Саудия Арабистони ёзги трансфер ойнасининг асосий қаҳрамонларидан бирига айланди. Маҳаллий клублар ўзларини Европада танитишга муваффақ бўлган таниқли ўйинчилар билан битим имзоладилар. Бироқ, бу шов-шув фонида сиз бир нечта яхши клубларни, масалан, “Галатасарой”ни кўздан қочиришингиз мумкин.
Турк клуби катта салоҳиятга эга яхши жамоани йиғди. Эътиборлиси, “шерлар”нинг кўплаб футболчилари у ёки бу сабабларга кўра Европа клублари томонидан ҳисобдан чиқарилган бўлса-да, Суперлигада яна имкониятга эга бўлмоқда. Бундай ҳамкорлик ўзаро манфаатли бўлиб чиқди. Келинг, “Галатасарой”да иккинчи имкониятни қўлга киритган ва ундан фойдаланганларни батафсил кўриб чиқамиз.
Лукас Торрейра
Торрейранинг юқори савияга ўтиши узоқ ва қийин кечди. 2018 йилнинг ёзида Лукас 29 миллион евро эвазига "Сампдория"дан "Арсенал"га ўтган эди. Футболчига катта умидлар боғланган эди, аммо у Лондон клубида атиги 2 йил ишлади. Кейин "Атлетико" ва "Фиорентина"га ижарага берилди. Мадридда мослашиш ва ўйин вақти борасида ҳаммаси ёмон эди.
2022 йилнинг ёзида “Галатасарой” имкониятдан фойдаланиб, Торрейра билан шартнома имзолади ва ижара эмас, тўлиқ трансфер билан. Битим 6 миллион еврони ташкил қилди. Истанбулда Лукас бошловчига айланди. Ўтган мавсумда Суперлиганинг 27 ёшли ярим ҳимоячиси 31 та ўйинда майдонга тушди. Уругвайликнинг Европадаги сарсон-саргардонлиги ниҳоясига етганга ўхшайди.
Ҳаким Зиеш
Зиеш - "Галатасарой"нинг энг охирги трансфери. “Шерлар” бир неча кун аввал “Челси”дан футболчини сотиб олди. “Кўклар” футболчидан қутулмоқчи бўлганлиги сабабли, ижара шартномаси тузаётганда турк клубидан ҳеч нарса талаб қилмади. Қолаверса, "Галатасарой" марокашлик футболчи билан тўлиқ шартнома имзоламоқчи бўлса, уни доимий равишда текинга сақлаб қолиши ҳам мумкин. Бундай шароитлар турк клуби учун туҳфадек гўё.
Зиеш "Аякс"да яхши ўйнади ва у ўзининг энг яхши футболчи бўла олишини кўрсатди. Натижада, “Челси” футболчини 2020 йилнинг ёзида сотиб олди. Битим 40 миллион еврони ташкил қилди. Бироқ, марокашлик Лондонда унчалик муваффақиятли бўлмаган 3 йилни ўтказди. Қишда унинг “ПСЖ”га, ёзда “Ан-Наср”га ўтиши муваффақиятсиз тугади. Шундай қилиб, 28 ёшли вингер "Галатасарой"га ўтди. Тақдирнинг ўзи Ҳакимни Туркия лигасида фаолиятини қайта бошлашга ундамоқда.
Уилфрид Заха
Сўнгги бир неча йил ичида Заха доимий равишда топ-клублар билан боғланган, аммо у доимо "Кристал Пэлас"да қолган. Ёки вазият трансферга халақит берди, кейин раҳбарият футболчи билан шартномани узайтирди. АПЛда бир мавсумда 10 дан ортиқ гол урган ва кўп ассистентлик қилган футболчи топ-клублар назаридан четда қола олмасди. Аммо Англияда Заха абадий умидвор бўлиб қолди. У “Мю” таркибида тўртта ўйинни ҳисобга олмаганда, “Кристал Пэлас”дан нарига ўта олмади.
Энди Уилфрид аллақачон 30 ёшда. Топ-клуб унга ҳеч қачон қўнғироқ қилмаган, аммо яхши альтернатива пайдо бўлди – “Галатасарой”. Зиеш каби Заха ҳам бошқа лигада бўлса-да, ҳақиқатдан ҳам топ футболчи эканлигини исботлай олади. Кот-дъИвуарлик футболчи турк клубига шу ёзда текинга келиб қўшилди. Ҳозирча футболчи Селхерст Паркдагидек кўп ўйнамаяпти, аммо ҳаммаси унга боғлиқ. Уилфриднинг вақти ва ресурслари бор.
Мауро Икарди
Икарди учун "Галатасарой"га ўтиш тоза ҳаво эди. Мауро узоқ вақт "Интер"да ўйнади ва кўп гол урди, лекин барибир Антонио Контега мос тушмади. 2019 йилда у “ПСЖ”га ижарага ўтди ва у Лига 1да 12 та гол урди. Бу парижликларга маъқул келди ва улар ҳужумчини 50 миллион еврога сотиб олишди. Бироқ Париждаги кейинги 2 йил футболчи учун унчалик омадли бўлмади, ўйин вақти худди самарадорлик кўрсаткичлари каби қисқарди.
Ўтган ёзда Икарди "Галатасарой"га кўчиб ўтди ва у ерда ҳеч қандай муболағасиз ўзини оқлади. Мауро Суперлигада 24 та ўйин ўтказиб, 22 та гол урди ва шу заҳотиёқ жамоанинг энг яхши тўпурарига айланди. Албатта, “шерлар” бундай футболчини ўтказиб юбориши мумкин эмас, айниқса, унинг ўзи қолишни хоҳлагани учун. Ушбу ёзда турк клуби 30 ёшли ҳужумчини “ПСЖ”дан 10 миллион евро эвазига сотиб олганди. Келишувдан ҳамма хурсанд бўлди, айниқса Икарди.
Николо Дзаньоло
Қишда Дзаньоло “Рома” билан жанжаллашди. Римликлар футболчига янги шартнома таклиф қилишга шошилишмади, бу эса унга мос келмади. Вазият шу даражага етдики, Николо дарҳол клубини ўзгартиришга мажбур бўлди. Ўша пайтга қадар кўп мамлакатларда трансфер ойнаси ёпилган эди, лекин Туркияда эмас.
Шундай қилиб, “Галатасарой” варианти пайдо бўлди. Туркия клуби футболчини "бўрилар"дан 15 миллион еврога сотиб олди, ҳозирги вазиятда буни яхши келишув деб ҳисоблаш мумкин.
Дзаньоло Истанбулда вақтни беҳуда ўтказмади. Янги клубга мослашиш имкон қадар тезроқ кечди. Ярим мавсум давомида 24 ёшли ярим ҳимоячи Суперлигада 10та ўйин ўтказиб, 5та гол урди.
Томонлар узоқ муддатли шартнома имзоладилар, аммо бу ёз футболчи сотиб олиш опцияси билан “Астон Вилла”га ижарага ўтди. Италиялик футболчига ўз савиясини кўрсатиш ва кучли Премьер-лига жамоасига ўтиш учун ярим мавсум керак бўлди. Имкониятлардан шундай фойдаланиш керак.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
