Ўзбекистон ва Ливан терма жамоалари ўртасидаги ўйиндан кейинги матбуот анжуманида дастлаб меҳмонларнинг германиялик бош мураббийи Тео Бюкер иштирок этди.
— Бугунги мағлубиятга жисмоний тайёргарликнинг пастлиги сабаб бўлдими?
— Жисмоний тайёргарликнинг сустлиги миллий чемпионат билан боғлиқ. Чемпионатда 4-5та терма жамоадан бошқа жамоалар рақобат кўрсата олишмайди. Айнан шунинг учун, биз гарчи яхши ўйнашга ҳаракат қилган бўлсак-да, Ўзбекистон биздан яхшироқ ўйнади.
— Ўзбекистон ва Корея жамоаларини таққослаганда, қайси жамоани гуруҳда 1-ўринни олиш учун муносиб деб ҳисоблайсиз?
— Бу жамоаларни таққосламаган бўлардим. Биласизми, ушбу гуруҳда 3та жамоа ўртасида кураш кечади. Бу — Корея, Ўзбекистон ва Эрон. Қатар ва би пастроқ даражада бўлсак керак. ЮҚоридаги 3та жамоа ўртасида ЖЧ йўлланмаси учун кураш кечади. Ливандаги ўйинда Ўзбекистон билан дуранг ўйнагандик, бугун эса кичик ҳисобда ютқаздик. Ўйинимизда ўсиш бор деб ҳисоблайман.
— Ўзбекистоннинг биринчи бўлимдаги ўйини ҳақида нима дея оласиз?
— Аслида бизнинг биринчи бўлимда жисмоний тйёргарлигимизни мувозанатда ушлаб турдик, ортиқча куч сарфламасликка ҳаракат қилдик ва Ўзбекистон билан тенгма-тенг ўйнашга ҳаракат қилдик. Иккинчи бўлимда Ўзбекистон тезликни ва босимни оширганидан кейин биз жисмоний жиҳатдан чарчай бошладик. Натижада ушбу ўйинга Ўзбекистон жиддий тайёргарлик кўргани кўзга ташланди. Биз Тошкентга келганимиздан кейин тикланишга вақт кам бўлди. Қайсидир футболчи кам ухлади, камроқ дам олди. Бу ҳолат ҳам бизнинг ўйинимизга таъсир кўрсатди, деб ўйлайман.
— Гол ўтказиб юборганингиздан кейин бироз вақт футболчиларингиз олдинги интилишдию, аммо кейинчалик буни эплай олишмади. Кўпроқ орқада ўйнашди. Нима учун футболчиларингиз таваккал қилиб олдинга интилишмади?
— Ўзбекистон терма жамоаси сафида футболчининг захирадан тушиши натижасида бу ҳолат юзага келди. Ҳар бир жамоа рақиб имкон бергани даражасида ўйнайди. Футболда ҳеч нарсани олдиндан режалаштириб бўлмайди. Биз атайлаб ҳимояга ўтиб олмадик. Буни бизга рақиб мажбур қилди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
