Раду Дрэгушин қишки трансфер ойнасининг асосий қаҳрамонларидан бири бўлди. Ёш ҳимоячи “Женоа”да ўзини яхши кўрсатди ва мавсум ўрталаридаёқ юқори мавқега кўтарилди. "Бавария" 21 ёшли марказий ҳимоячи учун жиддий курашди, бироқ у "Тоттенхэм"ни танлади, чунки лондонликлар у билан аввалроқ келишувга эришган эди. Трансфер суммаси 25 миллион еврони ташкил қилди. Келинг, руминиялик Ван Дейк деб аталган футболчи билан танишамиз.
Дрэгушин спортчилар оиласида туғилган. Унинг отаси профессионал волейболчи, онаси эса баскетболчи эди. Бироқ, бола бошқа спорт турига қизиқиб қолди. Амакиваччаси уни футбол билан таништиргандан сўнг, Раду маҳаллий “Спортул” жамоасига қўшилди ва кейин "Атлетико Мадрид" билан яқин алоқада бўлган истеъдодлар маркази “Регал Спорт” Бухарестга кўчиб ўтди. Бироқ, "матрасчилар" бу алоқани ўз манфаати учун ишлата олмадилар ёки хоҳламадилар.
2018 йилда Дрэгушинни "Ювентус" сотиб олди. Уни қўлга киритишга "Челси" ва "ПСЖ" ҳам қизиқиш билдиришган, аммо Руминия U-16 терма жамоаси сардори учун 250 минг евро тўлаган "бянконери"лар тез ишга киришган эди. Туринда Раду 17 ёшгача бўлган жамоадан бошлаб аста-секин ёш гуруҳлари бўйича юқорига кўтарилди. 2020 йилнинг ноябрь ойида у "Лацио"га қарши ўйин учун асосий жамоага чақирилган. Ёш ҳимоячи ўшанда майдонга тушмаган бўлса-да, бир ой ўтиб Чемпионлар лигаси доирасида Киевнинг "Динамо"сига қарши ўйиннинг иккинчи бўлимида дебют қилишга муваффақ бўлди.
2020/21 йилги мавсум давом этар экан, Дрэгушин U-23 жамоаси билан ривожланишда давом этди ва ёзда янги тўрт йиллик шартнома олишдан олдин Италия Кубогидаги илк асосий таркибдаги ўйин билан тақдирланди. Ўшанда “РБ Лейпциг” ҳам руминиялик футболчига фойдали таклиф билан чиққан, бироқ у немисларни рад этиб, “Ювентус”да қолиб, таркибдан жой учун курашишга қарор қилганди.
Бироқ, шундан кейин унинг фаолияти бироз пастлади. Ҳимоячи "Сампдория" ва "Салернитана"да ижара вақтида яхши ўйнай олмади.
2022 йилнинг ёзида Дрэгушин сотиб олиш мажбуриятини ўз ичига олган ижара асосида Б Серияга Генуяга кўчиб ўтди, Андреа Камбиасо шартноманинг бир қисми сифатида қарама-қарши йўналишда ҳаракат қилди. Бу ривожланишнинг ўша босқичида Радуга керак бўлган нарса бўлиб чиқди. Ажабланарлиси шундаки, у бутун мавсумда бор-йўғи 45 дақиқани ўтказиб юборди ва бу унга Б Серия ҳимоячилари орасида энг яхши иккинчи ўйин вақтини қайд этишга ёрдам берди, шунингдек, 4 та гол урди.
Жуда яхши клуб формаси Дрэгушинга Руминия терма жамоасининг асосий таркибидан жой олиш имконини берди. У терма жамоанинг Евро-2024 саралаш босқичидаги 10та ўйинининг ҳар бирида майдонга тушган. Руминияликлар ҳеч қачон мағлуб бўлишмади, ўз дарвозаларидан атиги 5 та гол ўтказиб юборишди, Раду эса бундай ажойиб ўйинни қўлга киритишда муҳим рол ўйнади. Дрэгушин клуб даражасида “Женоа”га А Серияга қайтишга ва олий дивизионда яхши натижаларга эришишга ёрдам берди. Ҳозирда “гриффинлар” Италия чемпионати турнир жадвалида 12-ўринда бормоқда.
Жорий мавсумда Дрэгушин "Женоа" учун яхши ўйин кўрсатишда давом этди. Руминиялик рақиблар дарвозасига хавф туғдиришда давом этиб, 2 та гол урди. У шулардан бирини “Интер”га уриб, ҳисобни тенглаштирди ва Скудеттога давогарнинг жамоасини мағлуб этишига тўсқинлик қилди. Футболчининг тез ўсишининг калити, ўз сўзлари билан айтганда, мураббий Алберто Жилардино билан мустаҳкам муносабатлар эди.
Дрэгушиннинг энг яхши фазилати - ҳавода ўйнаш қобилияти. У “Женоа”дан кетганида, А Сериянинг жорий мавсумида фақат бир футболчи кўпроқ ҳаво дуелларида ғалаба қозонган эди. Футболчининг жисмоний ҳолати талабчан лигага мос кўринади.
"Тоттенхэм" мунтазам равишда Премьер-лига ўйинларида тўпнинг 60% дан кўпроғига эгалик қилади. “Шпорлар” тизими марказий ҳимоячиларнинг ҳужумлар қуришда фаол иштирок этишини билдиради. "Тоттенхэм" юқори ҳимоя чизиғи билан ўйнагани учун улар ўйинни мукаммал ўқишлари керак бўлади.
2020 йилда Дрэгушин "ЮвентусТВ" га ўзининг севимли ҳимоячилари ҳақида гапирди. У Леонардо Бонуччи ва Жоржио Кьеллинини ҳақида гапирди, лекин тез орада у билан таққосланган Виржил ван Дейкни ҳам таъкидлади. Улар ҳақиқатан ҳам ўхшашми? Ҳар иккиси ҳам ҳавода зўр ва рақибларини жисмоний куч билан қўрқитади, аммо руминиялик футболчи фаолиятининг бошида нидерландияликнинг техник қобилиятига эга эмас. Шунингдек, уни Премьер-лигада муҳим из қолдирган яна бир футболчи билан солиштиришди: Неманя Видич. Сербиялик каби Раду ҳам ҳимоянинг ишончлилигига эътибор қаратадиган классик ҳимоячи.
Қишда Дрэгушинга "Тоттенхэм", "Бавария" ва "Манчестер Юнайтед" клублари қизиқиш билдиришди, бироқ жамоанинг ёшлиги ва унинг истиқболларини инобатга олган ҳолда "шпорлар" унга энг мос вариант бўлиб туюлди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
