Испания кубогининг ярим финали жавоб учрашувида «Реал» Каталонияда «Барселона» меҳмони бўлиб ишончли ғалабани қўлга киритди.
Учрашувнинг дастлабки қисми сўнгги ўйинлардан фарқ қилган ҳолда «Барселона»нинг устунлиги билан бошланди. Жамоаларнинг сўнгги тўқнашувларига эътибор қаратадиган бўлсак, Моуриньонинг «Реал»и кўпроқ дастлабки дақиқаданоқ рақиб жарима майдонида босим уюштиришга ҳаракат қиларди. Бироқ бу сафар «Барса» ўйинни фаол бошлади. Бунинг натижасида ўйиннинг бошидаёқ ҳисобни очиши мумкин эди. Бироқ Мессининг зарбаси сал ноаниқ кўриниш олди.
«Реал» эса асосий эътиборини қарши ҳужумларга қаратаётганди ва айнан шундай ҳужумларнинг бирида Роналду Пике билан жарима майдонида ёлғиз ҳолатда қолиб кетди. Пике бу вазиятда техник хатога йўл қўйди ва Роналдуни чалиб йиқитди. Пенальти. Пенальтини эса Роналдунинг ўзи аниқ амалга оширди.
Айнан мана шу гол ўйин тизгинини бутунлай ўзгартириб «Барселона» гол уриш учун олдинга ташланарди. «Реал» эса энг хавфли қуроли саналган қарши ҳужумларда рақибни жазолашга уринарди. Биринчи бўлимда бошқа гол киритилмади.
Иккинчи бўлим ҳам биринчи бўлимнинг иккинчи қисми сценарийси асосида кечди. «Барселона» ҳимояланаётган «Реал» дарвозаси олдида нажот излаган бўлса, «Реал» ҳар бир қарши ҳужумини хавфли вазият билан якунларди. Айнан шундай қарши ҳужумларнинг бирида ҳисоб йириклашди. «Барселона»нинг навбатдаги ҳужумларидан бирини бартараф этган Сами Хедира тўпни олисга тепиб юборди. Бу тўп Ди Марияга келиб тушди. Пуйол билан битта ўзи майдон марказидаг жарима майдонига қадар етиб келган футболчи бир ҳаракат билан Пуйолни хато қилишга мажбур қилди, зарба берди. Пинто зарбани бартараф этганди. Бироқ тўпга биринчи бўлиб етиб келган Роналда бу вазиятда деярли бўш турган дарвозани осонлик билан ишғол қилди.
Иккинчи голни ўтказиб юборгач, энди «Барселона» ҳужумлари ҳам камайиб қолди. Шундоғам рақиб ҳимоясини ёриб киришга қийналаётган жамоа рақиб жарима майдонида деярли ҳеч нарса қила олмасди. Қайтанга «Реал» навбатдаги ҳужумларининг бирида ҳисобдаги фарқни янада йирик кўринишга олиб келди. Биринчи ўйинда қаҳрамон бўлган Рафаэл Варан бурчакдн ошириб берилган тўпни баланд сакраган ҳолда боши билан рақиб дарвозасига жойлаб қўйди — 0:3.
Анчадан буён «Барселона» бу ҳисобда «Реал»дан ютқазмаётганди. Натижада жамоада янада тушкун ҳолат кузатилиб кетма-кет қарши ҳужумлар ўтказиб юборилди. Бироқ «Реал» бошқа бу имкониятлардан фойдалана олмади. Учрашувнинг асосий вақти тугаб бораётган бир пайтда Хорди Альба Иньеста томонидан етказиб берилган тўпни голга айлантирди. «Барселона»нинг ўйин сўнггидаги чиройли комбинацияси жамоани йирик ҳисобдаги ғалабадан қутқариб қолди ҳолос.
Натижада «Реал» икки ўйин ҳисоб-китобига кўра финал йўлланмасини қўлга киритди. Иккинчи финалчи номи эртага маълум бўлади.
Испания кубоги
1/2 финал
Жавоб учрашуви
БАРСЕЛОНА – РЕАЛ 1:3 (0:1)
Голлар: Альба (89) — Роналду (13, пенальти, 57), Варан (68), .
Барселона: Хосе Пинто, Дани Алвес, Пуйоль, Пике, Альба, Фабрегас (Вилья, 59), Бускетс, Хави (Алькантара, 74), Иньеста, Педро (Тельо, 71), Месси.
Реал Мадрид: Диего Лопес, Арбелоа, Рамос, Варан, Коэнтрау, Алонсо (Эссьен, 84), Хедира, Ўзил (Пепе, 78), Ди Мария, Игуаин (Кальехон, 71), Роналду.
Огоҳлантиришлар: Пике (13), Арбелоа (38), Пуйоль (41).
Дастлабки учрашув – 1:1
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
