Олий лиганинг дастлабки 2та турида ғалаба нашидасини сурган "Металлург" клуби бугун ўз майдонида очко йўқотди. Бекободга сафар уюштирган "Динамо" 1 очко билан қайтадиган бўлди. Ўйинда ҳисоб очилмади.
Таъкидлаш лозим, "Динамо" майдон эгаларининг ҳужумларига нисбатан яхши ҳимояланди. Биринчи бўлим ўрталарида Руслан Вагапов самарқандликлар дарвозабони билан бирга-бир вазиятга чиқиб, имкониятдан фойдалана олмади.
Иккинчи бўлимда "Динамо" яхши ҳимояланиш билан бирга қарши ҳужумларда мезбонлар дарвозаси сари хавф солиб турди. Бунда самарқандликларнинг украиналик ҳужумчиси Киликевич фаол ҳаракат қилди.
Ўйин тугашига яқин "Металлург" рақиб дарвозаси олдида босимни кучайтирди, аммо уларга вақт етмади. Бекободликлар ўйин бошидан ана шундай ҳужумни ташкил этишганида ғалаба қозонган бўлардилар. Улар "Динамо" осон мағлуб этамиз, деб ўйлашди чоғи.
ОЛИЙ ЛИГА-2013. 3-ТУР
"МЕТАЛЛУРГ" - "ДИНАМО" - 0:0
"Металлург": Маъмур Икромов, Одил Исабоев, Дилмурод Каримов, Дониёр Одилов, Суннатилла Мамадалиев, Шуҳрат Йўлдошев, Александр Ковалёв (Саидкомил Акбаров 55), Даврон Каримқулов, Руслан Вагапов (Шоҳназар Норбеков 60), Мирғиёс Сулаймонов (Ҳикмат Ҳошимов 88), Сардор Расулов
"Динамо": Игорь Михайлов, Аҳрол Рисқуллаев, Акмал Бозоров, Владимир Киликевич, Тўлқин Мирзаев (Юнус Суюнов 89), Александр Клецков, Акмал Холмуродов, Сирожиддин Сайфиев, Азамат Бобожонов (Абдулла Набиев 65), Темур Дадашев, Нодир Санақулов (Максим Колядин 81)
Ҳакамлар: Б.Намозов (Тошкент), Ф.Ҳасанов (Наманган), В.Лушин (Гулистон), Ш.Хакимов (Андижон).
Назоратчи: Ғ.Каримов (Тошкент).
Матнда хатолик топсангиз, ўша хатони белгилаб, бизга жўнатинг (Ctrl + Enter).