Бугун биз Премьер-лига тарихидаги энг яхши ҳимоячини аниқлашга ҳаракат қилиб кўрамиз. Бу номга даъвогарлар сифатида эса учта футболчини танлаб олдик. Улардан биринчиси "Челси" афсонаси Жон Терри бўлса, иккинчиси "МЮ" вакили Рио Фердинанддир. Бошқаси бўлса ҳали ўз фаолиятини юқори даражада давом эттираётган Виржил ван Дейк. Хўш, улардан қай бири яхшироқ? Қуйида уларни бир нечта томонлама солиштириб кўрамиз.
Ҳимояланиш
Хўш, келинг, аввало ишни энг муҳимидан бошласак. Ҳимоячилардан майдонда сўраладиган энг биринчи нарса бу мудофаада яхши ҳаракатланишдир. Бу борада эса ҳеч иккиланмасдан Жон Террини танлаш мумкин. Негаки, ундан кўра ўз ишини севадиган футболчини топиш қийин эди. У бетон деворга бошини уришни сўраса, шу ишни ортиқча саволларсиз бажара оладиганлар хилидан эди. Терри биринчи бўлиб ҳужумчиларни қарши олар, ўзини бутунлай ўйинга бағишлай оларди. Шу иши орқали у 2004-2009 йиллар оралиғида ФИФА ва УЕФАнинг йил жамоасига кирган. Собиқ "Челси" футболчиси, шунингдек, 4 марта Европада йилнинг энг яхши ҳимоячисига айланади.
Узатма бериш
Бу аспектда танлов анча қийин бўлади. Негаки, пас беришда Терри ва ван Дейк яхши статистикага эга. Аммо бу борада Фердинандга етиш анча қийин иш. У тўпни ўз билан олиб юришда устаси фаранг эди. Табиийки, уни шунчаки тепиб юбориш Риога хос бўлмаган одатдир. Фердинанд доимо тўпни шерикларига аниқ узатиб беришга ҳаракат қилган. АПЛда у бу борада яхши кўрсаткичга эга.
Жисмоният
Жон Терри баққуват, Фердинанд эса бўйдор бўлган. Аммо бу икки жиҳат Виржил ван Дейкнинг ўзида мужассамлашган. Нидерландияликда катта тезлик ва куч ҳам мавжуд. Бу эса ҳозирги замонавий футболдаги ҳужумчиларни зарарсизлантириш учун ван Дейкка имкон беради. Ҳамма хусусиятлар бирлашиб, Виржил ҳозирги замоннинг энг устун ҳимоячиларидан бирига айланди. Унинг даражаси сабабли "Ливерпуль" бир неча йиллардан бери мустаҳкам ҳимояга эга бўлиб, Европа ва Англияда тенгсиз клубга айлана олди.
Ҳаводаги устунлик
Бу фактга нима дейсиз: Жон Терри кетма-кет 17 мавсум давомида "Челси" сафида гол уришга муваффақ бўлган. 2011-13 йилларда, икки йил ичида Терри жами 20 та гол уришга эришганди. Тасаввур қиляпсизми, бир мавсумда марказий ҳимоячи 10 та гол урсая?
Шундай экан, ҳаводаги даража борасида Жон Террига устунлик берилади.
Етакчилик қобилияти
Фрэнк Лэмпард балки "Челси" мухлислари ёқимтойи бўлгандир. Жозе Моуриньо эса жамоани кўкларга кўтарган бўлиши мумкин. Аммо ўша даврларда клуб ичида бўлганлар биладики, Жон Терри жамоа юраги ва қалби эди. У майдондаги шериклари ва бош мураббийлар алмашсада, жамоага содиқ қолиб, ўз етакчилигини давом эттирди. Бундай иш эса ҳамманинг ҳам қўлидан келавермайди.
Умумий
Хулоса қилиш давомида Фердинанд ва ван Дейкка ўзлари лойиқ бўлган таърифни бермоқчимиз. Улар АПЛ кўрган энг яхши ҳимоячилардан саналади. Бунга шубҳа йўқ. Аммо Терри яхшиларданда, яхшироқ эди. Техника, куч, матонат бир бўлиб, унга совринлар ютишда ёрдам берди. Эришилган ютуқлар, қобилият ва сабр Жон Террининг номини абадиятга муҳрлади. Биз эса уни бошқалар билан солиштиришда энг яхши деб топдик.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
