Жаҳон чемпиони узоқ вақтдан бери ўзининг болалик орзуси "қаймоқранглилар" таркибида ўйнашни амалга ошириш ниятида бўлган. Бу 2024 йилнинг ёзида амалга ошади шекилли. Орзу пулдан қимматроқ.
Килиан Мбаппе 2018 йилнинг 1 июлида, Россиядаги жаҳон чемпионатида ғалаба қозонишидан икки ҳафта олдин “ПСЖ” футболчисига айланди. “Монако”дан Франциянинг сўнгги йиллардаги асосий жамоасига ўтиш “ПСЖ” раҳбарларига 180 миллион еврога тушди. Бу тарихдаги иккинчи натижа (энг қиммат трансферлар рўйхатини Неймарнинг "Барселона"дан "ПСЖ"га 222 миллион еврога ўтгани бошқариб турибди). Кўриниб турибдики, шайхлар Мбаппе, Неймар ва бироз кечроқ ўзларига қўшилган Мессидан совринларни кутишган. Бироқ, улар фақат Франция ичидаги ҳамма нарсани олишга муваффақ бўлишди. Замонамизнинг энг юлдуз футболчилари биргаликда жаҳон ёки Европа кубогини қўлга киритмаган.
“ПСЖ” зарар кўрмоқда
2023 йилнинг августида Неймар “Ал-Ҳилол”га 90 миллион еврога сотилган эди. “ПСЖ”нинг зарари 132 миллион еврони ташкил қилди. Мбаппенинг ҳозирги трансфер нархи 180 миллион евро. Агар у шу суммага сотилса, Париж клуби олти йил аввал футболчига қўйган сармоясини қоплаган бўларди. Бироқ Килиан “Реал”га эркин агент сифатида кетади. "Реал Мадрид" президенти Флорентино Перес четда бўлса-да, франциялик футболчи ёзда жамоага қўшилиши ҳақида аллақачон маълум қилганди.
Дунёнинг энг бой футболчиси
Килиан Мбаппе 2022 йил охирида дунёнинг энг бой футболчисига айланди. Ўшанда у Месси ва Криштиану Роналдуни ортда қолдирган биринчи шахс бўлганди. Нуфузли Форбес журнали французнинг даромадини 120 миллион еврога баҳолаган. Шундан 102 миллион доллари маош, 18 миллион евроси ҳомийлар билан тузилган шартномалардир. Таққослаш учун, 2019 йилда Мбаппе йилига 28 миллион евро ишлаб топган.
Шайхлар шайхларни қутқариб қолишлари мумкин эди
Бироқ 120 миллион евро бу чегара эмас. Ўтган ёзда Саудия шайхлари пулининг миқдори чекланмаганини кўрсатди. Бу ёзда ҳам ҳисоб-китоб қилишлари даргумон. Аммо 2023 йилда “Ал-Ҳилол” Лионел Мессини қўлга киритишдаги муваффақиятсиз уринишларидан сўнг, Килиан Мбаппени ўз сафига тортиш учун бор кучини сарфлади. 25 ёшли форварднинг трансфери учун “Ал-Ҳилол” раҳбарлари “ПСЖ”га 300 миллион евро, футболчининг ўзига эса бир йиллик маош сифатида 700 миллион евро таклиф қилишган. Таклиф ҳамма учун фойдали бўлар эди. Париж клуби пул топиши, Мбаппе хотиржамлик билан Париж лагерини тарк этиб, бир йилдан сўнг "Реал Мадрид"га ўтиши, Саудия Арабистони эса бир қанча рекордларни ўрнатиб, бутун футболни ўзига жалб қила олган бўлар эди. Мбаппе у учун пул асосий эмаслигини айтиб, футболни танлади. Бир йил ичида у формасини йўқотиб қўйиши ва "Реал Мадрид"га ўтишга мос келмаслиги мумкин эди.
Орзу
"Реал"га ўтиш учун Килиан Мбаппе маошини камайтиришга рози бўлди. Дастлаб франциялик футболчи “Лос-Бланкос” раҳбарларидан йилига 50 миллион евро сўраган. Аммо "Реал"нинг энг кўп маош олувчи футболчиси Тони Кроос ҳар мавсумда 24,3 миллион евро олади. Мадрид клуби раҳбарияти футболчиларнинг маошидаги 2 баравардан ортиқ фарқга қарши.
Эътибор беринг, "ПСЖ" уни сақлаб қолиш учун Мбаппенинг маошини солиқлардан кейин йилига 100 миллион еврогача оширишга тайёр эди. Турли манбаларга кўра, Килиан "Реал"да 3 баравар кам (йилига 26 миллион евро) маош олади, бироқ 130 миллион евролик "имзо бонуси" олади. Яна бир хусусият мавжуд, тасвир ҳуқуқлари. "Реал Мадрид"да улар футболчи ва клублар ўртасида 50/50 бўлинган. Перес Мбаппега имиж даромадининг 65 фоизини беришга тайёр.
Орзу орзулигини қилди. Айниқса, агар у болаликдан бўлса. Мбаппе ушбу мавсумда Саудия Арабистонида 700 миллион евро ишлаб олиши мумкин эди. У “ПСЖ”да қолиши, содиқлик учун бонус (тахминан 80 миллион евро) олиши ва йилига соф 100 миллион евро ишлаши нақд эди. Аммо 25 ёшли футболчи ўз сўзида турди. У учун пул муҳим эмас. У "Реал"да ўйнашни хоҳлайди ва ишончи комилки, у буни амалга оширади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
