21 ёшида Жереми Доку аллақачон катталар даражасида катта тажрибага эга. Ҳатто Мбаппе ҳам қанот ҳужумчисига қойил қолган.
Илкай Гюндоган ("Барселона"га), Риёд Махрез ("Ал-Аҳли"га) ва Эймерик Ляпорт ("Ан-Наср"га) ёзда "Манчестер Сити"ни тарк этишди. Рўйхатда кейинги ўринни Жоау Канселу ("Барселона"га) эгаллаши мумкин. Шу билан бирга, инглиз клуби янги харидларга тахминан 180 миллион евро сарфлади. Матео Ковачич (29 миллион евро) ва Йошко Гвардиолдан (90 миллион евро) сўнг жамоага Жереми Доку келиб қўшилди. Фабрицио Романонинг сўзларига кўра, "Ренн"дан футболчининг трансфери "Сити"га 60 миллион еврога тушган. Келинг, қандай футболчи Англия чемпиони сафига ўтганини таҳлил қиламиз.
"Сити" Доку учун икки марта кўпроқ тўлаганми?
Сизнинг эътиборингизни жалб қиладиган биринчи нарса - бу пул. Transfermarkt Докуни 28 миллион еврога баҳолайди, гарчи "Сити" янги келган футболчи учун икки баравар кўп пул тўласа ҳам. Бу ерда шуни ҳисобга олиш керакки, Transfermarkt баҳолари кўп даражада адекват бўлса-да, улар баъзи омилларга жуда боғлиқ. Франция ва Англия чемпионатида бир хил футболчи турли миқдорларда баҳоланади.
"Ренн" нуқтаи назаридан, келишув мантиқий кўринади. Французлар Докуни "Андерлехт"дан 26 миллион еврога сотиб олишди (бу кунгача Бельгия клубининг рекорд даражадаги савдоси). Лига 1да уч мавсум давомида Жереми даражаси турнир юлдузларидан биригача кўтарилди. Бундай тараққиётдан кейин "Ренн" учун уни ўзи сотиб олган пулга сотиш ғалати бўларди.
Бундан ташқари, у бошқа футболчилардан ажралиб туради. Доку уч ой олдин 21 ёшга тўлди ва Европа лигаларида 100 дан ортиқ ўйин ўтказди. У катталар сафида дебютини 16 ёшида ўтказди ва шундан сўнг Бельгия чемпионатида 34 та, Франция чемпионатида 75 та ўйинда иштирок этди.
Доку Бельгия терма жамоасида ўйнаш тажрибасига ҳам эга (16 ўйин, 2 гол). Қатарда бўлиб ўтган 2022 йилги жаҳон чемпионатида у кам бўлса ҳам дақиқаларга эга бўлди (18 дақиқа).
Докунинг кучи нимада?
Бунга аниқ жавоб бор - дриблингда. У ўтган йили муваффақиятли алдаб ўтишларга уринишлар сони бўйича у ўтган мавсумда 14-ўринни эгаллаб турибди, агар Европанинг топ 7 лигасини ҳисобга оладиган бўлсак. Ёмон кўрсаткич эмас, лекин муваффақиятли зарбалар сони анча таъсирли. Ва бу эрда Доку ўтган мавсумда энг яхши 3 таликка кирди. У фақат Лионель Месси ва Винисиус Жуниорга ютқазди.
2022/2023 йилги мавсумда топ 7 лигадаги муваффақиятли зарбалар:
112 - Винисиус Жуниор («Реал»);
102 - Лионель Месси (ПСЖ);
96 - Жереми Доку (Ренн);
91 - Муҳаммад Кудус ("Аякс");
90 - Ли Канг Ин (Малорка).
Ҳатто Килиан Мбаппе ҳам Докунинг маҳоратига қойил қолди. 2021 йилда у France Football нашрига интервью берган эди: “Яқинда мен отам билан мени тезлиги билан ҳайратда қолдирган футболчи ҳақида гаплашдим - бу Доку эди. Профессионал футболдаги беш йил давомида мен бундай кучли старт тезлигига эга бўлган ҳеч кимни кўрмаганман.
Бунга 90 дақиқада ўртача 6,8 дриблингни қўшсангиз (топ 5 лигадаги энг яхшиси) ва бу қандай футболчи эканлиги ҳақида тасаввурга эга бўласиз. Ҳаракатда у Адам Траорега ўхшайди, лекин ўлчамлари бўйича у бутунлай бошқача. Докунинг бўйи бор-йўғи 173 сантиметр бўлиб, паст оғирлик маркази тўпни тезликда бошқаришга ёрдам беради.
Тьерри Анрининг сўзлари ҳам таъсирли: "У билан бирга-бир қолганингизда, фақат ибодат қилишингиз мумкин". Расмий равишда, Доку ўнг оёқ, лекин у чап оёқда ҳам яхши ҳаракатланади. Унинг учун зарба йўллашда қайси оёққа тўп келиши муҳим эмас.
Доку "шаҳарликлар" тактикасига мос тушадими?
Гвардиола қўл остидаги футболчилар ноодатий позисияларда ўйнашади, аммо бу ерда вазият аниқ кўриниб турибди. Бу ёзда ўнг қанот ҳужумила Махрез кетди, унинг ўрнига Доку олинди, унинг асосий позицияси ўнг қанот ҳужуми бўлиши деярли аниқ (гарчи у баъзан ҳужумнинг чап қанотида майдонга тушган бўлса ҳам).
Францияда Доку тезда ўзига хос имиджга эга бўлди ва баъзида иккита рақиб бирданига унга қарши ҳимояланишди. Бу Доку шериклари учун кўпроқ эркин зоналарни яратишга сабаб бўлди. Агар Премьер-лигада ҳам худди шундай бўладиган бўлса, унда "Сити" рақиб ҳимоясида мавжуд бўш жойдан фойдаланишда бошқаларга қараганда яхшироқ бўлиши табиий.
Яна бир муҳим тафсилот - босим. У Гвардиоланинг тўпга эга бўлиш орқали рақибларини бўғиб қўядиган жамоалари учун асосий ҳисобланади. Хавотирга ҳеч қандай сабаб йўқдек. Доку рақибга прессинг қилишни яхши кўради ва бунда унга тезлик ёрдам беради.
У жамоага тез мослаша оладими?
Гап "Манчестер Сити" ҳақида кетаётгани учун бельгиялик футболчининг кўп дриблинглари рақиб футболчисига ёқмаслиги мумкин. У дриблингларда яхши, аммо Манчестерда индвидуал ҳаракатлардан кўра тўп назорати ҳаддан ташқари даражада бўлган ўйинда қатнашиши керак бўлади. Жек Грилиш "Астон Вилла"да тўпни ажойиб тарзда олиб юрарди ва шу сабаб унга нисбатан кўплаб қоидабузарликлар амалга ошириларди, аммо "Сити"га ўтгандан сўнг унга мослашиши учун бир йил керак бўлди. Доку ҳали ёш ва, эҳтимол, мураббийнинг талабларини тезроқ ўзлаштириши мумкин.
Докунинг яна бир камчилиги ҳақида Sporting Life таҳлилчиси Нинад Барбадикар хабар берди. У қанот ҳужумчиси ҳақидаги таҳлилида шундай таъкидлайди: "Жисмоний тайёргарлик - бу ягона шубҳа. Доку ёрқинликни намойиш этади, лекин мен хоҳлаганча эмас. Премьер-лиганинг тинимсиз суръатига кўникиш учун унга вақт керак бўлади".
Умуман олганда, "Сити" бошқача ўйнайди. Масалан, сўнгги ўйинда ("Ньюкасл"га қарши) тўпга эга бўлган вақтда ўнг қанот ҳужумчиси (Фил Фоден) майдон марказига ўтди ва Кайл Уокер бутун ўнг қанот бўйлаб эркин ҳаракатланди. Ушбу конфигурация Доку учун унчалик қулай эмас, унинг ўзи кенг позицияда ҳаракатланишга одатланган. Гвардиола бу трансфердан жамоага ўзгарувчанлик қўшишда фойдаланмоқчилиги аниқ.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
