Адмир Адрович «Бунёдкор» кўригида
“Бунёдкор”нинг Анталиядаги машғулотларида черногориялик ҳужумчи Адмир Адрович пайдо бўлди.
Айни пайтда Черногория чемпионатида биринчи давра учрашувлари якунига етган. Турнир жадвали пешқадамларидан бири – “Будучност” клуби ҳамда чемпионатнинг энг яхши тўпурари бўлиб турган Адмир Адрович “Бунёдкор” жамоаси кўригидан ўтмоқда.
Ҳужумчи ушбу мавсумда (2012-2013) 16та учрашувда майдонга тушиб, 10та гол уришга муваффақ бўлди. Таъкидлаб ўтиш жоизки, Адрович Черногория чемпионатининг 2011-2012 йиллардаги мавсум якунига кўра 22та голи билан энг яхши тўпурар номини қўлга киритган.
1988 йилда туғилган ҳужумчи она шаҳрининг “Бране” клуби сафида уч йил тўп тепди. Кейин яна уч мавсум “Сутьеска” клуби шарафини ҳимоя қилди. Шундан сўнг 2010-2010 йилда у Албания чемпионатига йўл олди ва “Влазния” жамоасида ўйнай бошлади. Бу клуб сафида омади чопмаган ҳужумчи кейинги фаолиятини Эроннинг “Дамаш” жамоаси билан боғлади. Лекин Адрович қитъамизда ҳам кўп вақт ушланиб қолмади. Унга Черногориянинг энг машҳур клуби – “Будучност”дан таклиф тушди. Черногорияга қайтган Адмир янги жамоаси сафидаги биринчи мавсумидаёқ 22та гол урди ва чемпионатнинг энг яхши тўпурари бўлди. Шунингдек, “Будучност” билан Черногория чемпионига айланди. Унинг бу мавсумдаги ишлари ҳам аъло даражада кетмоқда. Унинг клуби пешқадам “Сутьеска”дан атиги бир очко ортда қолиб иккинчи ўринда бораётган бўлса, 10та голга муаллифлик қилган Адрович тўпурарлар рўйҳатини бошқариб турибди.
Адмир Адрович “Бунёдкор” ва Қарағанданинг “Шахтёр” жамоалари ўртасида Анталияда бўлиб ўтган назорат учрашувида “қалдирғочлар” сафида бир бўлим ҳаракат қилишга ҳам улгурди. Айтиш жоизки, футболчининг ҳатти-ҳаракатлари “Бунёдкор” мураббийларини қониқтирса у жамоамизда қолади.
БИЗНИНГ МАЪЛУМОТ
Тўлиқ исми: Адмир Адрович
Туғилган санаси: 08.05.1988
Туғилган жойи: Беране шаҳри
Фуқаролиги: Черногория
Бўйи: 184 см
Вазни: 78 кг
Амплуаси: Марказий ҳужумчи
Ўйнаган жамоалари:
2004-2007 “Беране” (Черногория) – ? (?)
2007-2010 “Сутьеска” (Черногория) – ? (?)
2010 “Влазния” (Албания) – ? (?)
2010-2011 “Дамаш” (Эрон) – ? (?)
2011-... “Бунучност” (Черногория) – 48 (32)
Манба: www.fcbunyodkor.com
Киритилди: 22:23, 10.02.2013. Ўқилди: 6050 марта. Фикрлар: 7 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
