РПЛ 11-туридан ўрин олган "Спартак" - ЦСКА (2:2) учрашувида энг яхши футболчининг танланиши кўпчиликни ҳайратда қолдирди. Ажабланиш тушунарли. Иккита гол урган Милан Гайич ва иккита голли пас берган Иван Обляков ўрнига ҳамюртимиз Аббосбек Файзуллаев ўйиннинг энг яхшиси бўлди.
"Мен Игор Корнеев билан ўйинни кузатдим", - деди россиялик эксперт. - У энг яхшисини танлади. Мен сўрадим: нега Гайич эмас? Жавоб мантиқий эди: Гайични танлашда биз иккита голли эпизод учун совға беришимиз мумкин. Аббосга - бутун ўйин учун.
Ҳақиқатан ҳам, ўйин давом этар экан, Корнеев доимий равишда Файзуллаевнинг ҳаракатини, тўпга ёпишганини ва курашини қайд этиб турарди.
Ва кейин Русстатдан рақамлар келди. Аббосбек “Дерби”нинг ҳақиқий етакчи ўйинчиси эди. 13097 метр масофа - бу ажойиб кўрсаткич. Бу ЦССКАнинг умумий жамоаси масофасининг 10 фоиздан ортиғини (125 665 м) ташкил қилди. Майдон бўйлаб ҳаракатланишнинг ўртача тезлиги жуда юқори. 2,16 м/с - ўйиндаги учинчи кўрсаткич. Ва энг муҳими, ҳаракатларнинг ўзи эмас, балки улардаги муваффақият. Катта ҳажмдаги иш. Головин кетганидан бери ЦСКАда бундай футболчи бўлмаган. Ҳа, ўйинчиларнинг вазифаси бутунлай бошқача, аммо иккаласи ҳам рақиб ярим майдонидаги ҳаракатлари билан жуда фойдали.
Қуйида дербидаги Аббосбекнинг 2 таймдаги иссиқлик харитаси илова қилинган.
Матнда хатолик топсангиз, ўша хатони белгилаб, бизга жўнатинг (Ctrl + Enter).