2024 йил ёзига келиб кўплаб юлдузлар эркин агент мақомини олиши мумкин, агар ҳозирги жамоалари улар билан шартномани узайтирмаса, ёки қишда сотиб юбормаса. Бу номлар ичида ҳамма билган номлар бўлиши ҳам табиий, албатта. Келинг, уларни кўриб чиқақимиз.
Килиан Мбаппе
Биз бу Мбаппе достонидан яқин ойларда, ҳатто бир йилда ҳам қутула олмаймиз. Ўтган ёзда "ПСЖ" Килианни ҳаттоки жамоадан дисквалификация қилишнинг қаттиқ чорасини қўлласа ҳам, сақлаб қола олди. Бу иш берди ва томонлар Килиан кетганидан кейин “ПСЖ”га муносиб пул олиш, французнинг ўзи эса ўзи учун яратган олтин парижлик қафасдан чиқиб кетиш имконини берадиган муроса излай бошлади. Аммо ҳозирча ҳақиқат шуки, Мбаппенинг шартномаси келаси ёзда тугайди ва у 1 январдан бошлаб янги клуби билан қонуний музокара олиб бориши мумкин.
Адриен Рабио
Рабио "Барселона" ёки "Манчестер Юнайтед"га ўтиши мумкинлиги ҳақида миш-мишлар тарқалди. Аммо француз ўтган ёзда шартномасини бир йилга узайтирди. Бу клубни ўзгартириш учун муҳим қарорни кечиктириш каби кўринади. Шу билан бирга, Рабио "Ювентус"да тобора муҳим рол ўйнамоқда ва туринликлар уни узоқроқ сақлашга умид қилмоқда.
Кайл Уокер
Англиялик ҳимоячи "Бавария"га ўтишга жуда яқин эди. Аммо у қолишга қарор қилди. Ҳозир “Сити” билан шартномани узайтириш ҳақида гап кетмоқда. Ва бирданига уч йилга. Шунда собиқ "Тоттенхэм" футболчиси ўн йилни "шаҳарликлар" лагерида ўтказиши мумкин.
Лука Модрич
Мадридликлар ўз рўйхатини янгилашга ва Модрич, Кроос комбинациясидан воз кечишга пухта ва астойдил тайёрланмоқда. Бунга эришиш учун аста-секин Камавинга ва Тчуамени, кейинроқ эса Беллингем олиб келинди. Авлодлар алмашинуви кейинги йил якунланиши мумкин. 2012 йилдан бери Модрич "Реал Мадрид"да 23 та соврин ютган. Хорватиялик футболчи билан шартнома узайтирилиши даргумон. Аммо унинг ўзи фаолиятини якунлаш ниятида эмас. Эътиборлиси, Модричдан (33 ёш) ёшроқ бўлган ўша Кроос, аксинча, фаолиятини тез орада, аниқроғи, "Реал Мадрид"да якунлаш ниятини очиқ билдирмоқда.
Эрик Дайер
Кўринишидан, Дайер "шпорлар"нинг янги бош мураббийи Постекоглунинг режаларининг бир қисми эмас. Шу боис унга январ ойида бошқа клуб билан музокара ўтказиш ва улар билан дастлабки шартнома имзолаш учун рухсат берилса керак. Дайерга "Бавария", шунингдек, "Ноттингем Форест", "Борнмут" ва "Фулхэм" клублари қизиқиш билдирмоқда.
Тиаго Алькантара
"Қизиллар" ўтган ёзда бутун ярим ҳимоя чизиғини қайта тикладилар. 32 ёшли Алкантара жамоани тарк этиши мумкин, чунки у жароҳатлар туфайли мунтазам ўйнай олмаяпти. Шу билан бирга, у майдонга тушганида, "қизиллар"нинг янгиланган ярим ҳимоясига қимматли тажриба олиб келади. Дарвоқе, Алкантара сафдошлари ортидан Саудия Арабистонига бориши мумкин.
Алехандро Бальде
Бальденинг сўнгги йилларда ўсиши ақл бовар қилмайдиган даражада бўлди. У ҳозирда "Барселона"нинг бошланғич футболчиси бўлиб, деярли ҳар бир ўйинда чап қанотдаги фаоллиги билан эътиборни тортади. У аллақачон Испания терма жамоасига кириб бўлган. Унинг жамоани тарк этиш эҳтимоли паст. Шу билан бирга, янги шартнома йўқлиги сабабли босим пайдо бўлиши мумкин. Демак, тез орада янги узоқ муддатли шартнома тузилиши керак ва шунда Бальде бу рўйхатдан тушиб қолади.
Николас Уилямс
Уилямс ҳали 21 ёшда, лекин у аллақачон "Атлетик"нинг асосий ўйинчисидир. Клуб эса уни йўқотишни истамайди. Аммо бундай хавф мавжуд. Ва ҳатто кейинги йил бепулга кетиши мумкин. Испания матбуоти Уилямснинг "Атлетик" билан янги шартнома имзолашга тайёрлигини, бироқ атиги икки йилга ва 50 миллион еврога сотиб олиш шарти билан имзоланишини ёзмоқда. Шунинг учун у мухлисларни тинчлантирмоқчи ва клубга бундан нимадир ишлаб олишига кафолат бермоқчи.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
