жамоамиз жаҳон чемпионатига йўлланма олишининг вақти келганди.
- “Қизилқум”да бир йил ишлаш учун келмагансиз. Шу боисдан ҳам келаси мавсумга хозирданоқ режалар тузишни бошлаган бўлишингиз керак. Бу борада нималар дея оласиз?
- Жорий йилги вазифа – олий лигада қолиш эди. Чунки қишда жамоа жуда қисқа фурсат ичида тузилганди ва таркибимиз ўртамиёна футболчилар ҳисобига шакллантирилганди. Масалан, Ўрунов, Шихов, Бобожонов, Кагиров, Ильин сингари футболчилар айнан шу мавсумда тўлиқ футбол ўйнашди. Маҳоратлари ошганлигини уларнинг ўзлари ҳам сеза бошлашди. Булар илгари 10-15 минутга захирадан майдонга тушиб ўйнашарди. Биринчи даврани жуда яхши ўтказдик. Бироқ мавсумнинг иккинчи қисмига келиб кўп очко йўқотдик. Боиси жароҳатлар ва бошқа муаммолар туфайли таркибимиздан 2-3 нафар футболчилар четга чиқиб қолишди. Икки ёки уч футболчининг йўқлиги “Қизилқум” сингари жамоалар учун жуда катта йўқотиш ҳисобланади.
Энди янги мавсумга бошқачароқ режалар тузяпмиз. Мақсадимиз ҳам жиддийлашади. Таркиб ҳам бошқача шакллантирилади.
- “Пахтакор”дан ижарага олинган футболчилар тақдири нима бўлади?
- Улар яна “Пахтакор”га қайтиб, ўз кучларини синаб кўришга ҳақли.
- Молиявий томондан клубнинг имконияти қандай?
- Бу борада ҳеч бир жамоага осон эмас. Нолиш ҳам яхши эмас.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
