"Манчестер Сити" ва "Реал Мадрид" мухлислари Чемпионлар лигаси қуръа ташлаш маросими натижаларини билишганида қандай кайфиятда бўлганини тасаввур қила оласизми? Бу жамоаларнинг чорак финалдаёқ ўйнаши баъзилар учун катта адолатсизликдир. Аввалига “Интер” 1/8 финалда чиқиб кетган бўлса, энди “Сити” ёки “Реал” 1/4 финалда мусобақани якунланиши кафолатланган. Ҳозир шу клубларни Европанинг энг кучли учта жамоаси деб ўйласак, кўпчилик қарши чиқмайди, деган умиддамиз.
Буни Пеп Гвардиола учун бумеранг деб аташ мумкинми? Негаки, ўтган йилги Чемпионлар лигасида ғалаба қозонганини ҳисобга олмаганда, "шаҳарликлар" дастлабки икки босқичда анча осон рақибларга дуч келди. ПСВ, “Спортинг”, “Атлетико”, “Лион” эсингиздами? Бу мавсум - 1/8 финалда “Копенгаген”.
2020 йилдан бери бу рақиблар плей-оффда тўртинчи марта ўзаро тўқнаш келади. "Сити" икки марта устун келди, жумладан ўтган йили ярим финалда Мадридни 4:0 ҳисобида мағлуб этганди. Аммо бу сафар бундай устунлик бўлмайди. "Реал Мадрид" бу мавсумда жуда яхши ўйин кўрсатяпти. Улар лигада "Жирона"ни биринчи ўриндан чиқариб юборди ва иккита совринни кўзламоқда.
“Манчестер Сити” раҳбариятининг бундай қуръага муносабати қизиқ бўлди. Спорт директори содир бўлаётган воқеаларни танқид қилди. Клуб олдиндан ваҳимага туша бошлаганга ўхшайди ва испаниялик топ жамоа билан учрашишдан қўрқаётгандай таассурот уйғотди.
“Чемпионлар лигаси қуръа ташлаш маросимидаги бу тўплардан чарчадим. Ҳар доим бир хил натижалар. Бу ўтган йилги каби қуръа бўлди. Фақат “Ливерпуль” “Арсенал”га алмаштирилди. Чемпионлар лигаси – “Реал Мадрид”нинг турнири. Улар лигада ёмон ўйнашлари мумкин, аммо тарихан улар Чемпионлар лигасида яхши натижа кўрсатишади”, деди “Сити” директори.
Бу жуфтлик ғолиби ярим финалда "Арсенал" ёки "Бавария"га қарши ўйнайди. Эҳтимол, шунинг учун Чики шундай муносабатда бўлгандир? Клуб учун йўл жуда қийин. Шу билан бирга, омадлироқ кўринадиган жуфтликлар ҳам бор. Йўлнинг бошқа томонида "Атлетико Мадрид" - "Боруссия" ва "ПСЖ" - "Барселона". Рақиблар имкон қадар тенг ва ҳамма финалга чиқишлари мумкинлигига ишонч ҳосил қилиши мумкин.
Симоне Индзаги бунга қандай муносабатда бўлишини тасаввур қилинг, ахир унинг "Интер"и "Атлетико" ўрнида бўлиши мумкин эди. Айтганча, якунда Диего Симеоне жамоаси ҳал қилувчи баҳсга йўл олиши асло истисно эмас ва у "Реал"га ютқазади. Одатда шундай бўлиб келган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
