Милан дербиси халқаро танаффусдан сўнг дам олиш кунларининг асосий ўйини сифатида тақдим этилди. "Милан" ва "Интер" А Серияни учта ғалаба билан бошлашди ва жадвалдаги барчага “паст назар” билан қарашди. “Интер” дербига йўқотишларсиз яқинлашди, аммо “Милан” ҳимояда муаммоларга дуч келди: Томори дисквалификация туфайли ўйнай олмади, қолаверса, Калюлю ҳам жароҳатда эди.
Дарҳақиқат, “Интер” “Милан”ни ҳар жабҳада енгди. Инзаги тўдаси биринчи дақиқадан охирги дақиқагача нима қилишни биларди. "Милан" урган гол ҳам фақат "Интер"нинг назорати туфайли содир бўлди.
Бунга “Интер” 2023-йилда бешинчи бор “Милан”ни мағлуб этганини қўшамиз. Чемпионлар лигаси финалини ҳам қўшамиз, Индзаги шогирдлари якунда мағлуб бўлган тақдирда ҳам, "Манчестер Сити"га қарши ўйинда намунали ўйнади. Шунингдек, ўтган мавсумда Кубок ва Суперкубокдаги ғалабалар. Ва шунингдек, бир нечта жабҳаларда ўйнаш зарурлигига қарамай, кучли учликка кириш. Ва ниҳоят, янги мавсумнинг кучли бошланиши: тўрттадан тўртта ғалаба, урилган 13 гол ва фақат битта гол ўтказиб юборилган.
Бугунги кунда “Интер” Европанинг энг яхши жамоаси. Интер футболи Генри Форд ишлаб чиқариш линиясига ўхшайди: ҳеч қандай бурилишлар йўқ, лекин у соат механизми каби ишлайди. Таркибдаги ўйинчилар ўзгариши мумкин, аммо моҳияти ўзгармайди. Инзаги жамоанинг барча ўзаро муносабатларини мукаммал тарзда ўрнатди ва бу доимий равишда натижалар бермоқда.
Иккинчидан, “Интер” жуда катта таркибга эга. Ва бу таркибда айнан Инзагига керак бўлганлар бор. Бу "Челси" эмас, миллиардлаб сарфлаган, бир вагон ўйинчи йиғиб, энди улар билан нима қилишни тушунмайдиган. Бу "Лацио" эмас, у ерда Сарри том маънода раҳбариятдан трансферлар учун пул йиғади, чунки унда ўйинчилар етишмайди. "Интер"да футбол ва Инзаги талабларига тўлиқ мос келадиган иккита деярли тенг таркиб мавжуд.
Албатта, сифатни йўқотмасдан алмаштириб бўлмайдиганлар бор. Биринчи навбатда Лаутаро Мартинес ва Николо Барелла. Бундан ташқари, марказий ҳимояси ҳақида саволлар бор. Бу позицияда асосий ўйинчи 35 ёшли Франческо Ачерби, захирада эса тез-тез жароҳат олган 31 ёшли Стефан де Врей. Лекин ҳар қандай ҳолатда ҳам позиция учун иккита футболчи бор. Бундан ташқари, учта марказий ҳимоячидан иборат таркиб туфайли “Интер” Ачерби/де Врейнинг заиф томонларини моҳирлик билан яширади.
"Интер" деб номланган сайёра суянадиган учинчи устун бу ажойиб Жузеппе Маротта. У кўп йиллар давомида ҳеч кимни А Серия чемпионлигига яқинлаштирмаган "Ювентус"ни қурди ва кейин "Интер"га ўтди. Энди яна ўзининг трансфер топқирлигини амалга ошира бошлади.
Маротта катта маблағсиз жамоа қурди, у йиллар ўтиб Чемпионлар лигасига қайтди ва ҳатто финалга чиқди, яна Италияда катта кучга айланди ва футболчиларни пулга айлантиришда ҳам яхши ишлади. Охирги нуқтага келсак, бунда Симоне Инзаги катта рол ўйнайди, у билан футболчилар ўсади.
Лекин айнан Маротта Индзагини “Интер”га тортди. Ва яна пул тежаб олди, чунки Симонега қадар “Интер”да қиммат Антонио Конте ишлаган. Шундай қилиб, бу ҳолатда Маротта нафақат пулни, балки асабларни ҳам тежайди.
Бугун "Интер" ҳисоб бўйича Европанинг энг яхши жамоасидир. "Интер"га қарши ўйинда биринчи бўлиб гол ўтказиб юборсангиз, ҳеч қандай очко ололмаслигингизга тайёрланинг. Индзаги жамоаси, худди Миланда бўлиб ўтадиган кўргазмалардаги моделлар сингари тартибланган: ҳар бир қадам, ҳар бир ҳаракат текширилади, ҳамма ўз ишини билади.
Мавсум бошида ҳамма нарса “Интер” учун жуда яхши. Ўйин давом этмоқда, натижа бор, янги келганлар аллақачон ўзларини кўрсатишмоқда, жамоа ичида ажойиб муҳит борлиги аниқ. "Интер" аллақачон ўзининг энг юқори чўққига чиққанга ўхшайди. Ва бу сентябрда содир бўлмоқда.
Айни дамда Индзаги олдидаги асосий вазифа унинг жамоаси тезда ёниб ўчмаслигини таъминлашдан иборат. Симоне "Интер"да турли қийинчиликларни енгиб ўтди ва энди у янги қийинчиликка дош бера оладими, буни кўриш қизиқ бўлади.
Ҳозирча "Интер" ажойиб ўйин кўрсатмоқда. Бу қанча давом этиши номаълум. Аммо агар сиз янги мавсумда "Интер"нинг ўйинларини кўрмаган бўлсангиз, кейинг учрашувни, албатта, томоша қилинг!
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
