Португалия терма жамоасининг очиқ машғулотлари учун мўлжалланган текин чипталар 800 евродан сотилди
Португалия терма жамоаси машғулотларига кириш учун чипталар 800 евродан сотилган. Бу ҳақида ESPN нашри хабар бермоқда.
Португалия терма жамоасининг очиқ машғулотлари Вестфалияда бўлиб ўтади. Бир неча дақиқада 6000 та бепул чипталар ўз эгаларини топган. Шундан сўнг чипталарнинг бир қисми бепул бўлишига қарамасдан ташкилотчилар томонидан 400 ва 800 евродан сотилган.
Криштиану Роналду ўзининг олтинчи Европа Чемпионатида иштирок этади. Футболчи 2004 йилда финалга қадар етиб борган бўлса, 2016 йилда мусобақа чемпионига айланган эди.
39 ёшли футболчи 2023 йилдан буён Саудия Арабистонининг “Ан-Насср” жамоаси шарафини ҳимоя қилиб келмоқда.
F гуруҳидан жой олган Португалия турнирдаги илк ўйинини 18 июнь куни Чехияга қарши ўтказади. Шундан сўнг Туркия ва Грузияга қарши баҳс олиб боради.
Манба: daryo.uz
Киритилди: 22:48, 12.06.2024. Ўқилди: 538 марта. Фикрлар: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар