9 апрель – Амир Темур таваллуд топган кун. Мустақиллиқ туфайли халқимиз ўзлигини таниди, буюк боболаримизнинг тарихдаги ўчмас жасорати ва юксак даҳоси ҳақидаги асл ҳақиқат рўёбга чиқди. Бу улуғвор ишларнинг дебочиси сифатида мамлакатимизда Соҳибқирон Амир Темур ҳақидаги адолат қарор топди.
Президентимизнинг «Юксак маънавият – енгилмас куч» китобида халқимизнинг топталиб келган миллий ғурурини юксалтириш, Соҳибқирон бобомизнинг муборак номи, тарихий сиймоси, бой мероси ва хотирасини тиклаш йўлида мамлакатимизда қўйилган қутлуғ қадамлар тўғрисида батафсил ҳикоя қилинган. 1996 йил Ўзбекистонда «Амир Темур йили» деб аталди. ЮНЕСКО қарори билан Соҳибқирон Амир Темур бобомиз таваллудининг 660 йиллиги бутун дунё бўйлаб кенг нишонланди.
Мамлакатимиз пойтахти Тошкент шаҳрида 1992 йили Соҳибқирон бобомиз Амир Темур ҳайкали ўрнатилди ва унга «Куч – адолатда» деб ёзиб қўйилди.
Миллат қайғусидан, халқ дардидан яралган улуғ бобобимизнинг дунёга келиши замон зарурати ва талабига айланди, бошқача қилиб айтганда, тарих ва замон ўз қаҳрамонини ўзи жаҳон майдонига олиб келди.
Амир Темур ўз давлатини боқариши билан бирга илмнинг қадрига етадиган, уни ривожлантиришга астойдил бел боғлаган, дунёнинг энг етук олимлари, тарихчилари билан бемалол суҳбатлаша оладиган донишманд ҳукумдор ҳам эди. Илм-фанга қизиқиш Амир Темурнинг хонадонидан бошланган эди, десак туғрироқ бўлар эди. Сабаби Соҳибқирон хонадонида фарзандларга илм-фаннинг турли соҳаларидан кўп сабоқлар берилар, мадрасаларда таҳсил олишлар давом эттирилар эди.
Соҳибқирон бобомиз Амир Темур — ўз даврида илм-фан ва маданиятнинг ривожланишига ҳам кўп ҳисса қушган улуғ саркарда. Соҳибқирон ҳаракатлари туфайли шоирлар, олимлар, маънавият ва маърифат жонкуярлари бор бўлиб, улардан илм-фан ва маънавиятнинг қадрига етадиган ажойиб инсонлар етишиб чиққан. Жаҳон адабиётининг буюк намояндаларидан ҳисобланган Алишер Навоийнинг ижоди, Лутфий ва Ҳусайн Бойқаро шеърияти, Камолиддин Беҳзоднинг дурдона миниатюра расмлари, Заҳриддин Муҳаммад Бобурнинг бебаҳо «Бобурномаси», гўзал шеърияти, илмий асарлари – барча-барчаси темурийлар даврининг маҳсулидир. Уларнинг саъй-ҳаракатлари билан маданиятимиз юксак даражаларга эришди.
Ўзбекистон Республикаси ўз мустақиллигини қўлга киритгач, мамлакатимизда илм-фан, маданият ва спортга катта эътибор қаратилмоқда. Соҳибқирон Амир Темур бобомизнинг авлоди бўлмиш бугунги ёш авлод вакиллари жаҳонда Ўзбекистонимизнинг куч-қудратини мустаҳкамлашда, «Ўзбекистон - келажаги буюк давлат» шиорини амалга оширишда ишончли замин яратмоқда.
Ўсиб келаётган ёш авлоднинг ҳар томонлама камол топишида жисмоний тарбия ва спортнинг ўрни беқиёсдир. Шу боис, мамлакатимизда спорт, хусусан болалар спортини ривожлантириш давлат сиёсатининг устувор йўналишларидан бири бўлиб келмоқда. Шуни ҳам алоҳида таъкидлаб ўтиш лозимки, мамлакатимизда умумтаълим мактаблари ўқувчиларининг «Умид ниҳоллари», академик лицей ва касб-ҳунар коллежлари ўқувчиларининг «Баркамол авлод» ҳамда олий таълим муассасалари талабаларининг «Универсиада» спорт мусобақаларининг уч босқичли тизими жорий этилди.
Бу «Кичик олимпиада» деб эътироф этилаётган ушбу спорт мусобақалари мамлакатимиз байроғини баланд кўтарадиган, юрт шаъни, халқ ғурури учун курашадиган маҳоратли спортчиларни тарбиялашда ўзига хос мактаб вазифасини ўтамоқда. Ушбу оммавий спорт тадбирларида қатнашаётган ўқувчи-ёшлар орасидан келгусида жаҳон миқёсида муносиб иштирок этадиган маҳоратли спортчиларни тарбиялаб чиқариш ҳар бир устоз-мураббийларнинг бурчидир.
Ўзбекистон футбол иқтидорларга бой давлат. Болалар футболини ривожлантирмай туриб, юқори савиядаги катталар футболига эришиб бўлмайди. Юртимизда кўплаб маҳоратли футболчи болалар тайёрланмоқда, бу ҳеч кимга сир эмас, болалар эса эртанги келажагимиз. Бизнинг ҳозирда энг асосий вазифамиз ана шу келажагимизни эҳтиёт қилиш. Токи бугунги ўсмирлар ва ёшлар эртага миллий терма жамоамизни янгидан янги ғалабалар сари етаклашсин!
Бунга биргина мисол, ўтган йили Эронда ўтган 16 ёшгача бўлган футболчилар ўртасидаги Осиё чемпионатида иштирок этган, таркиби асосан 1996 йилда тўғилган ўсмирларимиздан тузилган бош мураббий Дилшод Нуралиев бошчилигидаги Ўзбекистон терма жамоамиз ўз тарихида илк бор Осиё чемпиони деган номга сазовор бўлди. Бу болакайлар эртанги келажагимиз саналади.
Албатта мен ҳам ўз ўрнида бу тарихий ғалабадан жуда хурсанд бўлдим. Нега деганда ўғлимнинг тенгдошлари ОСИЁ ЧЕМПИОНИ булишдида, баракалла.
Шу ўринда бир нарсани қўшимча қилиб айтиб ўтишни лозим топдим. Мамлакатимизда 1996 йил «Амир Темур йили» ва 9 апрель Соҳибқирон бобомиз Амир Темур таваллуд топганлигининг 660 йиллиги кенг нишонлаётган бир пайтда, 1996 йил 9 апрель куни тўнғич фарзандим дунёга келди. Аждодларимизнинг кароматли йўлини берсин деб унга Кароматдин деб исм қўйдик. Ҳозир у Хўжайли педагогика коллежининг жисмоний тарбия бўлимининг 1-босқич ўқувчиси. Ўз тенгдошлари қатори футболга меҳрини қўйган ёш авлодларимизнинг бири саналади.
Фарзандим ҳам келажакда Ватанимизнинг байроғини янада баландга кўтариб, Ўзбекистон фарзандлари ҳеч кимдан кам эмас эканлигини, ҳеч кимдан кам бўлмаслигини жаҳонда исботлайди деган умиддаман. Бу тилак оиладаги ҳар бир ота-онанинг орзуси бўлса керак деб ўйламан, албатта.
Шу ўринда фурсатдан фойдаланиб, фарзандим Кароматдинни 9 апрель туғилган куни билан stadion.uz ижодкорлари ва мухлислари номидан табриклаб қўйишни лозим топдим.
Абдумажид Қодиров
(UZBEKISTONIM никли мухлис)
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
