2012 йилги Ўзбекистон миллий чемпионати баҳслари якунига етди. 21 ноябрь куни Олий Лиганинг сўнгги – 26-тур учрашувлари бўлиб ўтди. Аввалги мавсумлардан фарқли ўлароқ, 2012 йили мамлакат чемпиони номи сўнгги турда маълум бўлди.
Тошкентнинг «Пахтакор» клуби 4 йиллик танаффусдан сўнг яна Ўзбекистон чемпиони унвонини қўлга киритди. Сўнгги турда «Бухоро»ни ўз майдонида қабул қилиб, 4:1 ҳисобида ғалаба қозонган Мурод Исмоилов шогирдлари, энг яқин таъқибчиси «Бунёдкор» билан орадаги икки очколик фарқни сақлаб қолди. «Пахтакор» мавсумнинг иккинчи ярмида фақат «Бунёдкор» ва «Шўртан»га қарши ўз майдонида бўлиб ўтган ўйинларда дуранг ўйнади, қолган 11та учрашувда эса фақат ғалаба нашидасини сурди. Жумладан, Тошкент клуби сўнгги 9та учрашувда умуман очко йўқотмади.
Ўз тарихида иккинчи марта Олий Лига кумуш медалларига чиққан «Бунёдкор» иккинчи даврада 12 очко йўқотди. «Андижон», «Пахтакор» ва «Насаф»га қарши ўйинларда Миржалол Қосимов шогирдлари бор-йўғи бир очкодан ишлай олган бўлса, «Олмалиқ» ва «Локомотив»га қарши сафар учрашувларида имкониятни бой берди. Ваҳоланки, айнан «Пахтакор»га қарши иккинчи давра учрашувидан сўнг, ўша вақтда мусобақа жадвалида пешқадамлик қилган «Бунёдкор» мамлакат чемпионлигига асосий даъвогар сифатида эътироф этилганди.
Қайд этиш жоиз, бу «Пахтакор» тарихидаги 9-чемпионлик бўлди. Бунгача тошкентликлар 1992, 1998, 2002, 2003, 2004, 2005, 2006, 2007 йилги мавсумларда ҳам шоҳсупанинг энг юқори поғонасидан жой олишганди.
2012 йилги Олий Лига баҳслари якунига кўра, Тошкентнинг «Локомотив» клуби мусобақа жадвалида 3-ўринни қўлга киритди. Қайд этиш жоиз, бу «Локомотив»нинг Олий Лига тарихидаги илк медалларидир. Тошкентлик темирйўлчилар бронза медаллар учун Қаршининг «Насаф» жамоаси билан баҳс олиб бориб, Қашқадарёда бўлиб ўтган асосий тўқнашувда 2:0 ҳисобида ғалаба қозониб, медаллар тақдирини амалда ҳал қилганди.
Андижоннинг «Андижон» (18 очко) ва Муборакнинг «Машъал» (23 очко) клублари 2012 йилги мавсум якунига кўра мусобақа жадвалида энг охирги ўринларни – мос равишда, 14- ва 13-ўринларни эгаллашди. «Андижон»нинг 14-ўриндан юқорига кўтарила олмаслиги бир неча тур аввал маълум бўлиб улгурган бўлса, «Машъал» сўнгги турда ҳам 12-ўринга кўтарилиб олиш имкониятига эга эди. Бироқ, асосий рақиб – «Навбаҳор» сафарда «Қизилқум» билан 1:1 ҳисобида дуранг ўйнаганига қарамай, муборакликларнинг ўзи ўз майдонида «Бунёдкор»ни мағлуб эта олмади.
Фарғонанинг «Нефтчи клуби сўнгги турда «Олмалиқ»ни 4:2 ҳисобида мағлубиятга учратди. Ушбу учрашувда майдон эгалари ҳужумчиси Анвар Бердиев хет-трикка эришди. Шундай қилиб, Бердиев Олий Лига 2012 йилги мавсумидаги голлари сонини 19тага етказиб олиб, чемпионат тўпурарига айланди. Қайд этиш жоиз, Бердиев айнан шу мавсумда Олий Лига баҳсларидаги ўзининг 200-голини уришга муваффақ бўлганди.
Олий Лига-2012, 26-тур учрашувлари
21 ноябрь, чоршанба
«Локомотив» (Тошкент) – «Шўртан» (Ғузор) 4:1. 3864 томошабин.
Ҳакамлар: Р. Эрматов (Тошкент), А. Расулов (Тошкент), Ж. Саидов (Тошкент), А. Рубаков (Тошкент).
Назоратчи: Ғ. Каримов (Тошкент).
Голлар: А. Фоменко (22), З. Тожиев (26, пенальти, 39), С. Усмонхўжаев (82) – Ф. Тожиев (45).
Огоҳлантиришлар: И. Тўхтахўжаев (35) – Ҳ. Каримов (25), Я. Крушельницкий (50).
Энг яхши ўйинчилар: З. Тожиев – Ф. Тожиев.
«Қизилқум» (Зарафшон) – «Навбаҳор» (Наманган) 1:1. 127 томошабин.
Ҳакамлар: В. Цейтлин (Тошкент), А. Снетков (Тошкент вилояти), А. Усмонов (Тошкент), Ш. Рўзиқулов (Қарши).
Назоратчи: В. Штерн (Тошкент).
Голлар: Ф. Бобоқулов (90+3) - Н. Риндюк (88).
Огоҳлантиришлар: И. Ильин (30), С. Шихов (31), Т. Васильев (84) – Ж. Меҳмонов (26).
Четлатишлар: С. Шихов (иккинчи огоҳлантириш, 56).
Энг яхши ўйинчилар: Ф. Бобоқулов – Н. Риндюк.
«Машъал» (Муборак) – «Бунёдкор» (Тошкент) 0:2. 7204 томошабин.
Ҳакамлар: Ҳ. Рўзиев (Тошкент), Х. Мирзааҳмедов (Тошкент вилояти), Р. Шояхметов (Тошкент), А. Асимов (Тошкент).
Назоратчи: Р. Серазетдинов (Тошкент).
Голлар: К. Мурзоев (44), Б. Пардаев (69).
Огоҳлантириш: Г. Сапаргалиев («Машъал», 26).
Энг яхши ўйинчилар: Г. Сапаргалиев – И. Нестеров.
«Андижон» (Андижон) – «Металлург» (Бекобод) 4:3. 2113 томошабин.
Ҳакамлар: И. Танташев (Бухоро), Н. Тошматов (Фарғона), Н. Рўзимов (Урганч), Ш. Бозоров (Наманган).
Назоратчи: И. Нехочин (Наманган).
Голлар: О. Валижонов (13), Л. Солиев (45), И. Маматказин (63), А. Жўрабоев (90+2) – Ш. Нурматов (24, 56), Ҳ. Ҳошимов (34, пенальти).
Огоҳлантиришлар: Ю. Цой (33), О. Валижонов (66), А. Жўрабоев (90+2) – С. Расулов (36), М. Сулаймонов (76), О. Исабоев (82).
Четлатиш: Ҳ. Ҳошимов (ўйиндан сўнг).
Энг яхши ўйинчилар: Ю. Цой – Ҳ. Ҳошимов.
«Пахтакор» (Тошкент) – «Бухоро» (Бухоро) 4:1. 9389 томошабин.
Ҳакамлар: В. Коваленко (Тошкент), Т. Абдуллаев (Тошкент), Р. Серазетдинов (Тошкент), В. Наджафалиев (Тошкент).
Назоратчи: Р. Муминов (Тошкент).
Голлар: С. Андреев (39, пенальти), Т. Абдухолиқов (65), В. Козак (69, 82) – Ж. Ҳасанов (87, пенальти).
Четлатиш: Е. Кримец («Пахтакор», 86).
Энг яхши ўйинчилар: В. Козак – Ж. Ҳасанов.
«Нефтчи» (Фарғона) – «Олмалиқ» (Олмалиқ) 4:2. 9736 томошабин.
Ҳакамлар: Р. Бобомуродов (Навоий), У. Каримов (Андижон), А. Маражабов (Андижон), Д. Пислегин (Тошкент).
Назоратчи: Г. Имомов (Тошкент).
Голлар: М. Саидов (5), А. Бердиев (48, пенальти, 69, 74) – С. Шоаҳмедов (65), З. Полвонов (80).
Энг яхши ўйинчилар: А. Бердиев – З. Полвонов.
«Насаф» (Қарши) – «Динамо» (Самарқанд) 2:1. 1113 томошабин.
Ҳакамлар: Б. Тоғаев (Тошкент), А. Цапенко (Тошкент вилояти), О. Дачев (Тошкент), А. Эргашев (Тошкент).
Назоратчи: А. Абдуллаев (Тошкент).
Голлар: И. Бошкович (12), И. Юнусов (83) - Р. Аҳмедов (49).
Энг яхши ўйинчилар: И. Юнусов – А. Рисқуллаев.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
