Клопп «Ливерпуль» футболчиларининг терма жамоага жалб этилганидан кейин лигада шанба куни тушлик пайти ўйинларнинг тез-тез ўтказилишидан ғазабда. Бу ҳақиқатга яқинми ёки
шубҳалими?
Халқаро танаффус ҳали якунига етгани йўқ, аммо Англия Премьер-лигаси навбатдаги тақвимни ўзи учун белгилаб қўйган. Юрген Клоппнинг норозилигига кўра, «Ливерпуль» тур доирасида ўз ўйинини шанба куни соат 12:30да ўтказади.
Улар 21 октябрь куни «Энфилд»да «Эвертон»га қарши ўйнайди, 25 ноябрь куни эса «Этиҳад»да «Ман Сити»га сафар қилади. Дастлаб ўйин шанба оқшомига режалаштирилган эди, бироқ Манчестер раҳбарияти хавфсизлик нуқтайи назаридан сўровни тушунтириб, уни кўчириш ва эртароқ ўйнашни сўради.
Сентябрдаги танаффуслардан бери Клопп 12:30даги ўйинлардан жуда ҳам норози бўлди. «Март ойидан бери тақвимимиз бўйича терма жамоалар ўйинлари учун тўртта танаффусга эга бўлдик. Улардан иккитасида соат 12:30да албатта ўйин ўтказдик. Агар мен бу ҳақда гапира бошласам, улар яна оддий шикоятга йўйишади. Аммо бу шунчаки кулгили! Жанубий Америкадан ҳали келмаган тўрт нафар футболчим бор. Ўйинга эса кўп вақт қолмади, - деди «Ливерпуль» устози «бўрилар» билан ўйин олдидан ғазабланган ҳолда.
Юрген яна норозилик билдиряптими? Аслида, статистика унга бу ҳуқуқни беради. «Ливерпуль» бошқаларга қараганда шанба кунидаги тушлик пайтлари кўпроқ ўйнаган. Албатта, Англияда ҳамма нарса аллақачон ҳисоблаб чиқилган. «Ливерпуль» турнинг илк қарама-қаршиликларига ҳаммадан кўп тушиб қолди: кетма-кет тўртта ўйин.
1 апрель – «Манчестер Сити» – 1:4 (сафарда)
16 сентябрь - «Вулверхэмптон» - 3:1 (сафарда) ғалаба қозонди
21 октябрь - «Эвертон» - (уй)
25 ноябрь – «Манчестер Сити» – (сафарда).
Биз беш йиллик муддатни олдик. Ўша вақт ичида 22 та турли доирадаги халқаро танаффуслар юзага келди - ва «Ливерпуль» ўша вақтдан бери шанба куни соат 12:30 да энг кўп ўйнади. Юрген Клопп жамоаси бошқаларга қараганда кўпроқ азият чекди. Премьер-лигадаги энг яқин рақибларидан икки баравар кўп қийналди. «Манчестер Сити» ҳам бу вақт ичида тўртта ноқулай ўйин ўтказди. Бу тўрттадан учтаси «Ливерпул»га қарши содир бўлган ва учтаси ҳам уйда.
Ўзи умуман, «Ливерпуль» халқаро танаффуслардан сўнг 12 та ҳолатдан саккизтасида шанба куни тушликда ўйин ўтказади.
Эрта ўйнашда қандай муаммо бор?
«12:30 да ўйнашнинг муаммоси нима? Балки тушлик бўлгани учундир? Ёки ўйинлар орасидаги қисқа танаффусми? Ёки ўйинчиларим ўйинларга қандай етиб боришлари кераклигидами? Вариантлардан бирини танлаб олаверинг», - деди Клопп матбуот анжуманида.
● Сентябрь ойида «Вулверхэмптон»га қарши ўйин учун «Ливерпул»нинг тўрт нафар футболчиси ўз терма жамоаларидан Атлантика бўйлаб учиб кетишди: Дарвин Нуньес (Уругвай), Алексис Макаллистер (Аргентина), Алиссон (Бразилия) ва Луис Диас (Колумбия).
Тўрттадан фақат Алиссон ва Макаллистер «бўрилар»га қарши майдонга тушиш имкониятига эга бўлди. Аргентиналик футболчи жамоа учун энг ёмон ўйинни ўтказди, Клопп танаффусда уни алмаштирди ва чарчаган футболчини майдонга қўйиб юбориш беҳуда эканлигини тан олди.
● «Оддий ҳафталарда соат 12:30да ўйнаш муаммо эмас, деб тушунтиради Клопп. - У ерда созланишингиз мумкин. Асосий муаммо - тикланиш учун вақт йўқлигида».
The Athletic нашрининг ёзишича, футболчилар шанба кунги ўйинни кун тартиби бузилгани учун ёқтирмайдилар – улар нонушта учун тушлик таомларини ейишга мажбур. Балки Буэнос-Айресдан Ливерпулгача бўлган 16 соатлик парвоз ҳам ўйинга муносиб тайёргарлик кўришга вақт бермаяпти. Бу ҳаммага таъсир қилади.
● Клопп шанба кунги тақвимларда умуман ёмон кўрсаткичга эга - ҳатто танаффусларни ҳисобга олмаса ҳам. Немис мураббийи даврида «Ливерпуль» шанба куни соат 12:30да 35 та ўйин ўтказган - фақат «Тоттенхэм»да (36) бундан кўпроқ. Клопп бошқарувидаги «Ливерпуль» ўртача 1,71 очко тўплаган. Бу одатий кўрсаткичлар билан солиштирганда кучли пасайишдир - умуман олганда, Юрген жамоаси Премьер-лигада ҳар бир учрашувда 2,11 очкога эга.
Ўтган мавсумда «Ливерпуль» шанба куни бўлиб ўтган олтита ўйинда ғалаба қозона олмади ва уларда бор-йўғи учта гол урди. Нега Премьер-лига клублари куннинг тушлик қисмида бунчалик кўп ўйнашади? Шанбадиги эрта тақвим Осиё бозорига қаратилган. Лондон эндигина уйғонаётганда, Пекин ва Токиода энг яхши вақт бўлади. Шунинг учун TNT Sport (илгари BT Sport деб номланган) телерадиокомпанияси ушбу вақтда энг яхши жамоалардан бирини танлайди. АПЛ эса бундан катта даромад олади.
Баъзида TNT Sport эрта ўйинларни бутунлай рад этади - масалан, еврокубоклардан кейинги ҳафталарда. Сентябрь ойида барча топ-жамоалар халқаро турнирларда ўйнаган, шунинг учун улар шанба куни эрталаб ўйнамади. Кейин TNT Sports бу имкониятдан умуман фойдаланмади ва ўйинни соат 20:00 да кўрсатиларди - тушликда эса ҳеч ким ўйнамади.
«Биз бунга ҳеч қандай таъсир ўтказа олмаймиз», деб тан олди Клопп. «Ким билан гаплашмайлик, ҳеч нарса бўлмайди. Энди канал янги номга эга, аммо ҳеч нарса ўзгармаганлиги аниқ. Уларнинг аҳамияти йўқ, нега мен бу ҳақда гапиришим керак?», — дея кесатди Клопп.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
