23 августнинг энг муҳим трансфер янгиликлари дайжести билан танишинг.
"Сити" Де Брюйненинг ўрнига АПЛдан футболчи олмоқчи
"Манчестер Сити"нинг асосий юлдузларидан бири - Кевин Де Брюйне жароҳати туфайли камида йил охиригача сафдан чиққан эди. Клуб майдон марказида унинг ўрнини эгаллайдиган футболчи олмоқчи. Номзодлардан бири Матеус Нунес. Фабрицио Романонинг сўзларига кўра, "шаҳарликлар" 24 ёшли футболчи учун "Вулверхэмптон"га 50 миллион евро таклиф қилган. Футболчи аллақачон “Сити” билан шартнома шартларини келишиб олган. Эслатиб ўтамиз, Нунес 2022 йилнинг ёзида "Спортинг"дан 45 миллион евро + 5 миллион евро бонуслар эвазига "бўрилар"га ўтган эди.
Бернарду Силва янги шартнома имзолади
“Шаҳарликлар” бошлиқлари шартномаларни янгилашни унутишмайди. Бернарду Силвага "Барселона", "ПСЖ" ва Саудиядан жиддий таклифлар бўлди. Охир-оқибат португалиялик ярим ҳимоячи Манчестерда қолмоқда.
Силва "шаҳарликлар" билан шартномасини 2026 йилнинг ёзига қадар узайтирди. Яна уч мавсум давомида Бернарду "Этиҳад"да мухлисларни хурсанд қилади. Гвардиола хурсанд!
"Ман Юнайтед"га Хендерсон керак эмас
"Манчестер Юнайтед" жорий трансфер ойнасидаёқ дарвозабон Андре Онана билан шартнома имзолаган ва қўшимчасига туркиялик дарвозабон Алтай Байиндирни сотиб олишга яқин турибди. Аммо тарбияланувчиси Дин Хендерсон бошқа жамоага кетиши мумкин. Фабрицио Романонинг фикрича, “Юнайтед” дарвозабонни мажбурий харид билан ижарага беради. Хендерсон тез орада клубни тарк этади. Дин учун асосий даъвогар "Кристал Пэлас".
Исроилда "Бавария"да Нойер ўрнига вақтинчалик ўринбосар топилди
"Бавария"нинг янги дарвозабони бўйича Фабрицио Романо маълумот берди. Инсайдернинг хабар беришича, Тель-Авивнинг "Маккаби" клуби дарвозабони Даниэл Перец Мюнхенга кўчиб ўтади. 23 ёшли исроилликнинг трансфер суммаси 5 миллион евро + бонуслар бўлади. Перец билан шартнома 2028 йилгача мўлжалланган.
Саудия клуби "ПСЖ" сардорини ўзига тортмоқда
RMC Sport хабарига кўра, "Ал-Иттиҳод" "ПСЖ" ҳимоячиси Маркиньосни ўз сафига қўшиб олмоқчи. Саудия клуби ҳимоя марказида ўйинчи қидирмоқда ва айнан бразилиялик қисқа рўйхатда биринчи ўринни эгаллаб турибди. Қайд этилишича, Маркиньоснинг ўзи Франция жамоасида қолишни истамоқда. “Ал-Иттиҳод – Маркиньос” масаласида аниқ нуқта ҳали белгиланмаган.
Захарянсиз қолган “Лацио” бошқа вариантларни қидирмоқда
Рим клуби ёзда “Динамо”дан Арсен Захарянни олиб кетиши мумкин эди. Аммо россиялик “Реал Состедад”га ўтди. Ўз навбатида "Лацио" Даичи Камада билан шартнома имзолади, энди эса улар Маттео Гендузини хоҳлашмоқда. Calciomercato хабарига кўра, "Марсель" ўз футболчисини 22 миллион еврога баҳоламоқда, "Лацио" эса 15 миллион евролик таклиф тайёрламоқда.
Саудия Арабистонида яна бир суперюлдузми?
“Ал-Иттиҳод” фақатгина Маркиньосни ўз сафига қўшиб олиш билан чекланиб қолмоқчи эмас. Журналист Руди Галеттининг ёзишича, Саудия клуби “Ливерпуль” ҳужумчиси Муҳаммад Салоҳ учун 90 миллион евродан кўпроқ тўлашга тайёр. Агар “қизиллар” мисрликни қўйиб юборишга рози бўлса, бу трансфер Саудия Арабистони чемпионати тарихидаги энг қиммат трансфер бўлади. Эслатиб ўтамиз, "Ал-Иттиҳод" сафида ҳозирда Нголо Канте ва Карим Бензема тўп тепмоқда.
"ПСЖ" ҳужумчиси Премьер-лигада ўзини синаб кўриши мумкин
"ПСЖ" билан боғлиқ яна бир янгилик. L'Equipe хабарига кўра, "Вест Хэм" Уго Экитикега қизиқиш билдирмоқда. Лондонликлар ўйинчини мажбурий сотиб олиш шарти билан 35 миллион еврога ижарага олишлари мумкин.Аввалроқ Экитике Франкфуртнинг "Айнтрахт" клубидан ҳужумчи Рандал Коло Муанини трансферга қўшилиши мумкинлиги айтилганди. Эслатиб ўтамиз, ўтган мавсумларда “ПСЖ”дан “Вест Хэм”га икки футболчи кўчиб ўтган: дарвозабон Альфонсо Ареола ва ҳимоячи Тило Керер.
"Интер" ва "Марсель" ҳужумчи алмашадими?
"Марсель" аргентиналик ҳужумчи Хоакин Корреани қўлга киритиш учун "Интер" билан музокараларни бошлади, дея хабар беради Фабрицио Романо. Италияликлар эса эркин агент сифатида провансликлар собиқ ҳужумчиси Алексис Санчесни олмоқчи. Чилилик футболчи 2019 йилдан 2022 йилгача “Интер” сафида тўп тепган.
Роналду жамоаси кутилган трансферни амалга оширди
Саудия Арабистони янгиликлари — 2023 йил ёзи классикаси. Яна бир йирик трансфер якунланиш арафасида. "Манчестер Сити" ҳимоячиси Эймерик Лапорт "Ал-Наср"га яқин, дейди Фабрицио Романо. 29 ёшли испаниялик янги жамоага ўтиш учун тиббий кўрикдан муваффақиятли ўтди. Тез орада Ляпорт "Ан-Наср" билан шартнома имзолаш учун Ар-Риёдга учади. Эймерик "Сити"да 2018 йилдан бери тўп тепиб келаётганди. Transfermarkt уни 25 миллион еврога баҳоламоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
