Ўзбекистон ва Гонконг терма жамоалари ўртасидаги Осиё кубоги-2015 саралаш баҳсидан кейинги матбуот анжуманининг иккинчи қисмида мезбонлар бош мураббийи Миржалол Қосимов иштирок этди.
— Бу жамоамизни ютишимиз шарт эди. Дуранг ўйнаганимизга ўзимиз айбдормиз. Биринчи бўлимда жуда кўп хатоларга йўл қўйдик. Шунга қарамай, вазиятлар яратдик, аммо улардан фойдалана олмадик. Биринчи бўлимда тезкор гол урганимизда ҳаммаси жойига тушарди. Йигитларга эътирозим йўқ. Бу ўйин хатоларимизни кўриб чиқишга, ўйинимизни таҳлил қилишга ёрдам беради.
— Терма жамоаларимиз февраль ойида ижобий натижа қайд этишга қийналишади. Бу муаммодан қачон фориғ бўлишимиз мумкин?
— "Куз-баҳор" тизимига ўтсак, балки февраль ойларида ҳам яхшироқ ўйнар олармиз. Лекин ҳозирги кунда футболчиларимизнинг ҳолати шундан иборат.
— Ўйиндан кейин жамоанинг кийиниш хонасига ЎФФ президенти Мираброр Усмонов кириб кетаётганини кўрдик. У киши жамоага нималарни таъкидлади?
— Мираброр Зуфарович, бугунги ўйинда ёмон ҳаракат қилмаганимиз таъкидлаб, футболда гол урмасдан ютиб бўлмаслигини айтиб ўтди. 22 ва 26 март кунги ўйинларга яхшироқ тайёргарлик кўриш кераклигини айтиб, навбатдаги ўйинда омад тилади.
— Бугунги ўйинда қайд этилган дуранг натижа БАА қарши кечадиган кейинги ўйин режасига таъсир кўрсатмайдими?
— Бугун дуранг ўйнаш ниятимиз йўқ эди. Чиройли ўйин кўрсатиб, мухлисларга ғалаба тортиқ қилмоқчи эдик. Осиё кубоги-2015 саралаш ўйинлари бизга фойдали эканини аввал ҳам айтиб ўтгандим. Ўз режамиз асосида ишлашда давом этамиз. Бугунги дуранг ҳам БАА қарши ўйин режасини ўзгартирмайди. Бирибир асосий эътибор Ливанга қарши ўйинга қаратилаверади.
— Бугунги натижага футболчилардаги рақибни менсимаслик ёки хотиржамлик халал бермадими?
— Йўқ, бунақа деб ўйламайман. Бу ҳақда йигитлар билан гаплашдик. Агар хотиржамликка берилганимизда юриб футбол ўйнаган бўлардик. Бу ўйинни фойдали деб айтиб ўтдим. Бугунги ўйин бизнинг ҳозирги ҳолатимизни кўрсатади. Масалан, Жепаровда ўйин амалиёти йўқлиги учун ҳам уни ўйинга қўйдим. Ливан билан ўйин масъулиятини жуда яхши тушуниб турибмиз. Футболчилар, легионерлар ўз клублари сафида ўйин амалиётига эга бўлиб боришса, навбатдаги ўйинда яхши формада келишади. Насиб қилса, бугунги ўйинда ура олмаган голларимизни Ливан дарвозасига урамиз.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
