Жейдон Санчонинг "Манчестер Юнайтед"даги ўта омадсиз даври якунига етмоқда. Аммо бу нарса на футболчи, ва на клуб учун муаммони ечими бўла олади. Санчо эски клубида яна спорт формасига қайтиб олиш учун тинмай меҳнат қилиши керак бўлса, "МЮ"дагилар Санчо ўрнига янги вакил топиши керак. Ҳа, эндиги вариант 73 миллион фунтлик бўлмаслиги аниқ. Аммо муқобил зарур. Негаки, Эрик тен Хаг олдига клубни ЕЧЛ поғоналарида ушлаб қолиш вазифаси қўйилган. Буни фақатгина Гарначо ёки Антони билан амалга ошириб бўлмайди. Қуйида "МЮ" учун эҳтимолий вариантлар келтириб ўтилади.
Майкл Олисе – "Кристал Пэлас"
"Манчестер Юнайтед" ўз тарихидаги янги даврни бошламоқда. Бу давр бунёдкори Сэр Жим Рэтклифф бўлади. Хабарларга кўра, клуб янги раҳбарият қўл-остида Майкл Олисени сотиб олмоқчи. Француз вингери август ойида "Кристал Пэлас" билан янги шартнома тузган. Айрим манбалар бу битимга 70 миллион фунтлик товон пули киритилганини айтади. Аммо бу Олисенинг даражаси олдида унчалик ҳам қиммат туюлмайди. 2023 йилнинг сўнгги бешта баҳсида, Олисе жами 5 та голда бевосита иштирок этди. Шундай экан, у Антони ўрнини эгаллашга қодир футболчи. Харҳолда, шундай умидлар бор.
Педру Нету – "Вулверхэмптон Уондерерс"
Нетунинг устунлиги шундаки, у ҳар икки қанотда бирдек фойдали ҳаракат қила олади. Гарчанд жароҳатга мойил бўлсада, португалиялик ҳужумчи жамоасини оғир вазиятлардан олиб чиқиб кета олади. Айни дамда у яхши спорт формасида ва "Вулвз"нинг муҳим ўйинларида ўзини кўрсата олмоқда. Айнан унинг саъй-ҳаракатлари билан сентябрь ойида "бўрилар" "Манчестер Сити"ни мағлубиятга учратган эди.
"МЮ" учун 23 ёшли футболчига эришиш осон кечмайди. Негаки, Нету "Вулвз" билан узоқ йиллик шартномага эга.
Федерико Кьеза – "Ювентус"
Кьеза Евро-2020даги қаҳрамонликларидан кейин катта юлдузга айлангандек кўринган эди. Аммо жароҳатлар унга ўсиш учун ҳалақит қилди. Кьеза кўпчиликка таниш ном бўлишига қарамай, ўз даражасини намойиш этишга қийналмоқда. Айтиш мумкинки, у ҳозирда олдингидек самарадор футболчи эмас. Кьезанинг яхши томонлари ҳам кўп. Шулардан бири бу ҳужум чизиғининг исталган нуқтасида ўйнай олишидир. "Ювентус" яхши таклиф учун уни сотиб юборишга қарши бўлмайди.
Нико Уильямс – "Атлетик"
Трансферлар ойнаси миш-мишлар тахтасидан жой олиб турган яна бир ном бу Нико Уильямсдир. Испания терма жамоаси аъзоси "Атлетик Билбао"нинг энг кўзга кўринган юлдузларидан бири саналади. У январда кўплаб клублар томонидан сотиб олиниши мумкин бўлган ном сифатида эътироф этилган. Бу борада "Барселона"ни жиддий даъвогар сифатида кӯрсатиш мумкин. Уильямс ҳар икки қанотда ўйнаш билан бирга плеймейкерлик қобилиятларини ҳам яхши эгаллаган. Уни Олисе ва Нетунинг қўшилмаси дейиш мумкин. Яъни ҳар икки футболчидаги қобилиятни Уильямс ўзида жо қила олган. Аммо унда АПЛ тажрибаси мавжуд эмас. Шунга қарамай, "МЮ" унга эътибор қаратса бўлади. Негаки, Уильямс хариди келажакка қилинган муваффақиятли сармоя бўлади.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
