Кеча Бухоро шаҳридаги "Buxoro Palace" меҳмонхонасида "Бухоро" футбол клуби мухлислар билан учрашди. Ушбу учрашувда "Бухоро" жамоаси футболчилари, раҳбарият, ҳомийлар ва кўп сонли мухлислар ташриф буюришди.
Ушбу учрашувдан мақсад жамоага келиб қўшилган янги футболчиларни мухлисларга таништириш, мухлисларнинг муаммоларини ечиш, мухлислар ва ОАВ саволларига жавоб қайтариш эди.
Дастлаб сўзга жамоа бош мураббийи Тачмурод Агамуродов чикди. У ўз нутқида асосан мавсумга тайёргарлик босқичи қай тарзда ўтказилгани, жамоа нечоғлик мавсумга тайёр эканлиги, бу йил жамоа олдида қўйилган мақсади ҳақида батафсил гапириб ўтди.
"Жамоа олдида қўйилган мақсад — ўтган йилги натижани яхшилаш, мухлисларга ёқадиган ўйин намойиш этиш. Мен ҳаётда максималистман, мен учун жамоа олдида қўйилган мақсад нисбий тушунча. Мен ўзимга ва шогирдларимга доим максимал натижага эришишни уқтираман", деб чиқишини якунлади Тачмурод Агамуродов.
Шундан сунг савол бериш навбати мухлисларга етди. Мухлислар кўплаб саволларни беришди, жумладан, бир мухлис "Бухоро" жамоасининг уй учрашувлари қаерда ўтказилиши ҳақида савол берди.
Ушбу саволга яна Агамуродов жавоб берар экан: "Ҳозирда Бухорода универсиада муносабати билан марказий стадион таъмирланмоқда. Ҳозир бизда вариантлар кўп. Биз уй ўйинларини Муборакда ўтказишимиз мумкин, лекин биз биринчи давра ўйинларининг барчасини сафарда ўтказиб, иккинчи даврани уйда қабул килмокчи эдик. Бунга куп жамоалар рози бўлишди, ПФЛ ҳам рози, фақатгина "Сўғдиёна" ва "Қизилқум" бунга рози бўлишмади. Бизга энг асосийси сифатли майдон керак, шунинг учун бу икки жамоа билан "Пахтакор" стадионида ўйнашимиз ҳам мумкин. Мухлисларимиз учун ушбу ўйинлар трансляцияси ҳақида "Спорт" канали билан келишиб оламиз. Хуллас, вариантлар кўп, лекин барчасини раҳбарият ҳал қилади. Бу ҳам яқин кунларда аниқ бўлади", деб жавоб берди Агамуродов.
Трансляция мавзуси очилгани билан мухлисларда яна саволлар пайдо бўла бошлади, жумладан, Бухоро шаҳрида 3-4 та телевидения бўлишига қарамай уй учрашувлари ТВда трансляция қилинмаслиги ва ТВ ходимлари учрашувга ташриф буюришмаслиги ҳақида бўлди.
Бу саволга жамоа раҳбарияти жавоб берди ва ҳозирда бу масалада жиддий ислоҳотлар бошланганлиги ва бундан кейин барча уй учрашувлар тўлиқлигича Бухоро телевиденияси каналларида намойиш этилишини таъкидлаб ўтишди.
Шундан сунг жамоага келиб қўшилган янги ўйинчилар — Алишер Азизов, Алишер Маҳмудов, Отабек Валижонов ва Ботир Носиров мухлисларга таништирилди.
Шу билан бу учрашув якунланди.
"Бухоро" матбуот котиби Азиз Салихов
Матнда хатолик топсангиз, ўша хатони белгилаб, бизга жўнатинг (Ctrl + Enter).
Олимпик
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
