Эрик тен Хаг ўз мураббийлик фаолияти давомида кўплаб ютуқларга эришган. Аммо нидерландиялик мутахассис ҳозирги ҳолатига осонликча етиб келган эмас. У ўтмишда бир нечта шогирдлари билан "сен-мен"га боришига тўғри келган. Бунга унинг ўта талабчан экани сабаб бўлган дейишади. Қуйида тен Хаг билан ораларига совуқчилик тушган футболчилар ҳақида сўз боради.
Жейдон Санчо
Санчо "МЮ"га келганидан бери, ўзига сарфланган 73 миллионни оқлай олди дея олмаймиз. У яқиндагина "Арсенал"га қарши ўйинни ўтказиб юборган эди. Бунинг сабабини эса Эрик тен Хаг ҳужумчининг машғулотлардаги сусткашлиги билан изоҳлади. Орадан кўп ўтмай, Санчо ўз ижтимоий тармоқларида одамларга аслида бундай эмаслигини айтиб чиқди. У "МЮ"да борини бериб, ҳаракат қилаётганини билдирди. Ҳали тен Хаг Санчонинг жавобига сезиларли реакция билдирганича йўқ. Аммо, энди 23 ёшли футболчининг "МЮ"даги келажаги сўроқ остида қолди.
Криштиану Роналду
Бу воқеани яхши эсласангиз керак. Эрик тен Хаг Роналдуни тартиб-интизом чораси сифатида қайдномаларга киритмай қўяди. Ёки бўлмаса, уни захирада қолдира бошлайди. Бунга жавоб тариқасида эса Роналду ўша машҳур интервьюсини уюштирди. Португалиялик Пирс Морганга мураббийни ҳурмат қилмаслигини, айрим таркиб футболчилари ҳам уни жамоада бўлишини истамаганини очиқлади. Хуллас, Роналду ўзини хиёнат қилингандек ҳис қилаётганини айтди. Орадан кўп ўтмай, у "МЮ"дан қувилди.
Зидан Иқбол
Эрик тен Хаг ёш футболчи билан ўтган йилги Австралия турида жанжаллашиб қолади. Иқбол тен Хаг кўрсатмаларини бажармайди. Натижада, у янги мавсумда бирорта баҳсда майдонга тушмади. Гарчанд, "МЮ" ўтган мавсум давомида 4 та турнирда ўта узоққа бора олганига қарамай, Иқболга бир дақиқалик имконият ҳам берилмади. Оқибатда, у "Утрехт"га арзимаган суммага сотиб юборилди. Зидан 2022 йилнинг ёзида янги битим тузган эди. Аммо бир йил ўтмай у жамоадан кетди.
Ноа Ланг
2019 йилги Нидерландия кубогида "Аякс" "Телстар" устидан ғалаба қозонади. Ўшанда Ланг гол урганди. Аммо Эрик тен Хаг бу футболчи билан келиша олмай қолади. Негаки, ўйин давомида Ноа Ланг мураббий кўрсатмаларини бажармайди. Оқибатда, у ишончдан чиқади. Шу сабабли ҳужумчи "Брюгге"га сотилади. Бельгияда Ланг порлади. У шу ёзда "ПСВ" томонидан харид қилинган эди. Ланг ўзининг "Аякс"дан кетиши ҳақида шундай деганди: "У ерда ҳамма мени яхши кўрарди, фақат бир одамдан ташқари. Ўша инсон тен Хаг эди. Тез орада у мени сотиш тараддудига тушиб қолди. Мени кетишни истамасдим. Аммо мураббий режаларига киритилмаганимни билгач, бунга мажбур бўлдим".
Андре Онана
Онана ҳозир "МЮ"даги энг ишончли вакиллардан бири. Аммо у "Аякс"даги даврида тен Хаг билан хафалашган. Онана 2022 йилда ўз мухлислари томонидан танқидга учрайди. Тен Хаг ҳам унга ишонмай қўяди. Шу сабаб дарвозабон Нидерландия кубоги финалида "ПСВ"га қарши қайдномага киритилмади. У кўп ўтмай, жамоадан кетади. Аммо ҳозир ҳаммаси жойидага ўхшайди. Негаки, Онана Эрик тен Хаг хоҳиши билан "Манчестер Юнайтед"га келди.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
