Хориж чемпионатларида тўп сураётган Ўзбекистон миллий терма жамоасининг бир нечта аъзолари ўтаётган ҳафтанинг дам олиш кунлари ўз клублари сафида расмий ўйинларда майдонга тушишди.
РОССИЯ
Маҳачқалъанинг «Анжи» клуби ярим ҳимоячиси Одил Аҳмедов Россия премьер-лигасининг навбатдаги турида ўз майдонида «Алания»га қарши учрашувда 46-дақиқада майдонга тушди. Учрашувда 0:0 ҳисоби қайд этилди.
Қозоннинг «Рубин» клуби ярим ҳимоячиси Вагиз Галиулин, сафарда «Кубань» клубига қарши кечган учрашув қайдномасидан ўрин олмади.
Россия премьер-лигаси иккинчи давраси бошланиши арафасида Москванинг «Локомотив» клуби сафига келиб қўшилган Ўзбекистон миллий терма жамоаси ҳимоячиси Виталий Денисов илк маротаба расмий учрашувда жамоа асосий таркибида майдонга тушди. Москва «Темирйўлчилар»и шу куни ўз майдонида «Терек»ни қабул қилди ва 1:1 ҳисобидаги дурангга имзо чекди. Денисов учрашувда тўлиқ 90 дақиқа ҳаракат қилган.
ҚОЗОҒИСТОН
6 апрель куни Қозоғистон премьер-лигаси 4-тур учрашувлари ўтказилди. Ўзбкистон миллий терма жамоаси ҳужумчиси Улуғбек Бақоев тўп сураётган Павлодарнинг «Иртиш» клуби шу куни ўз майдонида Актобе жамоасини қабул қилди. Мазкур учрашувда ҳисоб очилмади - 0:0. Хабарингиз бор, «Актобе» сафида Ўзбекистон миллий терма жамоасига номзод бўлган 3 нафар футболчи - Марат Бикмаев, Александр Гейнрих ҳамда Темур Кападзелар тўп суришади. Эътиборлиси юқорида номи тилга олинган легионерларнинг барчаси ушбу учрашувда ўз жамоалари асосий таркибида майдонга тушишди. Улуғбек Бақоев «Иртиш» сафида учраувда тўлиқ ҳаракат қилган бўлса, Александр Гейнрих ҳам мазкур учрашувда «Актобе» сафида 90 дақиқа ҳаракат қилди. Ўйинни асосий таркибда бошлаган Марат Бикмев 85 дақиқада, Темур Кападзе 46-дақиқада заҳира футболчиларига алмаштирилди.
Янги мавсумни «Жетису» сафида бошлаган Ўзбекистон терма жамоасига номзод бўлган футболчилардан бири Шавкат Саломов ҳам 4-тур учрашувида ўз жамоаси сафида майдонга тушди. Саломов ўз майдонида «Шахтер» клубига қарши кечган (0:0) учрашувда 70-дақиқа ҳаракат қилди. «Жетису» сафида ҳаракат қилаётган ўзбекистонлик яна бир футболчи Руслан Мельзиддинов мазкур учрашувда тўлиқ 90 дақиқа майдонда тўп сурди.
ХИТОЙ
6-7 апрель кунлари Хитой суперлигасининг 6-тур учрашувлари бўлиб ўтди. Ўзбекистон миллий терма жамоасига номзод футболчилардан бири - Камолиддин Тожиев «Жиангсу» ўз майдонида «Бейжинг» клубига қарши кечган учрашувда (0:1) 90 дақиқа ҳаракат қилди. «Бейжинг» таркибида ўзбекистонлик яна бир футболчи - Егор Кримец тўп сураётганидан ҳабарингиз бор. Кримец мазкур учрашувда заҳира футболчилари қаторидан ўрин олган бўлсада, майдонга туширилмаган. Маълумот ўрнида, «Бейжинг Гуоан» жамоаси 10 апрель куни Осиё Чампионлар лигаси 4-тури доирасида ўз майдонида Тошкентнинг «Бунёдкор» клубини қабул қилади.
Ўзбекистон миллий терма жамоаси ҳимоячиси Анзур Исмоилов («Чангчун Ятай») ҳам Хитой суперлигасиниинг 6-тур учрашувида сафарда «Шанхай» клубига қарши асосий таркибда майдонга тушди ва 90 дақиқа ҳаракат қилди. Ушбу учрашувда «Чангчун Ятай» 0:2 ҳисобида мағлубиятга учради.
Ушбу мавсумдан бошлаб Хитой суперлигасида фаолиятини давом эттираётган ўзбекистонлик яна бир футболчи Шавкат Муллажонов 6-тур учрашувида илк маротаба асосий таркибда майдонга тушди. «Лиаонинг» жамоаси ҳимоячиси сафарда «Шанхай Шенхин»га қарши учрашувда тўлиқ 90 дақиқа ҳаракат қилди. «Ксингдао Жонон» клуби ярим ҳимоячиси Шерзод Каримов эса, ўз майдонида «Гуанчжоу» жамоасига қарши учрашувда 46-дақиқада майдона туширилди. Учрашув 1:1 ҳисобида якунланган.
ЖАНУБИЙ КОРЕЯ
Ўзбекистон миллий терма жамоаси сардори Сервер Жепаров 7 апрель куни Жанубий Кореянинг «Сёнгнам Ильва Чунма» клуби сафида сафарда «Бусан» клубига қарши учрашувнинг иккинчи бўлими 52-дақиқасида майдонга туширилди.
БАА
Дубайнинг «Аш Шабоб» клубида тўп сураётган Ўзбекистон терма жамоаси ярим ҳимоячиси Азиз Ҳайдаров 6 апрель куни сафарда «Банияс» клубига қарши кечган учрашувда тўлиқ 90 дақиқа ҳаракат қилди «Аш Шабоб» мазкур учрашувда 0:1 ҳисобида имкониятни бой берди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
