Европанинг энг яхши беш лигасида энг яхши ҳужумчи бўлиш осон иш эмас. Бу ердаги жамоаларнинг ҳимоя даражаси ва дарвозабонларнинг маҳорати ҳужумкор ўйинчиларнинг ишини имкон қадар қийинлаштиради.
Қуйида бир мавсумда энг кўп гол урган беш нафар футболчини кўриб чиқамиз.
Гонсало Игуаин, «Наполи» (2015/16), 36 гол
Гонсало Игуаин ўз авлодининг энг яхши ҳужумчиларидан бири сифатида танилган. Аргентина терма жамоасининг собиқ футболчиси 2015/16 йилги мавсумда гол уриш бўйича мастер-класс намойиш этди. Ўшанда «Наполи»да ўйнаган Игуаин А Сериянинг 35 ўйинида 36 та гол урган.
Эрлинг Холанд, Манчестер Сити (2022/23), 36 гол
Эрлинг Холанд «Манчестер Сити»да ажойиб дебют мавсумини ўтказди. У 2022 йилнинг ёзида клубга қўшилди ва дарҳол Премьер-лигани бўрон сингари забт этди. Тезлик, куч ва ўз устида ишлашнинг ажойиб комбинацияси билан у 2022/23 йилги мавсумда Премьер-лиганинг 35 ўйинида 36 та гол урди. Унинг иқтидори футболчини ҳозирда сайёрадаги энг яхши ҳужумчига айлантиради.
Холанд «Олтин бутса»ни қўлга киритди ва шунингдек, Премьер-лиганинг бир мавсумида энг кўп гол уриш бўйича рекордни янгилади.
Роберт Левандовски, «Бавария» (2020/21), 41 гол
Роберт Левандовскининг «Бавария»даги 2020/21 йилги мавсуми футбол тарихидаги энг кўп гол урган мавсумларидан бири сифатида эсда қолади. Польшалик ҳужумчининг ажойиб маҳорати янги чўққиларни забт этди: биргина Бундеслигада у 41 та гол урди.
Левандовскининг тенгсиз имкониятларни яратиш ва голга айлантириш қобилияти «Бавария»нинг ўша мавсумдаги треблни қўлга киритишида муҳим роль ўйнади.
Йосип Скоблар, «Марсель» (1970/71), 44 гол
Жосип Скобларнинг 1970/71 йилги мавсумда Лига 1даги ўйини француз футболида тарихий ютуқ сифатида баҳоланади. Хорватиялик ҳужумчи «Марсел»да ўйнаб, ўз ўйинини кўрсатиб, бир мавсумда мисли кўрилмаган 44 та гол урди. Унинг ажойиб ҳиссаси ўша мавсум «Марсел»ни Лига 1 чемпионига айлантирди.
Скобларнинг ажойиб натижаси лиганинг барча вақтлардаги энг яхши тўпурарларидан бири бўлишига ёрдам берди. Унинг Лига 1да бир мавсумдаги 44 голи келажак авлодлар учун илҳомлантирувчи меъзон бўлиб қолмоқда.
Лионель Месси, «Барселона» (2011/12), 50 гол
Лионель Мессининг 2011/12 йилги мавсум «Барселона»даги муваффақиятини афсонавий дейиш мумкин. Аргентиналик маэстро барча мусобақаларда 73 та гол уриб, индивидуал маҳорат учун янги стандарт ўрнатди.
Улардан 50 таси Ла Лиганинг 37 учрашувида киритилган. Месси ўзининг чўққисида эди ва уни тўхтатиб бўлмас эди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
