Саудия футболи охир-оқибат, евроаренадаги яна бир катта юлдуз - Неймарни ҳам ўз домига тортди.
Албатта, мислсиз тўлов воситасида. Ҳар ҳолда, «Ал-Ҳилол» бразилиялик ҳужумчи учун барчасини муҳайё қилиб қўйди ва у энди Ар-Риёдда чинакам шарқча шоҳона ҳаёт аро сузади...
Турли манбаларда келтирилишича, «Ал-Ҳилол» Неймар трансфери учун «ПСЖ»га 90 миллион евро (бонуслар билан 120 миллион) тўлайди, бразилиялик футболчининг ўзи эса мутлақ нодир шартномага эга бўлди. Дейлик, Sky Sports маълумотига биноан, Неймар Саудияда бир йиллик ўйини учун 150 миллион евро (кафолантанган маош) олади. Globo Esporte нашрида ёзилишича эса, маош суммаси бироз каттароқ: йилига 160 млн. евро. Бу ойига 12,5 млн., кунига 410 минг, соатига 17,1 минг, дақиқасига 285 евродан тўғри келади.
Бундан ташқари, Неймар Саудия Арабистонида кўз кўриб, қулоқ эшитмаган имтиёзларга эга:
- Шахсий юмушлар ва саёҳат учун хусусий самолёт
- Тўлиқ жиҳозланган шоҳона қаср. Кошонада 25та ётоқхона, 40x10 ҳажмдаги бассейн, 3та сауна бор, яна 5 нафар хизматкор бириктирилган.
- Жами 8та қимматбаҳо автомобиль. Жумладан, Bentley Continental GT, Aston Martin DBX ва Lamborghini Huracа~n. Қўшимчасига, суткасига 24 соат хизматда бўлувчи шахсий ҳайдовчи
- Мутлақо текин меҳмонхона, ресторан ва ҳар қандай кўнгилочар тадбирлар хизмати (аниқроғи, бундай харажатларни клуб кўтаради)
- Ижтимоий тармоқларда Саудия Арабистони ҳақида қолдирилган ҳар бир пост ёки сурат учун 500 минг евро
- «Ал-Ҳилол»нинг ҳар бир ғалабаси учун 80 минг евро
- Саудияда маҳбубаси - Бруна Бьянкарди билан никоҳсиз яшашига рухсат
Тушунарлики, Европада бирор клуб Неймарни бундай имтиёзлар билан сийлай олмасди. Қисқаси, у фаолиятини катта суммада сотди, жуда катта суммада.
Яна бир ноёб шарт. The Sun нашри маълумотига кўра, Неймар талаблари рўйхатида яна бир ғалати банд бор - бразилиялик шоҳона уйидаги музлаткичларда севимли ичимлиги - асаи сокининг кети узилмаслигини сўраган. Асаи - Бразилияда ўсувчи пальма тури. Сок шу дарахт мевасидан олинади. Ней яна уйда ҳамиша гуарани ичимлиги бўлишини талаб қилган. Буниси меҳмонлари ва дўстлари учун.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
