Истиқлол йилларида мамлакатимизда футболни ривожлантириш ва уни оммалаштириш борасида амалга оширилаётган ижобий ишлар натижасида турли хил ёш тоифасидаги миллий терма жамоаларимиз халқаро майдонларда совриндорлар қаторидан ўрин олиб келмоқда.
Жумладан, биргина ўтган 2012 йилнинг ўзида Эронда ўтказилган Осиё чемпионатида Дилшод Нуралиев шогирдлари футболимиз тарихида илк бор Осиё чемпиони деган номга сазовор бўлган бўлишса, Аҳмад Мусаев шогирдалари ўсмирлар ўртасида Туркияда ўтказиладиган навбатдаги жаҳон чемпионатига бориш йўлланмасини қўлга киритишди. Буларнинг ичида Миржалол Қосимов бошчилигидаги миллий терма жамоамиз 2014 йилда Бразилияда ўтказиладиган жаҳон чемпионатига бориш йўлланмасини қўлга киритиш арафасида турганлиги алоҳида эътироф этиш жоиз. Қолаверса, “Бунёдкор” футбол клуби ўзининг ёшартирилган таркиби билан Осиё чемпионлар лигаси мусобақасининг ярим финал босқичига қадар етиб боргани ҳам ўсиб келаётган ёш ва иқтидорли болаларга қаратилаётган эътиборнинг амалдаги исботи сифатида қарашимиз мумкин.
Халқаро мусобақаларда жамоаларимизниг муваффақиятли иштирок этишининг туб замирида юртимизда энг аввало болалар футболига қаратилган эътиборнинг юксак даражада эканлиги алоҳида аҳамият касб этади. Хусусан, пойтахтимиздаги ягона ҳисобланган Ҳамза тумани футбол бўйича давлат ихисослаштирилган мактаб-интернати ҳам сўнгги вақтлар ичида олий ва биринчи лига клублари, турли хил ёш тоифасидаги терма жамоаларимизга муносиб номзодларни тарбиялаб бераётган футбол мактаблардан бири саналади.
Бугунги кунда 300 нафар ўқувчи ёшлар тарбияланаётган мазкур мактаб ўқувчилари 2012 йил давомида турли хил футбол мусобақаларида иштирок эътиб совринли ўринларни қўлга киритишди. Жумладан, Халқ таълими вазирлиги тасарруфидаги мактабдан ташқари таълим муассасалари ўртасидаги Тошкент шаҳар биринчилигида футбол мактаб-интернатининг барча ёшдаги жамоалари биринчи ўринни қўлга киритишганини алоҳида таъкидлаб ўтиш жоиз.
- 2012 йилда мактабимиз ўқувчилари Тошкент шаҳар футбол федерацияси томонидан ташкил этилган “Болалар лигаси-2012” шаҳар чемпионатида кучли учталикдан ўрин олишга муваффақ бўлди. Шу қаторда, 1997-1998 йилда туғилган ўқувчилар республика миқиёсидаги ташкил этилган Халқ таълими вазирлиги тизимидаги футбол бўйича давлат ихтисослаштирилган мактаб интернатлариаро ўтказилган чемпионатда биринчи ўринни эгаллашди, - дейди футбол мактаби директори Анвар Мурсақулов. – Янги йилдан бошлаб ҳар бир ёш тоифасидаги мактаб ўқувчиларини профессионал маҳоратини ошириш мақсадида ўқув-машғулот жараёнида ўқувчиларнинг иқтидорига алоҳида эътибор бериб, ўқувчини ўзининг аниқ позицияси асосида тарбиялашни мақсад қилганмиз.
Ўтган 2012 йил давомида машаққатли меҳнатнинг самараси ўлароқ Ҳамза тумани футбол бўйича давлат ихисослаштирилган мактаб-интернатида янги йил арафасида йил давомида турли хил мусобақаларда иштирок этиб, ғолибликни қўлга киритган жамоалар ва ёш футболчиларни тақдирлаш маросими бўлиб ўтди.
Қизғин ва кўтаринки руҳда ўтказилган ушбу тантанали маросимда Ўзбекистонда хизмат кўрсатган ёшлар мураббийи, футбол журналистикаси соҳасида ўзига хос мактаб яратган Ахбор Имомхўжаев, “Спорт” телерадиоканали шархловчиси ва “Бунёдкор” футбол клуби матбуот хизмати бошлиғи Мирзаҳаким Тўхтамирзаев, Миллий тикланиш партияси Тошкент шаҳар девони раҳбари Даврон Сафаров иштирок этишди.
Тантанали маросимда сўзга чиққан Ўзбекистонда хизмат кўрсатган ёшлар мураббийи Ахбор Имомхўжаев мактаб-интернатида болаларга қаратилаётган юксак эътиборни алоҳида тилга олар экан, ўзбек футболининг довруғини янада кенг ёйиш, халқаро майдонларда эришилаётган ғалабаларда ушбу даргоҳда таҳсил олган ёшларнинг ҳам алоҳида ўрни борлигини таъкидлаб ўтди. Шу аснода келгусида мактаб-интернатидан чиққан ёш ва иқтидорли болалар дунёнинг энг номдор клублари сафида тўп суриб, миллий терма жамоамизни халқаро ареналарда юксак муваффақиятларга олиб чиқишига эришишни тилади.
Футбол мактаб-интернатининг йил сарҳисоби сифатида ўтказилган байрам тадбирида мактаб маъмурияти турли хил номинациялар асосида ёш ва иқтидорли футболчиларни фахрий ёрлиқ ва эсдалик совғалари билан тақдирлашди.
Тадбир давомида “Аладин” гуруҳи қизларининг ўзларининг байрам чиқишлари билан байрамга ўзгача шукуҳ қўшди.
Фарҳод НОРБЎТАЕВ
ЙИЛ ЛАУРЕАТЛАРИ
2001 йилда туғилган тарбияланувчиларнинг энг яхшилари (1-жамоа)
Жамоанинг энг яхши ҳимоячиси – Чингизхон Ғаниев
Жамоанинг энг яхши ярим ҳимоячиси – Раҳим Мирҳайдаров
Жамоанинг энг яхши ҳужумчиси – Улуғбек Ҳошимов
Жамоанинг энг яхши ўйинчиси – Нодир Муҳаммаджонов
2000 йилда туғилган тарбияланувчиларнинг энг яхшилари (1-жамоа)
Жамоанинг энг яхши ҳимоячиси – Владислав Кусов
Жамоанинг энг яхши ярим ҳимоячиси – Одил Ҳотамов
Жамоанинг энг яхши ҳужумчиси – Рустам Темирхонов
Жамоанинг энг яхши ўйинчи – Жамол Турсунбоев
2000 йилда туғилган тарбияланувчиларнинг энг яхшилари (2-жамоа)
Жамоанинг энг яхши дарвозабони – Беҳзод Баратов
Жамоанинг энг яхши ҳимоячиси – Нурбек Темирбеков
Жамоанинг энг яхши ярим ҳимоячиси – Отабек Жўрақулов
Жамоанинг энг яхши ҳужумчиси – Шаҳзод Ҳайиталиев
1999 йилда туғилган тарбияланувчиларнинг энг яхшилари (1-жамоа)
Жамоанинг энг яхши дарвозабони – Саидмурод Аҳроров
Жамоанинг энг яхши ҳимоячиси – Сарвар Нурмуҳаммедов
Жамоанинг энг яхши ярим ҳимоячиси – Мансур Пўлатов
Жамоанинг энг яхши ярим ҳимоячиси – Бунёд Раҳматжонов
Жамоанинг энг яхши ҳужумчиси – Зафар Турсунов
Жамоанинг энг яхши ўйинчиси – Даниэл Насриддинов
1999 йилда туғилган тарбияланувчиларнинг энг яхшилари (2-жамоа)
Жамоанинг энг яхши дарвозабони – Абдурасул Абдунабиев
Жамоанинг энг яхши ҳимоячиси – Шарофиддин Ўринбоев
Жамоанинг энг яхши ярим ҳимоячиси – Дилшод Қўчқоров
Жамоанинг энг яхши ҳужумчиси – Рамазон Толипов
1998 йилда туғилган тарбияланувчиларнинг энг яхшилари (1-жамоа)
Жамоанинг энг яхши дарвозабони – Тимур Ҳабибуллаев
Жамоанинг энг яхши ҳимоячиси – Байрамали Жавлиев
Жамоанинг энг яхши ярим µимоячиси – Фазлиддин Ҳакимов
Жамоанинг энг яхши ҳужумчиси – Хондамир Солижонов
1998 йилда туғилган тарбияланувчиларнинг энг яхшилари (2-жамоа)
Жамоанинг энг яхши ҳимоячиси – Дилшод Абдурашидов
Жамоанинг энг яхши ярим ҳимоячиси – Сарвар Эргашев
Жамоанинг энг яхши ҳужумчиси – Илёс Тошпўлатов
Жамоанинг энг яхши ўйинчиси – Руслан Мухамедшин
1997 йилда туғилган тарбияланувчиларнинг энг яхшилари (1-жамоа)
Жамоанинг энг яхши ҳимоячиси – Раҳим Бахтиёров
Жамоанинг энг яхши ярим ҳимоячиси – Санжар Халилов
Жамоанинг энг яхши ҳужумчиси – Ахат Абдуллахонов
Жамоанинг энг яхши ўйинчиси – Муҳриддин Сайпиев
1997 йилда туғилган тарбияланувчиларнинг энг яхшилари (2-жамоа)
Жамоанинг энг яхши ҳимоячиси – Ҳаким Ғаниев
Жамоанинг энг яхши ярим ҳимоячиси – Алишер Шерматов
Жамоанинг энг яхши ярим ҳимоячиси – Баҳром Ғофуров
Жамоанинг энг яхши ҳужумчиси – Лазиз Юлдашев
1996-1995 йилда туғилган тарбияланувчиларнинг энг яхшилари
Жамоанинг энг яхши ҳимоячиси – Дмитрий Подпорин
Жамоанинг энг яхши ярим ҳимоячиси – Ниёз Олжаев
Жамоанинг энг яхши ҳужумчиси – Хуршид Нажимов
Жамоанинг энг яхши ўйинчиси – Богдан Чернишев
Ҳамза тумани футбол бўйича давлат ихисослаштирилган мактаб-интернатининг йил кашфиёти – Азамат Розиқов (Тошкент давлат темир йўллар институтининг академик лицейи ўқувчиси)
Ҳамза тумани футбол бўйича давлат ихисослаштирилган мактаб-интернати йилнинг энг яхши ўйинчиси – Ислом Кулимбетов
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
