"Эспаньол" ҳимоячиси Хоан Капдевильянинг фикрича, унинг жамоаси 6 январь куни бўладиган Ла-лига баҳсида "Барселона"га муаммо туғдира олади.
Ушбу мавсумда Виланова шогирдлари ўтказилган 17та ўйинда бор-йўғи 2 очко йўқотишди холос. "Эспаньол" эса 15 очко билан қуйидан 3-ўринни эгаллаб турибди.
Шунга қарамай, Испания терма жамоаси сафида Европа ва жаҳон чемпиони бўлган Капдевилья "Ноу Камп"да бўлажак ўйинга оптимистик назар билан қарамоқда.
"Барселона" мусобақа жадвали пешқадами ҳисобланади ва барчадан илгарилаб кетган. Лекин, бир кун келиб улар ҳам мағлубиятга учрашади. Улар ҳамиша ғалаба қозонаверишмайди", дейди ҳимоячи "Марка" нашрига берган интервьюсида.
"Биз ажойиб жамоага қарши майдонга чиқамиз. Якунда эса рақибимиз очко йўқотади. Якшанба куни бўладиган ўйинда уларни хато қилишга мажбур қиламиз. Бу қийин ва мураккаб вазифа. Бу жамоага қарши ўйинда максимал концентрация билан ҳаракат қилиш лозим. Ҳар қандай жамоани мағлубиятга учратса бўлади. Биз бу ишни "Ноу Камп"да амалга оширамиз", дейди "Эспаньол" футболчиси.
"Эспаньол" мавсумни ёмон бошлаганидан кейин Хавьер Агирре истеъфога чиқарилди ва унинг ўрнига Маурисио Почеттино эгаллади. Янги бош мураббий қўлостида 3та дуранг ва битта ғалаба қўлга киритилганидан кейин, Капдевилья жамоанинг ишлари яхшиланиб кетишига ишонмоқда.
"Туннелнинг ортидан ёруғлик кўрина бшолади. Лекин йўл олис ва мураккаб. "Барселона"га қарши ўйинда қўлга киритилажак ижобий натижа олдинги интилишимиз учун бизга ёрдам беради. Боз устига, ғалаба эса улкан туртки бўларди", деяди ҳимоячи.
Матнда хатолик топсангиз, ўша хатони белгилаб, бизга жўнатинг (Ctrl + Enter).