Ливан футболи: Габон билан ўртоқлик ўйини, келишилган ўйинлар ва сув тошқини
Ливан миллий терма жамоаси бугун, 15 январь куни ўз майдонида Габон билан ўртоқлик учрашувини ўтказади. Ушбу ўйин Тео Буккер шогирдлари учун Эронга қарши Осиё кубоги саралаш баҳсига тайёргарлик вазифасини ўтайди.
Ливан терма жамоаси ЖЧ-2014 саралаш гуруҳида сўнгги ўринни эгаллаб турганига қарамай, улар назарий жиҳатдан мундиал чиқиш имкониятини ҳали қўлдан чиқаришмаган.
Dailystar.com.lb сайтининг хабар тарқатишича, "Ал-Аҳад"нинг уч нафар футболчиси — Маҳмуд ал-Али, Ҳасан Мезҳер ва Муҳаммад Ҳамуд келишилган ўйинларда иштирок этганини тан олган. Маълумотларга қараганда, кўпгина клубларнинг яна 9 нафар футболчиси бундай ўйинларда иштирок этган. Юқоридаги 3 нафар футболчига бир ойлик маош миқдорида жаримага тортилишган, аммо уларга ўйинларда иштирок этиш учун рухсат берилган.
Ливаннинг легионер футболчилари — Юсуф Муҳаммад, Нодир Матар, Маҳди Халил ва Аднан Ҳайдар ўртоқлик учрашувига ташриф буюриши кутилмоқда. Сьерра-Леонеда туғилган 21 ёшли Халил (дарвозабон) Ливан сафида дебют қилиши кутилмоқда.
Ливанликлар бугунги ўртоқлик ўйинини ўтказишганидан кейин ўқув-машғулот йиғинини ўтказиш учун Қатарга йўл олишади. Улар Осиё кубоги саралаш босқичида Эрон, Таиланд ва Кувайт билан бир гуруҳдан жой олишган бўлиб, Буккер шогирдлари дастлабки ўйинни 6 февраль куни Эронга қарши сафарда ўтказади.
Юқоридаги сайтнинг яна хабар беришича, Ливанда ёққан кучли ёмғир туфайли мамлакатдаги кўпгина стадионлар яроқсиз аҳволга келиб қолган.
"Узлуксиз ёққан ёмғир ва сув тошқини стадионларга ўз таъсирини кўрсатмай қолмади. Афсуски, биз майдонлар сув билан қопланиши олдини ола билмадик. Натижада майдон чимлари яроқсиз ҳолаттга келиб қолди. Янги тупроқ ва янги чим ётқизиш бўйича ишлар зудлик билан амалга оширилади. Шуни афсус билан тилга оламизки, Ливан футбол федерацияси томонидан ишлаб чиқилган мусобақалар тақвими ҳозирда амалда бўлмай қолди", дейилади федерациянинг баёнотида.
Манба: www.dailystar.com.lb
Киритилди: 09:46, 15.01.2013. Ўқилди: 4779 марта. Фикрлар: 8 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
