Виталий Денисов «Локомотив» сафига қўшилишга яқин турибди
Москванинг "Локомотив" клуби ўзбекистонлик ҳимоячи Виталий Денисовни ўз сафига қўшиб олиш учун жиддий киришган кўринади. "Российская газета" сайтининг хабар беришича, Денисовнинг "Локомотив"га ўтишига бир қадам қолган.
"Темирйўлчилар" вакиллари Денисовнинг ўзи ва унинг агенти билан музокара олиб бориш ва шартнома имзолаш учун Украинага йўл олишган. Чап қанот ҳимоячисининг "Днепр" билан амалдаги шартномаси 31 декабрь куни ниҳоясига етади ва Виталий эркин агент сифатида Москва жамоасига қўшилади. Футболчини жамоага қўшиб олишни шахсан "Локомотив" бош мураббийи Славен Билич истамоқда. У ҳимоячиларнинг ҳаракатидан кўнгли тўлаётгани йўқ.
Виталий Денисов бунгача ҳам Россия чемпионатида тўп сурган. У 2003-2006 йиллар давомида Москванинг ЦСКА клуби шарафини ҳимоя қилган. Бир мавсум давомида эса Биринчи дивизион вакили Нальчикнинг "Спартак" жамоасида ҳам ўйнаган. Ўзбекистонлик футболчи сўнгги 5 йилни "Днепр"да ўтказди ва ўсишга эришди.
Манба: www.rg.ru
Киритилди: 20:53, 18.12.2012. Ўқилди: 6790 марта. Фикрлар: 30 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар