Сўнгги пайтларда кўпчилик мутахассислар "Бухоро" жамоасини асосан ҳимоявий ўйин кўрсатиб, қарши ҳужумларда яхши ҳаракат қилиши ҳақида таъкидлашаётган эди. "Насаф"га қарши ўйиннинг ҳам бухороликлар эътиборни ҳимояга қаратишди. Бердиев шогирдлари эса ҳужумкорликка эътибор қаратишди.
Мезбонлар ҳисобни стандартдан сўнг очишди. Алишер Юсупов жарима зарбасини аниқ дарвозага йўллай олди. Орадан кўп ўтмасдан Илҳом Шомуродов бош билан дарвозани ишғол қилиб, ҳисобни 2:0га етказди.
Иккинчи бўлимда ҳам қаршиликлар ҳужумкорликни сусайтирмаган бўлсалар-да, меҳмонлар ҳам ҳужумга ўта бошлашди. 59-дақиқада Артур Геворкяннинг чап қанотдан узатиб берган тўпини Шоҳруҳ Гадоев яқин масофадан дарвозага йўллади. Бироқ Ўзбекистон терма жамоасига номзод дарвозабон Сардор Қабулжонов тўпни қайтаришга муваффақ бўлди. 67-дақиқада эса захирадан майдонга тушган Воҳид Шодиев бош билан дарвозага тўпни йўллаб, ҳисобни қисқартирди.
81-дақиқада "Бухоро" посбони Сардор Қобулжоновга қизил карточка кўрсатилди. Бу пайтга келиб бухороликлар учта футболчини алиштириб бўлишгани боис, дарвозани ҳимояси Квесиешвили эгаллашга мажбур бўлди. Бундан эса майдон эгалари ўйиннинг сўнгги дақиқаларида унумли фойдаланишди. Алишер Юсупов яна узоқ масофадан дарвозани аниқ нишонга олди — 3:1.
ОЛИЙ ЛИГА-2013. 3-ТУР
"НАСАФ" - "БУХОРО" - 3:1 (2:0)
Голлар: Алишер Юсупов (13, 89), Илҳом Шомуродов (20) — Воҳид Шодиев (67)
Огоҳлантиришлар: Илҳом Юнусов (24) — Алексей Николаев (21), Алишер Маҳмудов (75)
Четлатиш: Сардор Қобулжонов (81)
"Насаф": Элдорбек Суюнов, Мақсуд Каримов, Ботир Қораев, Илҳом Шомуродов, Зоҳид Абдуллаев (Суҳроб Неъматов 63), Алишер Юсупов, Артур Геворкян (с), Эркин Бойдуллаев, Шоҳрух Гадоев, Илҳом Юнусов, Одил Ҳамробеков.
"Бухоро": Сардор Қобулжонов, Наоя Шибамура, Девид Ония, Георги Квесишвили, Алексей Николаев, Алишер Маҳмудов, Алишер Саноев (Воҳид Шодиев 46), Отабек Валижонов (Жамшид Ҳасанов 63, Алишер Азизов 71), Отабек Нарзуллаев, Баҳриддин Ваҳобов, Асқар Муҳиддинов.
Ҳакамлар: В.Коваленко (Тошкент), Р.Ильясов (Тошкент), М.Саидқосимов (Тошкент), А.Чориев (Термиз).
Назоратчи: И.Мустафин (Тошкент).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
