Эртага Бухоро шаҳрида "Насаф" учун жуда муҳим бўлган Ўзбекистон кубогининг ярим финал жавоб учрашуви бўлиб ўтади. Жамоамиз ўз тарихида бундан олдин икки марта Кубок финалига чиқишга муяссар бўлган, аммо сизга яхши маълумки, иккала финалда ҳам қаршиликлар "Пахтакор" жамоасига имкониятни бой беришган.
"Насаф" ПФК матбуот хизмати раҳбари Азиз Нурийдан олган маълумотларимизга кўра, "Насаф" делегацияси бугун тушдан сўнг Бухоро шаҳрига қараб йўлга чиқишади.
Афсуски, "Насаф" жамоаси сафида айрим ўйинчиларимиз жароҳатлари туфайли эртага бўладиган учрашувда майдонга туша олишмайди, булар — Владимир Шишелов, Жаҳонгир Жиямуродов ва Шерзод Аъзамов. Яна Артур Геворкян ва Алишер Юсуповларнинг майдонга тушиш имконияти 50/50 бўлиб турибди.
Шундай бўлсада, умид қиламизки, Рўзиқул Бердиев ушбу муҳим ярим финал учрашувига оптимал таркибни танлай олади. Бунга жамоада имкониятлар бор. Эслатиб ўтамиз, "Насаф" жамоаси Қаршида бўлган ярим финалнинг дастлабки учрашувида "Бухоро" жамоасини 2:0 ҳисобида доғда қолдирган эди. Бу билан жамоамизда финалга чиқишга имконият етарлидек, аммо "Бухоро" жамоаси ҳам финал йўлланмасини қўлга киритишга албатта ҳаракат қилади. Ушбу жамоалар ўртасидаги учрашувлар ҳеч қачон иккинчи даражали бўлмаган, у қандай учрашув бўлишидан қатъий назар ҳар доим шиддатли, курашларга бой ва муросасиз тарзда ўтган.
Шунинг учун эртага Бухорога кўплаб Қарши шаҳридан "Насаф"ни бевосита стадионда қўллаб-қувватлаш учун кўп сонли мухлислар ташриф буюришга ҳозирлик кўришмоқда. Шунингдек "Насаф" ПФК фан-клуби аъзолари ҳам эртага эрталаб ўзларига ажратилган автобусда Бухорога шаҳрига қараб йўлга чиқишади.
Насиб этса, "Насаф" жамоаси ўз тарихида учинчи марта Ўзбекистон Кубоги финалига чиқишга яқин турибди. Ушбу ютуқда энди мухлисларнинг энг яхши кўрган мураббийи — Рўзиқул Бердиевнинг ҳам катта ҳиссаси бўлади. Бу ютуқ албатта насиб этишини тилаб қоламиз.
25.11.2012. Ўзбекистон Кубоги, ярим финал, жавоб учрашуви, 14:00
"Бухоро" (Бухоро) - "Насаф" (Қарши)
Бош ҳакам: Олим Толибжонов (Тошкент)
Ён қанот ҳакамлари: Маъмур Саидқосимов (Тошкент), Алексей Миронов (Тошкент),
Захира ҳаками: Илгиз Танташев (Урганч)
Назоратчи: Булат Галеев (Урганч)
Дастлабки учрашув: "Насаф"-"Бухоро" 2:0
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
