Эртага ФИФА йил қаҳрамонларини тақдирлаш маросимини ўтказади. Маросим сўнгида эса дунёнинг энг яхши футболчиси номи эълон қилинади. Хабарингиз бор, мазкур совринга 3 нафар футболчи даъвогарлик қилмоқда. Улар: Андреас Иньеста, Леонел Месси ва Криштиану Роналду.
Бугун ФИФА расмий сайти мазкур футболчилар ҳақида машҳур кишиларнинг фикрларини эълон қилди.
Роналду ҳақида
"Португалия терма жамоасининг "Криштиану Роналду ва унинг жамоадошлари" номига эга. Қолган футболчилар унинг кетиддан эргашишади". Карлос Кейруш.
"Криштиану — феномен. Унинг ўйн услуби ўзгача. У шундай ўйинчики, ҳар куни кечагидан кўра яхшироқ бўлишга интилади. Унинг амбициялари юқори, улкан гол уриш қобилиятига ва футболчилар орасида катта таъсир доирага эга. У Мадрид футболкасини кишини лозим бўлган буюк ҳужумчи". Эмилио Бутрегеньо.
"Роналду ақл бовар қилмас ўйинчи. Бизда буюк ўйинчилар кўп бўлган, Криштиану эса уларнинг барчаси билан тенглаша олади. У туғма истеъдод соҳиби бўлса-да, барча нарсага фақат машғулот орқали эришди. Қайсидир жиҳати билан у Эрик Кантонага ҳам ўхшаб кетади. Роналду Мадридда ҳам яхши ўйинчилиги исботлади". Сэр Алекс Фергюсон.
"Худди Бекхэм билан бўлгани каби Роналду билан ҳам шу нарса содир бўлмоқда. Улар чиройли бўлгани учун ҳам одамларга ҳасад қилишади ва танқид остига олишади. Роналду мен учун идеал ўйинчи. Тезкор, бўйи баланд, бош билан яхши ўйнайди, техникаси яхши, пенальти ва жарима тўпини яхши амалга оширади, жамоа етакчиси. Криштиану Роналду - феномен", Рууд Гуллит.
"Криштиану Роналду бир неча йилдан бери халқаро майдонда юқори формасини ушлаб туришга ҳаракат қилмоқда. У Месси каби дунёнинг энг яхши футболчиси. Фақат Евро-2012да Португалия терма жамоасида ўйнаганида жаҳли чиқди, хафсаласи пир бўлди. Лекин ажойиб ўтказган 2та ўйинидан кейин у 3та гол урди ва Португалияни ярим финалга олиб чиқди. Бундайин суперюлдузни томоша қилиш ҳар доим ҳам мароқли. У ўз ватандошларига Лиссабонда ўрнатилган ҳайкалга муносиб эканини исботлади". Диего Марадона Евро-2012 пайтида.
"Месси буюк ўйинчи ҳисобланади, лекин Криштиану мутлақ тенгсиз. У дунёнинг энг яхши футболчиси. Боиси, унинг фойдали жиҳати кўп. У тезкор, кучли, кўп голлар уради ва яна бир қанча хусусиятлари бор. Шунингдек, у керак пайтда жамоанинг ҳимоя чизиғига ҳам ёрдам беради. У идеал футболчи. Мен бундай футбол машинасини ҳеч қачон кўрмаганман. Футбол ҳозир ўзгарган. Пеле, Ди Стефано ва Марадона каби футболчилар ҳозир Криштиану қилаётган ишларни бажара олмаган бўлишарди". Нуно.
Андрес Иньеста ҳақида
"Барселона" каби клубда яхши ўйнаш ва совринларни қўлга киритиш у қадар қийин эмасдир, аммо терма жамоада Иньестанинг ҳақиқий маҳоратини кўриш мумкин. Бундай ўйинни Пеле, Марадона ва Зидан каби футболчилар кўрсатиши мумкин. Испанияда Андрес барча замонларнинг энг яхши футболчиларидан бири ҳисобланади. Шунинг учун ҳам мен уни Месси ва Роналдудан устун ҳисоблайман. Бу икки футболчи ўз клуби сафида рекордларни янгилаётган бўлишса-да, улар ҳали Аргентина ва Португалия терма жамоаси билан ҳеч қандай совринни қўлга киритишмади. Борис Беккер.
"Журналистлар кўпинча мендан Месси яхшими ёки Роналду, деб сўрашади. Лекин мен учун Андрес Иньеста биринчи рақамли футболчи ҳисобланади. У майдонда янада мураккаб ишларни бажаришга қодир. У тўп билан сеҳргарларча муомала қилади". Давид Сильва.
"Иньеста ҳақида гап-сўзлар Месси ҳақида бўлгани каби унчалик кўп эмас. Лекин "олтин тўп"ни Андрес қўлга киритишини истардим. У ўзининг "Барселона" ва Испания терма жамоасидаги фаолияти орқали бунга муносиб эканини исботлади. У барча нарсани тўғри бажаради: у шерикларига имконият яратади ва ўзи ҳам доимий равишда гол уради. Иньеста тўп билан қандай муомала қилишни биладиган сеҳргар футболчи". Луис Фернандес.
"У сеҳрли таёқчага эга бўлган ёрқин футболчилардан бири. Майдонда жамоанинг ўйинини ажойиб тарзда бошқаради. Футбол мухлиси сифатида Иньеста билан бита майдондан ўйнаганим билан фахрланаман. У ҳеч ким қила олмайдиган ишларни амалга оширади". Серхио Рамос.
"Иньестага қараб туриб, ҳаттоки менинг ёшимда ҳам ундан кўп нарса ўрганиш мумкинлигини ҳис қиламан". Хуан Рамон Рикельме (Иньестадан 6 ёш катта).
"У тўп билан муомала қилаётганида барча нарса тўхтаб қолганидек бўлади — худди камера секинлаштирилган кадрни намойиш қилаётгандек бўлади. Мен 15 ёшимдан бери у билан бирга ўйнаб келаман, лекин унинг ёмон ўйнаганини ҳеч қачон кўрмаганман. Фернандо Торрес.
Леонел Месси ҳақида
"Мессини ҳеч ким билан тенглаштириб бўлмайди. Криштиану Роналду буюк футболчи, аммо Месси тенгсиз. Месси тўпсиз югуришдан кўра, тўп билан тезроқ ҳаракат қилади. Бундай тезликда ҳаракат қилишнинг деярли иложи йўқ". Альфио Базиле.
"Менинг 60та ўйинда 85та голдан иборат рекордим 40 йил давомида сақланиб турди. Уни эса жаҳоннинг энг яхши футболчиси йўққа чиқарди. У ақлбовар қилмас ўйинчи. У яхши инсон ва профессионал. Умид қиламан, унинг 2012 йилда ўрнатган рекорди яна 40 йил давомида сақланиб туради. Месси - фантастик ўйинчи. Унинг ягона камчилиги бор - у "Бавария"да ўйнамайди!" Герд Мюллер.
"Кўпчилик Роналдуни ёқтирмайди. Боиси у буюк футболчи, чиройли ва унинг атрофида аёллар кўп. Инсонлар бунга ҳасад қилишади. Роналду учун ягона ёмон жиҳат - у билан рақобатчи - Месси бор. Агар Месси бўлмаганида, шубҳасиз, Роналду кетма-кет беш йил давомида жаҳоннинг энг яхши футболчиси бўларди". Луис Фелипе Сколари.
"Месси - Худо томонидан юқтирилган мислсиз иқтидор соҳиби. Умид қиламан, у Аргентина терма жамоаси билан жаҳон чемпионлигини қўлга киритади. Мен буни Худодан сўрайман". Самуэль Это'О.
"Худди баскетболда Майкл Жордан каби, Месси футболда ғолибликни ҳеч кимга бермаяпти. Бундай хислат камдан-кам спортчиларга насиб қилади. Мессига қарши ўйнаган рақибларга раҳмим келади. Боиси, унга қарши ўйнаб бўлмайди. У - ўзгача болакай. У шунчаки кўп гол урмайди, балки бир-биридан чиройли бўлган буюк голларни кўп уради". Пеп Гвардиола.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
