Софьян Амрабат ниҳоят, жорий ёзги трансфер ойнасининг дедлайнида «Манчестер Юнайтед» сафига ўтди - ижара асосида.
Манкунианликларнинг 27 ёшли янги 4-рақам соҳиби клуб расмий сайтига берган интервьюсида ўзининг «орзуси»га эришганидан ғурурланиши ва Марокашдаги мухлислар унинг «қизил иблислар» учун майдонга тушишидан олдин ҳикоя қилишига қандай муносабатда бўлишлари ҳақида гапиради.
- Софьян, Манчестерга хуш келибсиз! Сиз бу клубдаги илк марокашлик бўласиз...
- Бундан жуда фахрланаман. Менимча, кўплаб марокашликлар аллақачон «Юнайтед»ни кузатиб боришмоқда, аммо энди «МЮ»нинг Марокашдан қўшимча миллионлаб мухлислари бўлиши аниқ. Ва улар жуда фахрланадилар. Умид қиламанки, мен «Юнайтед» мухлисларини бахтли ва мағрур қила оламан.
- «МЮ»ни танлашингизга нима туртки берди?
- «Юнайтед»да жуда кўп ажойиб ва ёш ярим ҳимоячилар бўлган. Умуман олганда, мен Пол Скоулз, Рой Кин, Дэвид Бекхэм каби ярим ҳимоячиларни кўпроқ кузатганман. Аммо у ерда катта ўйинчилар жуда кўп бўлган: Гари Невилл, Рио Фердинанд, Луи Саа, Уэйн Руни, Роналду (Криштиану)... буни бир соат давом этишим мумкин. Албатта, бу ҳақда акам билан гаплашдик.
- 2016-2018 йиллар давомида акангиз Нордин «Уотфорд»да ўйнаган. Унинг ҳам маслаҳатини олдингизми?
- Ҳа, у билан гаплашдик. У менга Премьер-лига дунёдаги энг кучли лига эканлигини айтди. Шундай қилиб, ҳозир шу ердаман ва майдонга тушишни сабрсизлик билан кутяпман.
- Бу ерга ўтишингизда асосий фактор илк бор катта футболга Эрик тен Хаг қўл остида қадам ташлаганингизми?
- Бу жуда муҳим эди, чунки ўшанда жуда ёш эдим. 18-19 ёшимда у менга «Утрехт»нинг биринчи жамоасида ўйнаш имкониятини берди. Биз биргаликда ажойиб онларни ўтказгандик. Ҳақиқатдан ҳам яхши мавсум эди. Мен ундан кўп нарсаларни ўргандим. Шундай экан, эҳтимол у фаолиятимдаги энг муҳим инсонлардан биридир. Эрик тен Хаг ҳар доим ўз чегарасида ишлайдиган мураббий. У ҳар доим оч - фақат ғалаба қозонишни хоҳлайди. У ғолиб ва мен уни яхши кўраман. Ўйлайманки, мен ҳам худди шундай - ғолибман, ҳар куни ғалаба қозонишни хоҳлайман.
- Ўзингизни қандай таърифлайсиз?
- Мен ўзим ҳақимда гапиришни ёқтирмайман. Буни майдонда кўрсатмоқчиман, лекин қўлимдан келганича ҳаракат қиламан, деб ваъда бераман: ҳар куни, ҳар дақиқада, ҳар сонияда!
МУҲАММАДХОН тайёрлади
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
