26 январь куни жаҳоннинг энг яхши мураббийларидан бири - Жозе Моуриньо 50 ёшга тўлди. Россиянинг Sportbox.ru сайти дунё ОАВда Моуриньо ҳақидаги мақолалардан парчалар эълон қилди.
The Telegraph: Фергюсон йўлидан
Англия нашри мураббий билан қисқача интервью чоп этди, унда мутахассис Алекс Фергюсон каби 70 ёшигача мураббийлик қилишини таъкидлаган.
"Мен футболни ақлдан озар даражада севаман ва 50 ёшимда ўзимни жуда яхши ҳис қилмоқдаман. Мураббий сифатида яна камида йигирма йил ишламоқчиман. Фергюсон нима учун ҳали ҳам ишда эканлигини яхши тушунаман ва унинг йўлидан бормоқчиман. Олдимда кўплаб мақсадларим бор. Бунга вақтим бор. Эллик - бу қандайдир сеҳрли хоссаларга эга сон. Баъзан у инсонларга ёмон таъсир қилади, улар учун вақт ва умр жуда тез ўтиб кетаётгандай туюлади. Мен ундай эмасман. Мен бахтли одамман ва кўпгина қизиқарли ишларни бажаришга улгурдим. Менинг яқин орадаги режам - "Реал" билан чемпионлар лигасини ютиш. Биз буни уддалашга қодирмиз".
Marca: Жозенинг фаолияти энди бошланмоқда
Испаниянинг Marca нашри Моуриньонинг таржимаи ҳолидан баъзи фактларни келтирмоқда.
"Бундан 50 йил аввал, АҚШ президенти Кеннедининг ўлимидан бир неча ой олдин ёки "Битлз"нинг биринчи альбоми чиқиши арафасида Сетубал шаҳрида Жозе Мариу душ Сантуш Феликс Моуриньо дунёга келди. Кимдир 50 ёшга тўлиб, пенсияга чиқиб, қариликка тайёргарлик кўрмоқда, Моуриньода эса ҳаммаси энди бошланмоқда. У ўзининг биринчи совринини 40 ёшида қўлга киритган эди, шундан буён ўн йил муваффаққиятлар тўлқинида. Бу ҳали ҳаммаси эмас. Жозенинг олдида кўплаб ғалабалар турибди, бу шубҳасиз. Таққослаш учун: Буюк мураббий Алекс Фергюсон ўзининг 50 ёшида ҳали сэр эмас эди ва "МЮ" билан бор йўғи иккита совринга эга эди. Катта ғалабалар унга кейинроқ келган. Яна ўн беш-йигирма йилдан сўнг Моуриньо билан нималар бўлишини тасаввур қилинг, аммо ҳозирданоқ бир нарса маълум: у - Бошқача. Туғилган кун билан, Жозе!".
A Bola: Лигани учта турли клублар билан ютиш
Португалия матбуоти дунёнинг энг яхши мураббийларидан бири уларнинг ерида туғилганлиги билан ўзгача руҳда фахрланмоқда ва унинг барча ютуқларини санаб ўтди.
"Бизга шундай мураббийни етиштргани учун Сетубалга раҳмат. Бу мураббий ўзининг харизмаси, феъли ва ютуқлари билан бизларни ҳали кўп қувонтиради. Моуриньо - жуда ҳам оддий инсон эмас, аммо буюк инсонлар билан ҳар доим шундай бўлади. Ўзининг 50 ёшида шундай даражага эришдики, бошқалар буни фақат тушларида кўришлари мумкин. Жозенинг олдида узоқ ва қизиқарли фаолият турибди. Биз унинг учта турли клуб билан чемпионлар лигасини қўлга киритган биринчи мураббий бўлишини кутяпмиз. У бунинг уддасидан чиқади. Ҳозирча қуруқ рақамлар: Моуриньо бутун фаолияти давомида 601 ўйин ўтказди, 414 ғалаба, 116 дуранг ва 72 мағлубият. Тўплар фарқи: 1207 - 464. Жозе, бу сенинг тарихинг!".
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
