"Металлург" таркибида хорижлик ҳужумчи пайдо бўлди
Бекободликлар иккинчи давра арафасида таркибини хорижлик ҳужумчи Балса Секулич билан бойитди. УЕФА чемпионлар лигаси, Европа лигаси ҳамда Конфедерациялар кубоги баҳсларида майдонга чиққан, халқаро учрашувларда ҳам рақиблар дарвозасини нишонга олган ҳужумчи “Металлург”нинг ҳужум чизиғига кучайтиради деб умид қиламиз.
Профессионал фаолиятини 2016 йили “Цетинье” жамоасида бошлаган Балса тез орада кучли клублар эътиборига тушди. Туғилиб ўсган шаҳри Подгорицанинг “Будучность” жамоасида икки йил тўп сурди. Сўнгра “Титоград”, “Подгорица”, “Искра” (Даниловград), “Канвондо” жамоаларида ўйнади. 2023 йилдан яна "Будучность"га қайтди. Мамлакат ёшлар терма жамоасига, 2022 йили эса миллий терма жамоага жалб этилди.
Балса Секулич хорижда легионер сифатида Кей лигада ярим мавсум тўп сурди. 2022 йили “Гангвон” клубида 18 та ўйинда майдонга чиқиб, 2 та гол киритди.
Балса Секулич – 26 ёшда, 1998 йилнинг 10 июнь санасида туғилган.
Туғилган жойи – Подгорец
Бўйи – 188 см
Вазни – 75 кг
Амплуаси – ҳужумчи
Манба: https://t.me/metallurguz
Киритилди: 20:10, 30.07.2024. Ўқилди: 1052 марта. Фикрлар: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар