"Барселона" жорий мавсумнинг қоқ ярмига келиб, чемпионлик учун курашда фаворит мақомидан тушиб қолди. Айни дамда Хави жамоаси "Реал" ва "Жирона"дан анча ортда қолмоқда. Янги Йил арафасида, барча клублар учун ягона мағлубият ҳам қаттиқ таъсир қилиши турган гап. Шу сабаб бунинг олди олиниши зарур. "Барса" 18 турдан кейин етакчи жамоалардан 7 очко ортда қолмоқда. Бу нарса сабабли кўпчилик онгида каталонияликлар чемпионлик пойгасидан чиқиб кетди деган хулоса шаклланишига сабаб бўлади. Шунинг учун муаммо катталашиб кетмасидан, унга ечим топиш зарур. Қуйида "Барселона" кўзлаётган футболчиларни билиб оласиз.
Ҳужум учун
Сўнгги йилларда ёши ўтиб қолган футболчиларнинг самараси кам бўлаётганини ҳисобга олсак, Хави асосан Виктор Роке каби ёшларга эътибор қаратиши аниқ. Шунинг учун "кўк-анорранглилар" Жанлука Престианнига тушди. "Велес" клуби тарбияланувчиси ҳужум чизиғининг исталган қисмида ҳаракат қила олади. У жуда мослашувчан. Аммо 17 ёшли ҳужумчига даъвогарлар кўп. Хусусан, "Бенфика" ва "Валенсия" аллақачон бу борада ҳаракатни бошлаб юборган.
Таянч ярим ҳимояси учун
"Барселона" майдоннинг бу қисми учун ҳам ёш футболчиларни танлашни мақсад қилган. Аввалроқ "Барса" "Коринтианс" футболчиси Габриэл Москардо учун курашиб кўрганди. Аммо "ПСЖ" олғирроқ чиқди. 18 ёшли ярим ҳимоячи билан Париж клуби келишувга эришди. Москардо учун "Челси" ҳам пойгада бўлган.
Хави кўзлаётган яна бир вариант бу "Тоттенхэм" юлдузи Жованни Ло Челбсодир. Аргентина терма жамоаси аъзоси аввал таянч зонасида ўйнамаган. Шу туфайли, бу танлов "Барселона" манфаатларига мос келмаслиги мумкин.
Қанот ҳимояси учун
Яқин ўтмишда "Ла-лига гиганти бир неча марта "Ливерпуль" юлдузи Трент-Александер Арнольд учун "оғиз солиб" кўрганди. Аммо бу урунишлар самара бермаган. Негаки, 25 ёшли футболчи ўз жамоасини ўзгартирмаслигини билдирган.
"Барселона"нинг ўнг қанот ҳимояси учун кўзлаб қўйган энг жиддий варианти бу Арнау Мартинесдир. "Жирона" вакили ўз жамоасининг жорий йилдаги муваффақиятида катта ҳисса қўшмоқда. Аммо Мартинесни кўндириш учун "Барса"да қуроллар мавжуд. Негаки, Арнау болалигининг 6 йилини "Барселона" академиясида ўтказган. Унга айни дамда "Манчестер Сити" ва "Реал" қизиқиш билан қарамоқда. Ўз академиясидан чиққани учун Арнау Мартинесни рўйхатга олиш каталонияликларга муаммо туғдирмаган бўларди.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
